1 Korint teeb 15:2 - Yennu Gbounpaauŋ Mɔɔr

² Li-i tee ki i diar fanu, i sa tinn, ŋaan nnee kaa, i yada na sii tee yanne.

Yennu Gbouŋ Mɔɔr

² Li-i tee ki i diar fanu, i saa tinna. Nna-i kaa, i yada na sii tee yanne.

1 Korint teeb 15:2 ပူးပေါင်းရင်းမြစ်များ

Barŋanii nba ki LUK din sɔb nae na 8:13

Ki linba mun baa tanpuut paak naan nan binba gbat n maan nan parpeenn, ŋaan ki li daa ki sik bi para ni fanu, ki bi tuu teenin yada yoo waaminna, ŋaan yoo nba ki jinjammii baarib, bi tuu yêt n weiue.

Toona 2:47

Ki yoo kur ki bi piak dont Yennu sann, ki sɔɔ kur par mei bi paak. Ki daar kur ki ti Yomdaanɔ bia ŋammit ki te ki niib laat tinnu ki pukii bi paak.

Toona 8:13

Simon mɔŋ mun din teen Filip maan yada, ki u wurɔ. Ki u teen Filip weinanlɔɔ, ki laat bakitnauŋ toonjaana nba ki u tuun na, ki li tuu yaar ŋaan litɔ.

Rom Teeb 1:16

Fei ki mɔkin nan ki n mɔɔnt barŋanii maŋ, kimaan li tee Yennu paŋ nba tint wunba kur teen Yisa yada nee; sinsinn li tee Juu teeb yare, ki mun bia tee nibooru kur yar.

Rom Teeb 11:22

Gotir Yennu nba mɔk ninbatinu ŋaan bia mɔk ninkoonii biaŋinba. U mɔk ninkoonii ki tur binba ki teen yada, ŋaan u tiina ninbaauk; fi-i kpaŋŋi teen yada, u mun sii tiina ninbaauk, ŋaan li-i kii tee nna, u mun bia sa kɔnnae ki lua.

1 Korint teeb 1:18

Nisiab nba bot Yennu sɔnu ni na jii Masia kuun dapunpunn paak labaar na ki li tee yanne, ŋaan timm nba tinn na mi nan li tee Yennu paŋe.

1 Korint teeb 1:21

Yennu nba mɔk yan na te ki tingbouŋ na teeb yan kan fit te ki niib-n bannɔ. Li paak, ki u te ki binba teen Yisa yada na tinn; jatii labaar nba ki ti mɔɔntir ki teen niib na paak ki bi tinn.

1 Korint teeb 11:2

N naa waas, n mɔk parpeenn nan ya tian linba ki n wanni na kur, ki bia tee nnee.

1 Korint teeb 15:14

ki Masia-i diŋŋi kii fiir kuun nie, ŋann ŋanin ti ki mɔk labaar nba ki ti ji sa mɔɔnti; ki i mun ki mɔk linba ki i sa teen yada.

2 Korint teeb 2:15

Ti tee kaman nan bonnunubmana nee ki Masia jiit ki wubint ki teen Yennu, ki li yat kɔɔ binba la tinnu nan binba ki la tinnu kura.

2 Korint teeb 6:1

Li paak, timm nba tuun Yennu toona u sommir paak na, ti barimiie, i daa te ki u ninbatinu na tee yanni.

Galasia teeb 3:4

Ya din la Yennu yaarlituk toona nba na kura kaa nyɔɔt nan waama i boorii? N dukin nyɔɔt be li paak.

Efesus teeb 2:8

Yennu ninbatinu na paake ki i tinn, kimaan i teen Masia yada.

Kolosa teeb 1:23

li paak, yii yabii man setik nan mɔnii, ki teen Yisa yada kii see chimm, ki daa fɔrii nyi dindann nba ki i la yoo nba ki i din gbat u barŋanii; ki bi din mɔɔntir barŋanii maŋ ki teen niib kur nba be tingbouŋ na ni; ki min Pɔɔl teen li toontunnɔ na.

2 Tesalonika teeb 2:15

Ti naa waas, li paak, setir man chib, ki dia wannu nba ki ti din wanni ti mɔmaan ni, nan ti gbouŋ ni na.

2 Timoti 1:9

Ŋɔɔ Yennue tinnit ki yiinit a tii tee popeendamm; wa yiinit biaŋinba, li ki tee ti toonŋana paak kaa, ŋaan u mɔŋ din senn a u sa tint ninbaauk Yisa Masia paak; u din senn nnee yoo nba ki u daa ki nan dunia na.

Hiibru teeb 10:23

Yi ŋaan ki tii mɔk dindann nba ki ti fiit wann na fanu man, ki daa birisi, kimaan wunba din senn mɔsonn ki turit na tee barmɔnii daanɔe.

Hiibru teeb 2:1

Li paak, li kpaa talase ki tin gbiint barmɔnii nba ki ti din gbat na fanu ki tan daa kɔŋŋitiri.

Hiibru teeb 3:14

Kimaan ti-i dia ti sinsinn yada na chib ki saa baar ti manfoor joontu, timm nan Masia tee bonyenne.

Hiibru teeb 3:6

Masia ŋanin tee barmɔnii daanɔ nba yen Yennu ŋaak maŋe ki tee u Bija na. Ti-i mɔk parcheenn nan yuugontir ti dindann paak, ŋann timme tee Yennu ŋaateeb maŋ.

Hiibru teeb 4:14

Li paak, ŋaant man ki tii dia ti yada nba ki ti fiit wann na kenken, kimaan ti mɔk mantɔyudaanjaann, ŋɔɔe tee Yennu Bija Yisa wunba poŋ gar saan Yennu tiauŋ boor ni na.

Jeems 2:14

N naa waas, daanɔ nba yaa a u teen Yisa Masia yada, ŋaan ji ki tuun popeenn toona, li mɔk nyɔɔtii? U yada maŋ booru sa fit tinnɔwa-aa?

Jeems 2:17

Yada kuukɔɔ-i be, ŋaan toonŋana kaa, yada maŋ tee yadakpeeuŋo.

Jeems 2:26

Li paak, gbanant nba kaa seek, li tee gbanankpeeuŋo, yada-i munii be ki toonŋana kaa, li mun tee yadakpeeuŋo.