1 Korint teeb 1:6 - Yennu Gbounpaauŋ Mɔɔr

⁶ Masia labaar nba ki ti din wanni na, i gaarir fanuwa.

Yennu Gbouŋ Mɔɔr

⁶ Masia labaar nba ki ti din wanni na, i gaarir fanuwa.

1 Korint teeb 1:6 ပူးပေါင်းရင်းမြစ်များ

Barŋanii nba ki MAK din sɔb nae na 16:20

Ŋanne ki u poorpoweiteeb saan ki saa mɔɔntir u barŋanii lokir kur po, ki ti Yomdaanɔ din be namm, ki te ki bi tuun yaarlituk toona, ki li toona na din wann siara a bi mɔɔntii maŋ set tee barmɔniie.

Toona 11:17

Tɔn, li-i tee ki Yennu set pib u Seyeeŋ maŋ kaman nan wa mun din pit biaŋinba na, yoo nba ki ti din teen ti Yomdaanɔ Yisa Masia yada naie, ki ŋann n tee ŋmee ki mun sii yaa n tia Yennu ki u daa te ki boorganu tee u niibi?”

Toona 11:21

ki ti Yomdaanɔ paŋ din be namm, ki niib bonchiann din teenɔ yada ki lebit bi binbeŋ ki teen u weira.

Toona 18:5

Li poorpoe ki Sailas nan Timoti din tan nyii Masedonia ki baar. Ki Pɔɔl ji din jii u yoo kur ki mɔɔntir Yisa maan ki teen Juu teeb na, ki din want nan nunmɔnn a Yisae tee Yennu Niganntɔɔ Masia na.

Toona 20:21

ki bia kpaan Juu teeb nan binba ki tee Juu teeb kur a bin nyik bi biit kii waa Yennu sɔnu, ki teen ti Yomdaanɔ Yisa yada.

Toona 20:24

Ŋaan n ki yi n manfoor ki li tee siari, kimaan min ŋarin loon ki n tun toona nba ki ti Yomdaanɔ Yisa turin nee ki gbenn, ki li toona tee ki mii mɔɔntir barŋanii nba want Yennu ninbatinu poe.

Toona 22:18

Ki n yerintu maŋ ni, ki n la ti Yomdaanɔ Yisa, ki u betin a ‘Kakitir ki nyi Jerusalem yian yian, kimaan li-i tee ki a beer Jerusalem teeb n maan, bi kan gaar maan maŋi.’

Toona 23:11

Li poorpo ki nyiɔk tan bɔnn, ki ti Yomdaanɔ Yisa baar Pɔɔl peŋ, ki tan betɔ a “I mɔk parcheenn. A poŋ turin siara Jerusalema, ki li bia tee talase ki a bia tun nna Rom.”

Toona 28:23

Li paak ki bi senn daar. Ki niib bonchiann tan baar Pɔɔl peŋ daar maŋ ni. Ki u kat wannib nan nunmɔnn Yennu naan po, sanyiɔk ni mɔkmɔk nan dajouk, ki wantib Yisa barii nba be Moses sennu ni nan Yennu sɔkiniinba sɔbu ni biaŋinba, ki yabii a wun tunn niib na yan ki jiin Yisa po.

Rom Teeb 15:19

Yennu Seyeeŋ paŋ nee te ki n tuun bakitnauŋ toona na, ki ŋanne te ki bi bann paŋ nba ki u mɔk. Ki n nyii Jerusalem ki bia lin doi ni ki tan baar Ilirikum tiŋ ni ki mɔɔntir Masia barŋanii kura.

2 Korint teeb 12:12

Ma din be i boor ni ki tuun bakitnauŋ nyina nan toonjaana, ki di sukuru yoo kur na, ŋanne want nan n set tee Masia toomiie.

Galasia teeb 3:5

Ya din tuun sennu toona na paake te ki Yennu turi Seyeeŋ ki tuun yaarlituk toona i sinsuuk ni amii ya gbat barŋanii ki teen yada na paake?

2 Tesalonika teeb 1:10

u tan sa tun nnee daar nba ki u tan sa baar ki gaar dontir nan paku u weira kur nba teenɔ yada na boor ni. I mun tan sii tee bi yemme, kimaan i poŋ teen barŋanii nba ki ti din beti na yadawa.

1 Timoti 2:6

wunba din jii u mɔŋ ki mann mannu ki tur sɔɔ kur na a wun nyinnib daabsin ni; ki bi mɔɔntir barŋanii maŋ yoo kur.

2 Timoti 1:8

Li paak, mɔɔntir ti Yomdaanɔ labaar ki daa tiin fei. A bia daa tiin fei nan ma kɔɔ dansarik u paak na, ŋaan sak nan fardinu u barŋanii maŋ paak, kaman nan Yennu nba tura paŋ biaŋinba na.

Fiitu 1:2

Ŋanne ki Jɔɔnn din fiit ki wann linba ki u din la na kur ki li tee barii nba nyii Yennu boor ni, nan linba ki Yisa Masia din fiit ki wannɔ na.

Fiitu 1:9

Tɔn, min Jɔɔnn wunba tee i naa bik ki taan nani ki di fara nan sukuru Yisa paak, ma din lin ki mɔɔntir Yennu maan, nan Yisa barŋanii, ki bi din jiin ki saan nanin Patmos tiŋ nba ki nyun lintir na ni.

Fiitu 12:11

a Pebik na sɔn nan u barŋanii nba ki bi mɔɔntir na paake ki bi nyann Sintanii na; ki bi ki tiin bi manfoor na ki sak nan kuum-i baarib, bi sa gaar.

Fiitu 12:17

Ki waakperbiiuk na wutoor doo nan poo na bonchiann, ki u saan a wun saa kɔn nan poo na booru nba biar ki waa Yennu sennu ki dia Yisa barŋanii na,

Fiitu 19:10

Li yoo ki n gbaan u tɔɔnn a n jiantɔ. Ki u yetin a n daa tee nna kaa, a u tee min nan n naa waas nba dia Yisa barŋanii na toontunlɔɔe, a n jiant Yennue. Yennu sɔkiniinba nba sɔkint ki yeen na, bi piak Yisa poe.

Fiitu 6:9

Ki Pebik na bia tabit yiit nba pukin ŋaŋŋmu na, ki n la ki binba ki niib din kpiib kimaan ba din dia Yennu maan, nan barŋanii nba ki bi din mɔk na paak, ki bi be binbintir na nyakir ni,