1 Korint teeb 13:4 - Yennu Gbounpaauŋ Mɔɔr

⁴ Wunba mɔk loomm, u mɔk sukurue nan burchint niib paak; u ki mɔk funfunn, ki bia ki mɔk wantinmɔŋ, ki bia ki mɔk dontinmɔŋi.

Yennu Gbouŋ Mɔɔr

⁴ Wunba mɔk lomm, u mɔk sukurue nan burchint niib paak; u ki mɔk funfunn, ki bia ki mɔk garuk, ki bia ki mɔk dont-n-mɔŋi.

1 Korint teeb 13:4 ပူးပေါင်းရင်းမြစ်များ

Matiu 27:18

kimaan Pailat mi nan naŋ paake te ki bi soor Yisa ki teen u nuu ni.

Toona 7:9

Ki Jakɔb waas maŋ din tan mɔk punponn nan bi waarɔ Josef, ki din tan soorɔ ki kɔiɔ, ki nisiab daau ki saan nanɔ Ijipt tiŋ ni, ŋaan Yennu din be nanɔ,

Rom Teeb 1:29

Ki biit kur din be bi ni, ki bi gbee nan biit nan nianchiauŋ nan yanbɔmm nan funfunbiit nan nikpinu nan kunkɔna nan fai nan dudukbiit, ki bia tee sanjanjanna;

Rom Teeb 13:13

Ŋaant ki ti toona-ii yeen kaman nan niib nba tuu be yentu ni na, ki daa nyu daan ki yibi, ki daa tuun yuukpeensimi. Ti daa baa joona, ki daa tuun toonbiit booru booru, ki daa kɔn kunkɔna, ki daa mɔk funfuna nan leebi.

1 Korint teeb 3:3

kimaan i binbeŋ bia daa be kaman nan tingbouŋ na niib binbeŋ nee; kimaan funfunn nan mɔniɔk-i be i sinsuuk ni, i ki waa tingbouŋ na teeb binbeŋ kaa-aa?

1 Korint teeb 4:18

Siab mɔk dontinmɔŋe, ki dukii a n kan baar ki gɔniini.

1 Korint teeb 4:6

N naa waas, i paake ki n bikin linba na kur ki tur n mɔŋ nan Apolos, a i tumii ti boor ki wei Yennu gbouŋ nba wann biaŋinba na bonŋann, ki sɔɔ daa dont u mɔŋ ti yenɔkɔɔ paak ki gar u lɔɔ.

1 Korint teeb 5:2

ŋaan ki i mɔk dontinmɔŋ ki ki tiin fei li paaki. Li ki jaŋ nan i para-n biirii? Li ŋan ki yin nyinn li nibooru i sinsuuk ni.

1 Korint teeb 8:1

Tɔn, ki jikit saa patmannu nant po, ti mi nan ti kur mɔk bannu, ki li set tee mɔnii. Bannu te ki nirɔ dont u mɔŋ, ŋaan loomm ŋanin sommit nirɔe Masia waanu ni.

2 Korint teeb 12:20

N yan put i paake nan ma tan sa baar i boor ni ki kan lai ki i be kaman nan ma loon yii be biaŋinba na; ki i mun kan la min ki n be kaman nan ya loon mii be biaŋinba na: n mɔk jijeet nan n sa lai ki i kɔn nan i leeb, ki mɔk funfunn nan i leeb, ki dont wutoor i leeb paak, ki lukitir i leeb, ki sukii i leeb, ki biir i leeb, ki mɔk karinbaanii, ki tee kpirkpir;

2 Korint teeb 6:6

Ti tee popeendamme, ki ti mi Yennu mɔmaan, ki mɔk sukuru nan burchint, ki gbee nan Yennu Seyeeŋ, ki loon niib,

Galasia teeb 5:26

Li ki ŋan ki tii mɔk karinbaanii, amii tii fiint ti leeb wutoa, amii tii mɔk funfunbiit nan ti leebi.

Efesus teeb 4:2

Yii sikint i mɔŋ, kii be soonna nan sukuru, kii mɔk yandiŋir nan i leeb, nan loomm.

