1 Korint teeb 10:6 - Yennu Gbounpaauŋ Mɔɔr

⁶ Li paak, li tee wannue ki kpaanit a ti daa loon biit kaman nan ba loon biaŋinba na;

Yennu Gbouŋ Mɔɔr

⁶ Li paak, li tee nyinne ki kpaanit, a ti daa loon biit nan baa din loon biaŋinba na.

1 Korint teeb 10:6 ပူးပေါင်းရင်းမြစ်များ

Rom Teeb 5:14

Adam yoo neewa ki tan tuu Moses yoo, ki kuun lek mɔk yikoo sɔɔ kur paak, ki li kpi binba mɔk biit nba ki tee kaman nan Adam biit nba din tee biaŋinba na. Tɔn, Adam din tee wunba din yaa wun wei poor na ninnauŋo.

1 Korint teeb 10:11

Linba na kur tun ki turib ki li tee kpaanii ki tur leeb, ki li sɔb Yennu gbouŋ ni ki tee kpaanii ki tur timm nba be yoo nba ki dunia loon gbennu na.

Hiibru teeb 4:11

Li paak, ŋaant man ki tin yabir ti mɔŋ ki la foon maŋ, ŋaan ki ti sɔɔ tan daa kɔŋŋit kaman nan ba din yêt Yennu mɔb ki tan kɔŋŋir biaŋinba na.

Hiibru teeb 9:24

Nifosaarik nba din ŋammir boor nba tee Yennu yar ki nannir kaman nan Yendɔuŋ ni bont nba tee li barmɔnii na, ki Masia din ki saan kɔɔ leŋ kaa, ŋaan u din saan kɔɔ Yendɔuŋ mɔŋ mɔŋ nie, siaminba ki u be Yennu tɔɔnn ti paak na.

1 Piita 3:21

Nyun maŋ tee Yennu nyunwuru ninnauŋ nba tinnit mɔtana nee; li ki tee ti gbanant paak wuru, ŋaan li tee ti mei Yennu a wun wuur ti para ni Yisa Masia kuun fiiru na paake.

2 Piita 2:6

Ŋɔɔ Yennu bia din biir doi nba yi Sodom nan Gomora, ki te ki bi dii muu ki kab kpant tanpent, ki kpii doi maŋ ni niib kura. Linba nee tee siara ki want biitdamm wa tan sa dat bi tuba biaŋinba.

Juud 1:7

Nnee biak ki doi nba ki bi yi Sodom nan Gomora na nan digbana nba kpiar na niib din tuun bonchonchonn toona ki bia waa niauŋ nba bi bonchiann, ki bi laat tubdatu nba tee muu ki li di yoo nba kaa gbennu; ki li tee kpaanii ki tur sɔɔ kura.