1 Korint teeb 13:2 - Yennu Gbounpaauŋ Mɔɔr

² Mi-i fit sɔkint Yennu mɔmaan, ki bant woonin ni maan kur, ki mɔk bannu, ki mɔk yada nba sa fit te ki jɔɔr-n fikit ki saan boleer po, ŋaan ki ki mɔk loommi, n tee yanne.

Yennu Gbouŋ Mɔɔr

² Mi-i fit sɔkint Yennu maan, ki bant woonin ni maan kur, ki mɔk bannu, ki mɔk yada nba saa fit te ki jɔfɔkit n fikit ki saan leer po, ŋaan ki ki mɔk lommi, n tee yanne.

1 Korint teeb 13:2 ပူးပေါင်းရင်းမြစ်များ

Matiu 13:11

Ki u jiin ki betib a “Yimm ŋanin, Yennu chab a yin bann woonin ni barii ki jii jiin u naan po, ŋaan ŋamm ŋanin, u ki chabibi.

Matiu 17:20

Ki u jiin betib a “I yada kaarin paak. Barmɔniie ki n beeri na, li-i tee ki i teen Yennu yada ki li yab kaman nan jinjirik binn na, i sa fit yet jɔɔr na a ‘Fiit ki saa baa nawa,’ ki li set sa fiire; i bo sa fit tun bonsiar kura.

Matiu 21:19

ki u la kinkaŋ, ki li see sanjokpiŋ. Ki u saan ki saa baar a wun pɔɔr kinkana, ki sɔɔ siar kaa kinkaŋ na paaki see faat kuukɔɔe. Ŋanne ki u yet tiik na a “La nyii dinna ki jii saa, a kan mi ki lon lɔɔna.” Li taakpaak ni na, ki tiik na koor.

Matiu 21:21

Ŋanne ki u jiin ki betib a “Barmɔniie ki n beeri na, li-i tee ki i teen Yennu yada nan barmɔnii ki ki birisɔɔ, i mun sii tuun kaman nan ma tun tiik na biaŋinba nee; ŋaan li ki tee nna kuukɔɔ kaa ki i sa tumi, ŋaan li-i tee ki i bet jɔɔr na gbaa a wun fikit ki saa baa mɔkgbeŋŋir na ni, u sa fikita.

Toona 13:1

Antioko ki Yennu sɔkiniinba siab nan wanntesiab din be Yisaweira na ni. Ŋamme din tee Banabas nan Simeon (wunba ki bi din yiu Jabɔŋ na), nan Lusius, wunba din nyii Sairene na, nan Manaen (bi din lakin wubii Manaen nan Bat Herod bi bisin ni), nan Sɔɔl.

Rom Teeb 11:25

N naa waas, n loon ki yin bann woonin ni bonsiar, a i daa dukii nan i tee yan damme; ki li tee a Juu tesiab yura paar, ki li sii be nnee ki tan baar yoo nba ki binba ki tee Juu teeb kur nba ki Yennu gannib na, bin tan teen Yisa yab.

Rom Teeb 15:14

N naa waas, n mi n par ni nan i binbeŋ ŋan, ki i mi Yennu maan bonŋann ki fit ki kpaan i leeb;

Rom Teeb 16:25

Li ŋan ki tin baak Yennu, kimaan u fit te ki i set waau fanu kaman nan ma mɔɔnt barŋanii ki jiin Yisa Masia po na, ki fiit woonin ni maan nba din bɔr bina bina na.

1 Korint teeb 11:4

Li paak, jɔɔ nba yaa wun miar Yennu amii ki mɔɔnt barŋanii na, ŋaan yir siar ki dɔkin u yur, u ki tur Masia baakiri.

1 Korint teeb 12:28

Ŋanne ki Yennu gann toomiinba u niib sinsuuk ni ki bi tee saakab; ki wei gann sɔkiniinba; ki gann wannteeb; ki wei paan binba tuun bakitnauŋ toona; ki gann binba te ki baatib paak, ki gann sommteeb; ki wei paan saakab nba ŋan ki gorii toona paak; ki wei paan binba piak mabooru booru.

