1 Korint teeb 14:3 - Yennu Gbounpaauŋ Mɔɔr

³ ŋaan wunba sɔkint Yennu maan ki teen niib, u teemm paŋe, ki kɔɔntib para, ki bia teemm parpeenn.

Yennu Gbouŋ Mɔɔr

³ ŋaan wunba sɔkint Yennu maan ki teen niib, u teemm paŋe, ki kɔɔntib para, ki bia teemm parpeenn.

1 Korint teeb 14:3 ပူးပေါင်းရင်းမြစ်များ

Barŋanii nba ki LUK din sɔb nae na 3:18

Jɔɔnn nba din mɔɔntir barŋanii maŋ ki teen niib na, ki u pak barbooru booru ki kpaamm.

Toona 13:15

ki la ki bi karin Moses sennu ni nan Yennu sɔkiniinba sɔbu ni, ki Yenjiantu diiuk maŋ ni saakab yetib a bin yet Pɔɔl nan Banabas a “Ti naa waas, li-i tee ki i mɔk labaŋann nbaie ki sa pak ki turit, yin pak.”

Toona 14:22

ki ŋammit want Yisaweira u maan, ki cheen bi para doi maŋ ni, ki beerib a “I kpaŋŋii dia i yada maŋ nna man,” ki wantib a “Nan ki tin tan kɔɔ Yennu naan ni na, see ki ti fabir ki dii muksuk bonchiann.”

Toona 15:32

Ki Judas nan Sailas, binba din tee sɔkiniinba na, din yukir namm ki betib Yennu maan bonchiann ki cheen Yisaweira maŋ para ki totib.

Toona 4:36

Ki jasɔɔ din be leŋ ki u sann yi Josef, ki u din tee Liifai booru ni nirɔ, wunba ki bi din marɔ Saiprus, ki toomiinba na din yiu Banabas (ki li paak tee Sommtɔɔ na),

Toona 9:31

Ŋanne ki Yisaweira nba be Judea nan Galilee nan Samaria na ji ki laat muksuku, ki ŋammit ki tumii ti Yomdaanɔ barii, ki tee yentina, ki Yennu Seyeeŋ be namm ki kɔɔntib para, ki bi pukii.

Rom Teeb 12:8

li-i tee ki a kpaan a leeb kpaanii, fan tun nna; fin nba mun pi piinii, i tuun nna kaman nan burchimɔ na; wunba mun mɔk yaak niib paak, li ŋan wun tun yaak toonn maŋ bonŋann; ki wunba mun mɔk ninbatinu nan niib, li ŋan wuu mɔk ninbatinu nan parpeenn.

Rom Teeb 14:19

Li paak, ŋaant man ki tin yabir ki tun linba baat nan parmaasir, nan linba sa somm ti leeb.

Rom Teeb 15:2

Ŋaant man ki ti kura baka-ii be ti naa waas paak ki sommib ki bin wei Yisa Masia sɔnu fanu.

1 Korint teeb 10:23

Siab yeen a “Sɔnu be ki tin tun linba kur.” Mɔmɔmm; ŋaan bont kur kaa ŋani, bont kur kaa bia mɔk nyɔɔti.

1 Korint teeb 14:12

Ya set loon Seyeeŋ piinii na, yii loon piinii nba sa somm Masiaweira.

1 Korint teeb 14:17

A Yenmiaru na lek ŋan, ŋaan li ki mɔk sommir ki tur sɔɔ.

1 Korint teeb 14:26

N naa waas, n ji sa yet a bia? Li-i tee ki i lakin leeb a yi jiant Yennu, ki sɔɔ mɔk yaŋ, ki sɔɔ mɔk wannu, ki sɔɔ mɔk mafiit kar ki sa wann, ki sɔɔ mɔk barganii paku, ki sɔɔ mun mɔk barganii maŋ kpintu; yi teen linba na kur ki lin somm Masiaweira.

1 Korint teeb 14:31

I kur sa fit ki sɔkin Yennu maan yenɔ yenɔ, a i kur-n tumii ki lii kɔɔnti para.

1 Korint teeb 8:1

Tɔn, ki jikit saa patmannu nant po, ti mi nan ti kur mɔk bannu, ki li set tee mɔnii. Bannu te ki nirɔ dont u mɔŋ, ŋaan loomm ŋanin sommit nirɔe Masia waanu ni.

2 Korint teeb 1:4

Ŋɔɔe maan ti para ti fara kur ni, a tin mun fit maan binba be fara booru booru ni na para, kaman nan Yennu nba maan ti para biaŋinba na.

2 Korint teeb 2:7

ŋaan li ŋan yin nyik ki chabɔ, ŋaan kii maant u par, ki daa te ki wun baa tarrri.

Efesus teeb 4:29

I daa piak mɔbonbiit ki teen i leebi, ŋaan te ki i mɔbona-ii tee linba kpaa talas ki mɔk nyɔɔt, ki i leeb-i gbat, lin pukimm binbeŋ nba fan.

