1 Korint teeb 2:10 - Yennu Gbounpaauŋ Mɔɔr

¹⁰ Ŋanne ki Yennu Seyeeŋ na te ki ti bannir, kimaan Seyeeŋ na mi bont kur nan Yennu woonin ni maan gbaa.

Yennu Gbouŋ Mɔɔr

¹⁰ Ŋanne ki Yennu Seyeeŋ na te ki ti bannir, kimaan Seyeeŋ na mi bont kur, nan Yennu woonin ni maan gbaa.

1 Korint teeb 2:10 ပူးပေါင်းရင်းမြစ်များ

Matiu 13:11

Ki u jiin ki betib a “Yimm ŋanin, Yennu chab a yin bann woonin ni barii ki jii jiin u naan po, ŋaan ŋamm ŋanin, u ki chabibi.

Matiu 16:17

Ki Yisa betɔ a “Fin Simon, wunba tee Jona bija na, parpeenn be a paak, kimaan nisaarik kaa fiit barii na wannani, ŋaan n Baa Yennu wunba be sanpaapo nee fiit ki wanna.

Barŋanii nba ki LUK din sɔb nae na 10:21

Li yoo maŋ ki Yennu Seyeeŋ din te ki Yisa mɔk parpeenn hei, ki u yet a “N Baa Yennu wunba tee sanpaapo nan tingbouŋ na Yomdaanɔ, n piaka, kimaan a bɔr labaar maŋ subindamm nan miteeb, ŋaan fiit wann waase; kimaan nnee ki a loon a tun, ki li mana.”

Barŋanii nba ki LUK din sɔb nae na 2:26

Ki Yennu Seyeeŋ maŋ poŋ din fiit ki wannɔ a u kan kpo see ki u tan la Yennu Niganntɔɔ Masia, wunba ki u din senn mɔsonn a u sa tumɔ na.

Jɔɔnn 14:26

Ŋaan ki n Baa Yennu sa tun Sommtɔɔ i boor, n sann ni. Li Sommtɔɔe tee u Seyeeŋ na; ŋɔɔe sa wanni barii kur, ki bia sa tiari linba kur ki n poŋ beti.

Jɔɔnn 16:13

Yennu Seyeeŋ nba want barmɔnii na, u-i taŋŋi baar yoonba, u sa wanni barmɔnii kur wannua. U tan kii piak nan u mɔŋ mɔŋ maan kaa, ŋaan u tan sii wanti linba ki u gbia Yennu boore, ki bia sii beeri linba tan sa teen na.

1 Korint teeb 14:30

Ŋaan li-i tee ki sɔɔ be i sinsuuk ni ki tan loon wun sɔkin Yennu maan, wunba bo piak na-n ŋmin.

1 Korint teeb 2:11

Nifosaarik seek nba be u ni na kuukɔɔe mi nisaarik dudukit. Nnee mun, sɔɔ ki mi Yennu dudukit see Yennu Seyeeŋ na kuukɔɔ.

Galasia teeb 1:12

Nisaarik kaa din wannin ki n gaar, ŋaan Yisa Masia mɔŋ mɔŋe din fiit wannin.

Efesus teeb 3:3

U din fiit u woonin ni lor na ki wannima.

Efesus teeb 3:5

Mɔtana Yennu ji ŋaan ki u Seyeeŋ fiit u woonin ni lor na ki wann u toomiinbaŋamm nan u sɔkiniinba, ŋaan li din ki tee nna sianyoo ni.

1 Timoti 4:1

Tɔn, Yennu Seyeeŋ set wantit yeenin ni nan yoo nba waa poorpo na ki nisiab tan sa nyik Masia labaar nawa, ŋaan sak narinbiit nba sa kpannib na, ki bia wei Sintaanii wannu na.

1 Piita 1:12

Ki Yennu fiit wannib a bi ki sɔkint bi mɔŋ yoo labaar kaa, ŋaan yimm poe ki bi sɔkint. Yennu Seyeeŋ nba ki u din tumɔ a wun nyi Yendɔuŋ ni nee mun te ki binba mɔɔntir barŋanii na beeri barii maŋ. Linba nee ki malakanba mun loon bin bann li paak.

1 Jɔɔnn 2:20

Yisa Masia, popeendaanɔ nee, sikin u Seyeeŋ i paak, ki u te ki i kur mi wannu nba took.

1 Jɔɔnn 2:27

ŋaan yimm ŋarin, Yisa sikin u Seyeeŋ maŋ i paaka. Seyeeŋ maŋ nba biar be i ni na, i ji kii loon ki sɔɔ-n wanniini, kimaan Seyeeŋ maŋ mɔŋe wanti bont kura, ki u wannu maŋe tee barmɔnii wannu, ki li ki tee faak wannu kaa. Li paak, yii gaa Yisa paak man kaman nan Seyeeŋ maŋ nba wanti biaŋinba na.

Fiitu 1:1

Maan nba ki Yisa Masia din fiit na sɔb gbouŋ na nie. Yennu din turɔ maan maŋ a wun wann u toontunna linba sa teen mɔtana. Masia din tun u malaka u toontunnɔ Jɔɔnn boor ni, a wun betɔ maan maŋ kur.

Fiitu 2:24

“Ŋaan i siab nba be Tiataira ki ki waa poo maŋ sɔnii na, ki bia ki waa linba ki siab yir Sintaanii woonin ni labaar na, n yeen yimme a n kan jinni jikpiata.