1 Korint teeb 14:2 - Yennu Gbounpaauŋ Mɔɔr

² Wunba piak barganii nba ki Yennu seyeeŋ wannɔ na, u piak teen Yennue, u ki piak teen niib kaa, kimaan sɔɔ ki bant li paak, wa piak woonin ni maan Seyeeŋ paŋ po na;

Yennu Gbouŋ Mɔɔr

² Wunba piak maboorganii nba ki Yennu Seyeeŋ wannɔ na, u piak teen Yennu-e, u ki piak teen niib kaa, kimaan sɔɔ ki bant li paak, waa piak woonin ni maan Seyeeŋ paŋ ni na;

1 Korint teeb 14:2 ပူးပေါင်းရင်းမြစ်များ

Matiu 13:11

Ki u jiin ki betib a “Yimm ŋanin, Yennu chab a yin bann woonin ni barii ki jii jiin u naan po, ŋaan ŋamm ŋanin, u ki chabibi.

Barŋanii nba ki MAK din sɔb nae na 16:17

Ŋaan binba teenin yada sa tun yaarlituk toona nee: bi sii taan n sann ki nyint narinbiit niib ni; ki bia pak barganii nba ki bi tuu ki mi piakii;

Barŋanii nba ki MAK din sɔb nae na 4:11

Ki u yetib a “Yimm ŋanin, Yennu fiit woonin ni barii ki jii jiin u naan po ki wanniiwa, ŋaan binba ki be i ni na ŋanin gbia bonsiar kura nan barjokite

Toona 10:46

kimaan bi gbia ki bi piak barganii ki dont Yennu sann. Ŋanne ki Piita yet a

Toona 19:6

Ki Pɔɔl jii u nii ŋaan yii bi paak, ki Yennu Seyeeŋ sik kɔɔ bi ni, ki bi ji piak barganii, ki bia piak sɔkint Yennu mɔmaan.

Toona 22:9

Niib nba din chiantin na ŋarin din la yentu nawa, ŋaan ŋamm din ki gbat kunkɔr nba piak nanin na ŋarimi.

Rom Teeb 16:25

Li ŋan ki tin baak Yennu, kimaan u fit te ki i set waau fanu kaman nan ma mɔɔnt barŋanii ki jiin Yisa Masia po na, ki fiit woonin ni maan nba din bɔr bina bina na.

1 Korint teeb 12:10

ki bia teen sɔɔ yaak ki u tuun bakitnauŋ toona; ki bia teen sɔɔ ki u sɔkint Yennu maan; ki bia teen sɔɔ ki u bant piinii nba nyi Yennu Seyeeŋ ni nan linba ki nyi Seyeeŋ na ni; ki bia teen sɔɔ ki u piak mabooru booru; ki bia teen sɔɔ ki u fit kpintir mabooru maŋ.

1 Korint teeb 12:28

Ŋanne ki Yennu gann toomiinba u niib sinsuuk ni ki bi tee saakab; ki wei gann sɔkiniinba; ki gann wannteeb; ki wei paan binba tuun bakitnauŋ toona; ki gann binba te ki baatib paak, ki gann sommteeb; ki wei paan saakab nba ŋan ki gorii toona paak; ki wei paan binba piak mabooru booru.

1 Korint teeb 13:1

Tɔn, mi-i lekii fit piak barganii kur, amii ki fit piak malakanba maan, ŋaan ki ki mɔk loommi, n tee kaman nan gingann amii gbekuru fuut nee.

1 Korint teeb 13:2

Mi-i fit sɔkint Yennu mɔmaan, ki bant woonin ni maan kur, ki mɔk bannu, ki mɔk yada nba sa fit te ki jɔɔr-n fikit ki saan boleer po, ŋaan ki ki mɔk loommi, n tee yanne.

1 Korint teeb 14:16

Fi-i jii barganii ki mei Yennu nan u Seyeeŋ paŋ ni, ki nirɔ nba ki a be nanɔ na ki mi fa yeen linba, u sa teen nleewa ki sak a Yenmiaru na a li tee mɔmɔmme?

1 Korint teeb 14:26

N naa waas, n ji sa yet a bia? Li-i tee ki i lakin leeb a yi jiant Yennu, ki sɔɔ mɔk yaŋ, ki sɔɔ mɔk wannu, ki sɔɔ mɔk mafiit kar ki sa wann, ki sɔɔ mɔk barganii paku, ki sɔɔ mun mɔk barganii maŋ kpintu; yi teen linba na kur ki lin somm Masiaweira.

1 Korint teeb 15:51

N yaa n beti woonin ni maame. Ti siab tan sa kpo; ki siab mun tan sii be mɔkmɔk nan Yisa baaru daar; ŋaan ti kur sa lebita.

1 Korint teeb 2:10

Ŋanne ki Yennu Seyeeŋ na te ki ti bannir, kimaan Seyeeŋ na mi bont kur nan Yennu woonin ni maan gbaa.

1 Korint teeb 2:7

Yan nba ki ti piak na tee Yennu woonin ni yan nba woon ki nirɔ ki mi, linba ki Yennu poŋ dɔŋ gann a wun donnit, ki sɔɔ ki dunia daa din ki nan na.

Efesus teeb 6:19

ki bia miar Yennu tur n mun ki man fit la sɔnu ki pak nan parcheenn ki mɔn woonin ni barŋanii na,

Kolosa teeb 2:2

N yaa bi para-n chee, ki bin lakin taan leeb nan loomm, ki bann Yisa barii paak, ki teenɔ yada nan barmɔnii, ki daa mɔk birsuku, ki bann Yennu woonin ni labaar maŋ, linba tee Masia po;

1 Timoti 3:16

Li tee barmɔniie nan Masia labaar nba ki Yennu fiit wannit na sumii bonchiann: U din dɔkit nan gbanante, Yennu Seyeeŋ wann nan u be fanu; ki malakanba din lau. Ki niib din mɔɔnt u labaar ki tur nibooru, ki bi teenɔ yada tingbouŋ na ni, ki Yennu din tan donnɔ sanpaapo ki u la dontir.

1 Timoti 3:9

Li kpaa talas ki bii dia yada barii nba ki Yennu fiit wannit na fanu, ki bi daa mɔk biiti.

Fiitu 10:7

a ŋaan malaka nba pukin bannlore na-i taŋŋi pebir u kikaak na daar nba, Yennu tan sa jii woonin ni maan ki tun nann toonn, kaman nan wa din yet ki tur u sɔkiniinba binba tee u toontunna biaŋinba na.