1 Korint teeb 2:13 - Yennu Gbounpaauŋ Mɔɔr

¹³ Li paak, ki ti ki piak maan nba tee nisaarik wannu yami; ŋaan ti piak linba ki Yennu Seyeeŋ wantit, ki bia want Yennu barmɔnii na ki teen niib nba ki Yennu Seyeeŋ be bi ni na;

Yennu Gbouŋ Mɔɔr

¹³ Li paak, ti ki piak maan nba tee nisaarik yan wannu; ŋaan ti piak linba ki Yennu Seyeeŋ wantit, ki bia want Yennu barmɔnii ki teen niib nba ki Yennu Seyeeŋ be bi ni nae;

1 Korint teeb 2:13 ပူးပေါင်းရင်းမြစ်များ

1 Korint teeb 2:4

N ki pak labaar maŋ nan minu nba sa maŋ niib kaawa ki bin sak li, ŋaan n pake ki Yennu Seyeeŋ na wann u paŋ,

1 Korint teeb 2:14

ŋaan wunba ki mɔk Yennu Seyeeŋ maŋ, li yɔɔ ki gaan Yennu Seyeeŋ na maami, kimaan li sii tee jatiie ki turɔ, ki u kan bann li paaki, kimaan li bannu nyi Seyeeŋ na boor nie.

1 Korint teeb 1:17

Kimaan Masia ki tumin a n tan wur niib; u tumin a n tan mɔɔnt u barŋanii nee ki tur niib. Li ki tee a n jikit nisaarik mir kaa ki beeribi; mi-i bo-i kii tuun nna, li bo sa te ki Masia nba kpo dapunpunn paak na, u kuun maŋ-n teen yanne.

1 Korint teeb 2:1

N naa waas, ma din baar i boor ni na, n din ki mɔɔntir Yennu labaar na ki teeni nan mɔmant amii nifosaarik minu ni kaa.

1 Piita 1:12

Ki Yennu fiit wannib a bi ki sɔkint bi mɔŋ yoo labaar kaa, ŋaan yimm poe ki bi sɔkint. Yennu Seyeeŋ nba ki u din tumɔ a wun nyi Yendɔuŋ ni nee mun te ki binba mɔɔntir barŋanii na beeri barii maŋ. Linba nee ki malakanba mun loon bin bann li paak.

Kolosa teeb 3:16

Li kpaa talas ki Masia labaar na-ii be i para ni chib chib, kii want i leeb, kii bia kpaan i leeb nan i yan kur; kii yiin Yennu gbouŋ ni yanii, nan yenpaku yanii, nan Seyeeŋ yanii; kii yiin yanii kii teen Yennu nan niipoouk i para ni.

2 Piita 1:16

Ta poŋ din beti nan ti Yomdaanɔ Yisa Masia tee paŋ daanɔe, ki bia tan sa jena, labaar maŋ ki tee faak kaa, li tee barmɔniie. Ti ninbinae din la wa mɔk paŋ biaŋinba.

Efesus teeb 5:19

Yii yiin yanii kii piak ti Yomdaanɔ i para ni, kii yiin nan i leeb Yennu gbouŋ ni yanii nan Seyeeŋ yanii.

1 Korint teeb 14:2

Wunba piak barganii nba ki Yennu seyeeŋ wannɔ na, u piak teen Yennue, u ki piak teen niib kaa, kimaan sɔɔ ki bant li paak, wa piak woonin ni maan Seyeeŋ paŋ po na;

1 Korint teeb 9:11

Ti din turi Yennu Seyeeŋ yare; ki li bo ki jaŋ nan i turit gbanant yarii?

Barŋanii nba ki LUK din sɔb nae na 12:12

kimaan li yoo nee ki Yennu Seyeeŋ tan sa wanni biaŋinba ki i sa pak.”

Toona 2:4

ki Yennu Seyeeŋ gbee yent sɔɔ kur ni, ki bi piin piak barganii kaman nan Yennu Seyeeŋ nba wannib biaŋinba.