1 Korint teeb 1:7 - Yennu Gbounpaauŋ Mɔɔr

⁷ Li paak, i ki pɔt Yennu Seyeeŋ piinii na yenn gbaa nan ya guu daar nba ki ti Yomdaanɔ Yisa Masia tan sa jen na.

Yennu Gbouŋ Mɔɔr

⁷ Li paak, i ki pɔt Yennu Seyeeŋ piinii na yenn gbaa, nan yaa guu daar nba ki ti Yomdaanɔ Yiisa Masia tan saa jen na.

1 Korint teeb 1:7 ပူးပေါင်းရင်းမြစ်များ

Matiu 25:1

“Yennu naan labaar tan sii tee kaman nan sapaamm piik nba din jii bi fita ki saa a bin saa took pooyookir sɔrɔ nee.

Barŋanii nba ki LUK din sɔb nae na 12:36

kii tee kaman nan niib nba tuu guu bi chanbaa nba tuu nyi poochianu ki kpen ki tan baar yiin a bin loot gann turɔ, ki bin loot gann yiama na.

Barŋanii nba ki LUK din sɔb nae na 17:30

Ki daar nba ki min nisaarik Bik tan sa dɔkit, li mun tan sii tee nnee.

Rom Teeb 8:19

Dunia bona kur nba ki Yennu nann na guu nan ninmɔnne nan yoo nba ki Yennu tan sa nyinn u waas yeenin ni,

Rom Teeb 8:23

Li ki tee dunia bona na kuukɔɔ kaa ki li yiari, ŋaan timm nba mɔk Yennu Seyeeŋ nba tee sinsinn piinii na mun kuriie ti para ni, ki guu yoo nba ki Yennu tan sa nyinn ki wann yeenin ni a ti tee u waase, ki te ki ti gbanant-n nyi daabsin ni.

1 Korint teeb 4:5

Li paak, i daa bu sɔɔ buut mɔtana, kii guu yoo nba ki ti Yomdaanɔ tan sa baar na, wunba tan sa jii linba be bunbɔnn ni ki fiit wannir paanu ni, ki tan sa fiit para ni maan ki wann paanu ni; ki li yoo na ki sɔɔ kur tan sa la u nyɔɔt nba tee biaŋinba Yennu boor.

2 Korint teeb 12:13

Nlee ki Masiaweileeb na cheeini? Ma ki boi-i bonsiar sommir po na, ŋanne te ki bi cheeinii? Li-i tee ŋanniie te ki n mɔk biit, yin teenin gafara man!

Galasia teeb 5:5

Ŋaan timm teen Masia yada, ki u Seyeeŋ mun be ti ni; li paak, ti mɔk dindann ki guu yoo nba ki Yennu sa yet a ti tee niŋamm u boor.

Filipi teeb 3:20

Ŋaan timm ŋanin tee Yendɔuŋ ni waase, ki jekir ki guu ti Tinntɔɔ, wunba tee ti Yomdaanɔ Yisa Masia, a wun nyi Yendɔuŋ ni baar.

Kolosa teeb 3:4

Masia nba teent manfoor na nba tan sa dɔkit yoonba, i mun tan sa dɔkit nanɔe nan yentchiauŋ.

1 Tesalonika teeb 1:10

ki guur u Bija Yisa, wunba tan sa nyi Yendɔuŋ ni ki baar na; wunba ki u din fiinɔ kuun ni, ki u fatit Yennu wutoor nba baat na ni na.

2 Tesalonika teeb 1:7

ki fat yimm nba di fara na, ki mun bia fatit. Yennu tan sa tun linba na yoo nba ki ti Yomdaanɔ Yisa nan u yabint malakanba tan sa nyi Yendɔuŋ ni ki baar nan mupeenu,

2 Timoti 4:8

Li paak, ki nyɔɔt nba tee yentinu nyɔɔt dɔɔ guun sanpaapo; ki ti Yomdaanɔ wunba bu niib buut nan barmɔnii na tan sa turin nyɔɔt maŋ Daar maŋ daar. U tan kan tur min kuukɔɔ kaa, ŋaan u tan sa tur binba kur mun loon ki wun jen na.

Taitus 2:13

kimaan ti guu ki mɔk dindann nba turit parpeenn nan ti yabint Yennu nan ti Tinntɔɔ Yisa Masia sa dɔkit nan yentsaakar ni;

Hiibru teeb 9:28

Li paak, Masia nba din jii u mɔŋ mann marouŋ yomkɔɔ ki nyinn nifosaarii bonchiann biit na tan sa jena, ki ji tan kan boi biit po kaa, ŋaan u tan sa tinn binba guu-u nan bi para kur nee.

1 Piita 1:13

Li paak, yi teen i dudukit siir nan yan, ki soor i mɔŋ, kii mɔk dindann nan barmɔnii a i sa di mant bonchiann yoo nba ki Yisa Masia tan sa nyi paanu na.

1 Piita 4:13

Ya di fara Masia paak na, yii mɔk parpeenn man, ki yoo nba ki u tan sa nyi paanu nan yentsaakar ni, i sa la parpeenn bonchiann.

1 Piita 5:4

Ki Masia wunba tee yudamm kur yudaanɔ na-i taŋŋi jen, i sa la piinii nba kan biiri.

2 Piita 3:12

kii guu Yennu daar maŋ, ki yabir i mɔŋ paak ki daar maŋ-n baar yian. Li daare ki sanpaapo tan sa kab ki biir, ki muu na tonu tan sa nann sanpaapo bonnankaa.

1 Jɔɔnn 3:2

N walonkai, mɔtana ti tee Yennu waase, ŋaan li lek daa ki wann yent nan ta tan sii be biaŋinba. Ŋaan ta daa mi linbae na, a Yisa-i taŋŋi jeni, ti tan sa la wa set tee biaŋinba, ki li paak, ti tan sa kpint ki naan nan ŋɔɔ nee.

Juud 1:21

kii tee niib nba ki Yennu loomm, kii guu yoo nba ki ti Yomdaanɔ Yisa Masia sa turi manfoor nba kaa gbennu, u ninbatinu paak.