Efesus teeb 4:32

Yii tee burchimm nan ninkpabauŋ damm man i leeb boor. Yii nyikit leeb biit kii chabitib kaman nan Yennu nba nyikit i yara ki chabiti biaŋinba Masia paak na.

Filipi teeb 1:15

Ŋaan siab mɔɔntir Masia maan maŋ kimaan bi tee punpondamm nan kunkɔnkɔnnae, ŋaan ki siab mun mɔɔntir nan bi para ni nan barmɔnii loomm.

Kolosa teeb 1:11

Ŋɔɔ Yennu-n turi paŋ bonchiann kaman nan wa mɔk paŋ kur biaŋinba na, linba sa te ki i mɔk gbankur bonsiar kur ni, nan sukuru nan parpeenn.

Kolosa teeb 2:18

Sɔɔ-i yaa ŋɔɔe gar leeb ki laat yerintii ki loon a yi sikin i mɔŋ kii jiantir malakanba, i daa saak man; nna sa biiriwa. Li daanɔ dont u mɔŋ u dudukbiit ni, ŋaan ki li kaa paaki;

Kolosa teeb 3:12

Li paak, ya tee Yennu nigannkab ki tee popeendamm ki bia tee u walonkai na, yii mɔk ninkpabauŋ, nan burchint, nan sikininmɔŋ, nan soonna binbeŋ, nan sukuru,

1 Tesalonika teeb 5:14

Ti naa waas, ti barimiie a yi kpaan gbannyakdamm, ki maŋ jaŋmaandamm para, ki somm tarii, ki di sukuru nan sɔɔ kura.

1 Timoti 6:4

u gbee nan karinbaaniie ki ki bann siari, ki bia mɔk mɔniɔk nan kunkɔna niauŋ, ki li baat nan funfunn, nan kunkɔna, nan nisukit, nan pinpakbiit,

2 Timoti 2:25

kii tee wunba dia soonna binbeŋ kii kpaan binba nɔi nanɔ na, kimaan li pasiar Yennu-n tan turib yaak ki bin nyik bi dudukbiit ki bann barmɔnii wannu,

2 Timoti 3:10

Ŋaan fin ŋanin poŋ wei n wannu nan n binbeŋ, nan n dudukita. A poŋ mi ma teen Masia yada biaŋinba, nan n sukuru, nan n loomm nan niib, nan n gbankur,

2 Timoti 4:2

a fii mɔɔntir u barii; ki yoo-i lekii jaŋ amii li-i kii jaŋi, fii mɔɔntir, kii piak niib bi toonbiit po, kii kpaanib, kii kɔɔntib para, kii wantib barii maŋ nan sukuru yoo kura,

Taitus 3:3

kimaan sianyoo ti mɔŋ din ki mɔk yami, ti din tee mɔyêtdamme, ki waa sɔnu nba ki tooki, ki waa nianbiit sɔnbooru booru. Ti din tuu ki mi dudukit nba ŋan; ti din tee funfunn damme, ki din nan ti leebe ki bi mun namit.

Jeems 4:5

Li sɔb Yennu gbouŋ ni a “U loon Seek nba ki u teent na bonchiann.”

1 Piita 2:1

Ŋannimi, yi nyik biit kur, nan faak kur, nan kpinkpannii, nan funfunn, nan sanjaauŋ.

1 Piita 3:8

Linba biar na tee nnee; i kur-ii mɔk man dudukyenn, ki i baka-ii be i leeb ni, kii mɔk loomm nan Masiaweira, kii tiin i leeb ninbaauk, kii sikint i mɔŋ.

1 Piita 4:8

Linba gar bont kur tee a yii loon i leeb man fanu, kimaan loomm dɔkint biit bonchiann.

2 Piita 1:7

ki bia pukin naataann i yentinu maŋ paak; ki bia pukin loomm i naataann maŋ paak.

1 Jɔɔnn 4:11

N walonkai, Yennu nba loont biaŋinba na, li kpaa talas ki tii munii loon ti leeb nna.