1 Korint teeb 1:5 - Yennu Gbounpaauŋ Mɔɔr

⁵ kimaan i la bonsiar kur i pinpakit ni nan i minu ni u boore.

Yennu Gbouŋ Mɔɔr

⁵ kimaan i la bonsiar kur i pinpakit ni, nan i minu ni, u boore.

1 Korint teeb 1:5 ပူးပေါင်းရင်းမြစ်များ

Toona 2:4

ki Yennu Seyeeŋ gbee yent sɔɔ kur ni, ki bi piin piak barganii kaman nan Yennu Seyeeŋ nba wannib biaŋinba.

Rom Teeb 11:12

Ki Juu teeb biit paake te ki tingbouŋ na teeb la tinnu; ki ŋamm Juu teeb nba din ki tun Yennu lomm nae te ki binba ki tee Juu teeb na la tinnu, li paak, Juu teeb maŋ kur-i munii nyik bi biit ki la tinnu, tingbouŋ na teeb sa mantik la bonchiann ki gar nnawa.

Rom Teeb 15:14

N naa waas, n mi n par ni nan i binbeŋ ŋan, ki i mi Yennu maan bonŋann ki fit ki kpaan i leeb;

Rom Teeb 15:4

Linba kur sɔb Yennu gbouŋ ni na, li sɔb ki turit a tii tumiie. U gbouŋ maŋ teent sukuru, ki bia kɔɔntit para, a tii mɔk dindann.

1 Korint teeb 12:10

ki bia teen sɔɔ yaak ki u tuun bakitnauŋ toona; ki bia teen sɔɔ ki u sɔkint Yennu maan; ki bia teen sɔɔ ki u bant piinii nba nyi Yennu Seyeeŋ ni nan linba ki nyi Seyeeŋ na ni; ki bia teen sɔɔ ki u piak mabooru booru; ki bia teen sɔɔ ki u fit kpintir mabooru maŋ.

1 Korint teeb 12:8

Seyeeŋ na sa tur sɔɔ ki u mɔk yan paku; ki bia tur sɔɔ bannu ki u piak bannu maan; ŋaan ki li kur nyi Seyeen-yenɔ nie.

1 Korint teeb 13:2

Mi-i fit sɔkint Yennu mɔmaan, ki bant woonin ni maan kur, ki mɔk bannu, ki mɔk yada nba sa fit te ki jɔɔr-n fikit ki saan boleer po, ŋaan ki ki mɔk loommi, n tee yanne.

1 Korint teeb 13:8

Loomm ki mɔk gbennu. Barsɔkinu nan barganii paku nan bannu tan sa gar.

1 Korint teeb 14:26

N naa waas, n ji sa yet a bia? Li-i tee ki i lakin leeb a yi jiant Yennu, ki sɔɔ mɔk yaŋ, ki sɔɔ mɔk wannu, ki sɔɔ mɔk mafiit kar ki sa wann, ki sɔɔ mɔk barganii paku, ki sɔɔ mun mɔk barganii maŋ kpintu; yi teen linba na kur ki lin somm Masiaweira.

1 Korint teeb 8:11

Fin nba tee banntɔɔ na, a bannu na sa biir a naa bik nba yada ki paar na, wunba ki Masia din gaar u paak ki kpo na.

2 Korint teeb 4:6

Yennu nba din yet a “Yentu-n yent bunbɔnn ni” ŋɔɔe te ki u yentu na yentir ti para ni, a ti bann u yentsaakar nba tee biaŋinba; ki li yentu yeen Yisa Masia numm po.

2 Korint teeb 6:10

Ti mɔk parbiir ŋanin, ŋaan Yisa paak ti mɔk parpeenne yoo kura. Ti tee tariie, ŋaan timme te ki niib bonchiann tee mɔkita Yennu boor ni. Ti ki mɔk tingbouŋ na mɔkint siari, ŋaan ti mɔk linba gar mɔkita kura. Nanna kurae want nan ti set tee Yennu toontunnae.

2 Korint teeb 8:7

Tɔn, i teen Yisa yada, ki mi u labaar fanu, ki fit piak leeb u mɔmaan, ki waau nan ninmɔnn, ki bia loonit; ya tuun linba na kur bonchiann na, ti loon ki yii tuun toonŋana maŋ mun nnee bonchiann.

2 Korint teeb 9:11

Li-i tee ki i sommit niib bonchiann, Yennu sa sommi bonchiann. Ya turit piinii a ti somm leeb na, li paak te ki niib bonchiann piak Yennu i piinii maŋ paak.

Efesus teeb 1:17

ki lek mei ti Baa Yennu wunba tee paŋ daanɔ ki bia tee ti Yomdaanɔ Yisa Masia Yennu, a wun turi Seyeeŋ nba sa turi yan ki fiit Yennu wanni kii ŋamm bannɔ.

Efesus teeb 2:7

U din tun linba na a wun wann sɔɔ kura u ninbatinu nba yab biaŋinbae, ki tun burchint turit Yisa Masia paak.

Efesus teeb 3:8

Yennu niib sinsuuk ni, mine tan joont wunba ki be kann ni, ŋaan Yennu tur mine yaak a man jii barŋanii mɔɔntii nba wantit Masia nba sii teent binba ki tee Juu teeb na bonŋana bonchiann biaŋinba,

Efesus teeb 6:19

ki bia miar Yennu tur n mun ki man fit la sɔnu ki pak nan parcheenn ki mɔn woonin ni barŋanii na,

Filipi teeb 1:9

N mei Yennu ma i loomm-ii yɔɔ kii pukii yoo nan yoo, ki i barmɔnii bannu nan i subinii kura bia sii pukii,

Kolosa teeb 2:3

ki ŋɔɔ kuukɔɔe mɔk barmɔnii yan nan bannu kura.

Kolosa teeb 3:10

ŋaan ji mɔk linba tee binbenpaaŋe. Binbenpaaŋ nee ki Yennu nba tee li nantɔɔ na pantir yoo kura, ki li naan u mɔŋ binbeŋ, a wun te ki yin bannɔ setik nan mɔnii.

Jeems 3:13

Ŋmee mɔk yan nan bannu i sinsuuk ni? Sɔɔ-i be, wuu be fanu ki sikin u mɔŋ kii tuun toonŋana, ki li sa wann nan u set mɔk yan.

2 Piita 3:18

Yi ŋamm gaar ti Yomdaanɔ Yisa Masia wunba tee ti Tinntɔɔ na sommir ki pukin man, kii tumii u mɔmaan na. Ŋɔɔe yen dontir ki jikit saa nan yoo nba kaa gbennu. Mɔmɔmm.