1 Korint teeb 13:1

Tɔn, mi-i lekii fit piak barganii kur, amii ki fit piak malakanba maan, ŋaan ki ki mɔk loommi, n tee kaman nan gingann amii gbekuru fuut nee.

1 Korint teeb 13:3

Mi-i jii n mɔkint kur ki tur tatimm, ki lek jii n gbanant chab ki bi joo muu gbaa Masia paak, ŋaan ki ki mɔk loommi, n ki mɔk nyɔɔti.

1 Korint teeb 13:8

Loomm ki mɔk gbennu. Barsɔkinu nan barganii paku nan bannu tan sa gar.

1 Korint teeb 14:29

Ŋaant man ki sɔkiniinba bannlee amii banntaa-n pak, ki binba biar na-n got maan na ni.

1 Korint teeb 14:39

Li paak, n naa waas, yii loon ki i sɔkin Yennu maan, ki daa yêen barganii paku.

1 Korint teeb 14:4

Wunba piak barganii, u sommit u mɔŋ kuukɔɔe; ŋaan wunba sɔkint Yennu maan, u sommit Masiaweirae.

1 Korint teeb 15:51

N yaa n beti woonin ni maame. Ti siab tan sa kpo; ki siab mun tan sii be mɔkmɔk nan Yisa baaru daar; ŋaan ti kur sa lebita.

1 Korint teeb 16:22

Wunba kur ki loon ti Yomdaanɔ, mɔpor-ii be u paak. Maranata; li paak tee “Ti Yomdaanɔ, baat.”

1 Korint teeb 4:1

Ŋann amii, i jiit ki tii tee Masia toontunna nba ki Yennu jiit ki guunit u woonin ni maan na.

1 Korint teeb 7:19

Wunba pot nan wunba ki pot, li kur tee yanne. Linba mantik tee barkpaann tee i dia Yennu sennu bonŋann.

1 Korint teeb 8:4

Tɔn, ki jikit saa nant nba ki bi jii mann pata na; ti mi nan patir tee bont nba ki fo, ki bia mi nan Yen-yenɔkɔɔe be.

2 Korint teeb 12:11

Li-i bo-i tee ki yimme piakin, ŋanne bo sii ŋan; ŋaan ya ki piakin paak te ki n piak n mɔŋ kaman nan n tee jatuko na. Mi-i kii tee siar, ŋaan binba kpann a bi tee Masia toomiinba na ki garimi.

Galasia teeb 5:16

Ŋaan n beerie, ŋaant ki Seyeeŋ-ii dia i binbeŋ man, ki daa te ki i niauŋ tuun nisaarik loommu.

Galasia teeb 5:22

Ŋaan Yennu Seyeeŋe te ki nirɔ mɔk loomm, nan parpeenn, nan parmaasir, nan sukuru, nan burchint, nan ŋamm, nan yada,

Galasia teeb 6:3

Sɔɔ-i kii tee siar, ŋaan bikii a u mun tee sɔɔe, u kpann u mɔŋe.

Efesus teeb 3:4

(I-i karin ma din sɔb linba waaminna na, i sa bann nan n set mi siar ki jiin Masia po.)

Efesus teeb 6:19

ki bia miar Yennu tur n mun ki man fit la sɔnu ki pak nan parcheenn ki mɔn woonin ni barŋanii na,

Kolosa teeb 1:26

Barii maŋe tee woonin ni maan nba ki Yennu din woon sianyoo, ki nibooru kur ki bannir, ŋaan ki u tan fiit wann u niib mɔtana.

1 Timoti 3:16

Li tee barmɔniie nan Masia labaar nba ki Yennu fiit wannit na sumii bonchiann: U din dɔkit nan gbanante, Yennu Seyeeŋ wann nan u be fanu; ki malakanba din lau. Ki niib din mɔɔnt u labaar ki tur nibooru, ki bi teenɔ yada tingbouŋ na ni, ki Yennu din tan donnɔ sanpaapo ki u la dontir.

1 Jɔɔnn 4:8

Yennu tee loomme, ki binba ki mɔk loommu, bi ki miu.