Efesus teeb 6:22

Li paake ki n tuumɔ i boor ni, ma wun turi labaar ki yin bann ta be biaŋinba, ki wuu biakii kɔɔnti para.

Kolosa teeb 4:8

Li paake te ki n tumɔ i boor ni, ma wun beti ti kur nba be biaŋinba, ki i para-n dɔɔr.

1 Tesalonika teeb 2:11

I mi biaŋinba ki ti din kpaani kaman nan waas baa nba tuu kpaamm biaŋinba na,

1 Tesalonika teeb 2:3

Kimaan ta din beeri linba na din ki tee linba din nyii faak nan dudukbiit ni, amii ti din ki kpanni kaa,

1 Tesalonika teeb 3:2

ŋaan daan tun ti naa bik Timoti, wunba ki timm nan ŋɔɔ taan tuun ki teen Yennu ki mɔɔntir Masia barŋanii, a wun chee i yada ki kɔɔnni para,

1 Tesalonika teeb 4:1

Ti naa waas, ya din tumii ti peŋ biaŋinba ki i sii tuun ki pent Yennu par ni na, nnee ki i poŋ din tuun. Mɔtana, ti barimiie ki kpaani ti Yomdaanɔ Yisa sann paak, yii ŋammit kii tuun nna man,

1 Tesalonika teeb 4:18

Li paak, yii dia mɔmaan na kii maant i leeb para man.

2 Tesalonika teeb 3:12

Ti Yomdaanɔ Yisa Masia sann ni ki ti beer niib maŋ ki kpaamm a bi baka-ii be bi tiauŋ toona ni, kii be soonna, kii di bi naauk nyɔɔt.

1 Timoti 1:4

ki daa fiin bi yejamm ni barkpera nan yaadindɔnfɔkit nba baat nan mɔniɔk. Ŋann ki mɔk sommir ki teen niib ki bi sa tumii Yennu sɔnu; yada paake te ki ti bannir.

1 Timoti 4:13

Jiin a yoo nan a yaak ki karin Yennu gbouŋ ki wannib li paak, kii mɔɔntir Masia barii mɔkmɔk nan yoo nba ki n tan sa baar.

1 Timoti 6:2

Binba ki bi yomdamm tee Masiaweira na daa fiakit bi yomdamm maŋ, ba yib bi naa waas na paak, ŋaan li kpaa talas ki ŋamme-n mantik tun fanu, kimaan bi yomdamm nba gaan bi toona nyɔɔt na teen Masia yada, ki Yennu loonib. I wantib kii kpaamm toona na po.

2 Timoti 4:2

a fii mɔɔntir u barii; ki yoo-i lekii jaŋ amii li-i kii jaŋi, fii mɔɔntir, kii piak niib bi toonbiit po, kii kpaanib, kii kɔɔntib para, kii wantib barii maŋ nan sukuru yoo kura,

Taitus 1:9

Li kpaa talas ki u dia barmɔnii labaar nba ki ti din wanni na. Ŋanne sa te wun fit wann niib wannu nba took, ki fit nyann binba ki saak barmɔnii wannu maŋ.

Taitus 2:15

Wantib linba na kura, kii cheen bi para, kii kpaanib Yennu nba tura yudant biaŋinba na; sɔɔ daa goriia yanni.

Taitus 2:6

A bia kpaan naasimm ki bin dia bi mɔŋ.

Taitus 2:9

Li ŋan ki daaba-ii saak bi yomdamm mɔi, kii pent bi para bonsiar kur ni. Bi daa nɔi nan bi yomdamm mɔniati,

Hiibru teeb 10:25

ki daa nyikit lakina nan ti leeb kaman nan nisiab nba nyikit lakinu biaŋinba na, ŋaan i sommit leeb man, ki mantik tee ta ji laat ki ti Yomdaanɔ daar maŋ nyarii naki biaŋinba na paak.

Hiibru teeb 13:22

N naa waas, n barimiie, yi di sukuru ki gbiint kpaanii na; kimaan ma sɔb gbouŋ nba turi na ki fɔki.

Hiibru teeb 3:13

Ŋaan i sommit leeb man daar-n tuu daar, ta daa be ti manfoor ni yoonba na, ki biit daa kpanni ki i tee tubkangbata damm.

1 Piita 5:12

Sailas wunba ki n mi nan u tee Masiaweirɔ nan barmɔnii na, ŋɔɔe sommin ki n sɔb gbouŋ nba ki fɔk na a n chee i para, ki kpaani, a ŋannii tee Yennu maan nan barmɔnii. Li paak, yii diar fanu man.

Juud 1:20

N naa walonkai, yii chee i para man Masia labayeen nba ki i teenir yada na paak, kii mei Yennu u Seyeeŋ paŋ ni,