1 Korint teeb 13:3 - Yennu Gbounpaauŋ Mɔɔr

³ Mi-i jii n mɔkint kur ki tur tatimm, ki lek jii n gbanant chab ki bi joo muu gbaa Masia paak, ŋaan ki ki mɔk loommi, n ki mɔk nyɔɔti.

Yennu Gbouŋ Mɔɔr

³ Mi-i jii n mɔkint kur ki tur tatimm, ki lek jii n gbanant chab ki bi joo muu gbaa Masia paak, ŋaan ki ki mɔk lommi, n ki mɔk nyɔɔti.

1 Korint teeb 13:3 ပူးပေါင်းရင်းမြစ်များ

Matiu 23:5

Linba kur ki bi tuun na, bi tuun a niib-n la ki pakibe. Gotir ba jii Yennu sennu waaminna nba sɔb gbanbis paak na ki lor lor bi gbanant paak ki li gbeŋ gbeŋ biaŋinba; bia gotir bi liatbaant mɔgbana nba fɔk fɔk ki yarin yarin biaŋinba.

Barŋanii nba ki LUK din sɔb nae na 18:22

Yisa nba gbat u jiinu na ki u betɔ a “Bonyennkɔɔe pɔta; kɔin linba kur ki a mɔk ki jii li likirii ki tur talasdamm, ki a tan sa la mɔkint Yendɔuŋ ni. Li poorpo ki a jenna kii waan.”

Barŋanii nba ki LUK din sɔb nae na 18:28

Ki Piita yetɔ a “Nnara, ti din nyik linba ki ti din mɔk na ŋaan waa-a.”

Barŋanii nba ki LUK din sɔb nae na 19:8

Li poorpoe ki Sakeus fiir ki set ki yet ti Yomdaanɔ Yisa a “N Yomdaanɔ, gotir, n sa bɔkit n mɔkint kur ki tur talasdamm, ki wunba ki n mi ki diiu fobit, n sa jiinɔ taar munna.”

Jɔɔnn 12:43

Linba na wann nan Juu teeb yudamm maŋ din loon niib-n pakibe, ki gar Yennu-n pakib.

Jɔɔnn 13:37

Ki Piita bia boiɔ, “N Yomdaanɔ, bee teen ki n kan fit weia mɔtana? Min ŋarin poŋ teen siir nan ki n gaar a paak ki kpo.”

Jɔɔnn 15:13

Loonjaansiar kaa ki gar nirɔ-n sak ki gaar u yɔɔsinba paak ki kpo.

Jɔɔnn 6:63

Yennu Seyeeŋ kuukɔɔe teen niib manfoor; ŋaan gbanant na tee yanne. Mɔmaan nba ki n pak ki turi nae baat nan Yennu Seyeeŋ nba teen niib manfoor maŋ.

Toona 21:13

Ŋaan ki u ji din jiin a “Bee teen ki i mɔ ki loon ki i kɔnn n kpinkpenti? Ba tan sa lorin Jerusalem na paak kuukɔɔ kaa, ŋaan min ŋarin poŋ teen siir nan ki n kpo ti Yomdaanɔ Yisa paaka.”

Galasia teeb 5:26

Li ki ŋan ki tii mɔk karinbaanii, amii tii fiint ti leeb wutoa, amii tii mɔk funfunbiit nan ti leebi.

Filipi teeb 2:3

I daa tuun bonsiar ki li nyi i funfunn nan i karinbaanii loomm ni, ŋaan yii be soonna nan i leeb man, kii dukii i leeb po ki gar ya dukii i mɔŋ po biaŋinba.

1 Timoti 4:8

Toona tumiiu nba pukii gbanant paŋ mɔk nyɔɔt waaminnee, ŋaan yentinu tumiiu nyɔɔte yab gar bonsiar kur. Kimaan li mɔk nyɔɔt ki turit tingbouŋ na ni mɔtana, nan Yendɔuŋ ni yoo nba baat na.

Hiibru teeb 13:9

I daa ŋaant ki wannsaanbooru booru-n te ki i boti, ki i tan sa mann tut sɔnŋanu maŋ. Li ŋan ki Yennu sommir-n tur nirɔ paŋ u par ni; jeet sennii weiu kan turɔ paŋi. Nisiab nba dia jeet sennii poŋ ki laat sommsiar li ni.