1 Korint teeb 1:2 - Yennu Gbounpaauŋ Mɔɔr

² Yisa Masia paake ki i tee Yennu niib, ki u yiini kii teen u niib nan binba kur yi ti Yomdaanɔ Yisa Masia sann siaminba kur; ŋɔɔe tee bi Yomdaanɔ ki mun bia tee ti Yomdaanɔ.

Yennu Gbouŋ Mɔɔr

² ki teen yimm Yenweira nba be Korint doo ni, yimm nba ki Yennu yiini a yii tee u popeenn damm na, yimme tee u yab ki taa nan Yiisa Masia, ki pukin niib nba be siaminba kur ki jiantir ti Yomdaanɔ Yiisa Masia; ŋɔɔe tee bi Yomdaanɔ, ki mun bia tee ti Yomdaanɔ na.

1 Korint teeb 1:2 ပူးပေါင်းရင်းမြစ်များ

Toona 10:36

I mi nan Yennu din tur Israel teeb u maan nba want barŋanii na po, a Yisa Masia nie ki timm nan Yennu maŋ nan leeb; ŋɔɔ Yisa Masiae tee ti kur Yomdaanɔ.

Toona 15:9

U ki mɔk lukitimi, kimaan ba teen Yisa yada na paak, ki u nyik bi biit ki chabib kaman nan wa din nyik chab timm na.

Toona 18:1

Li poorpoe ki Pɔɔl din nyii Atens ki saan Korint doo nba din be Akaya tiŋ ni na.

Toona 22:16

Li paak ki a ji kar ki guu bia? Fiit, ki n wura Yennu nyunwuru, ki Yennu sa nyik chab a toonbiit, fa sii yi Yisa sann na paak.’

Toona 26:18

Fine tee wunba sa yent bi numm po, ki bin nyi bunbɔnn ni ki kɔɔ yentu ni, ki bia nyinnib Sintaanii nuu ni ki bin kɔɔ Yennu nuu ni, a wun nyik bi biit ki chabib, ki bin la yiar, binba ki Yennu teemm u niib na sinsuuk ni, kimaan ba teenin yada paake.’

Toona 9:13

Ki Ananias jiin a “N Yomdaanɔ, niib bonchianne piak jɔɔ na po, ki jikit saa biaŋinba kur ki u tuun a mɔŋ niib Jerusalem.

Toona 9:14

U daan gaar yikoo jiantu yudamm boor ni, ki baar nna, a wun soor wunba kur yi a sann.”

Toona 9:21

Binba kur din gbat u mɔɔntii maŋ, li din teemm yaarlituko, ki bi boi a “Jɔɔ na kaa daan kpi binba yi Yisa sann Jerusalem na-aa? U yaan ki baar a wun soor ki lor Yisaweira, ki ŋmat namm ki saa turib Yennu jiantu yudamm kaa na-aa?”

Rom Teeb 1:7

Li paak, ki n sɔbin gbouŋ na ki teen yimm nba be Rom doo ni, ki Yennu looni ki ganni a i teen u mɔŋ niib na. Ti Baa Yennu nan ti Yomdaanɔ Yisa Masia-n sommi, ki bia turi parmaasir.

Rom Teeb 10:12

Bɔkitu kaa Juu teeb nan binba ki tee Juu teeb sinsuuk ni, Yennu kuukɔɔ nee tee ti kura Yomdaanɔ, ki binba kur meiɔ, u sommitib nan burchintuk.

Rom Teeb 3:22

Yennu te ki nisaarii kur nba teen Yisa Masia yada nee tee niŋamm u tɔɔnn, li nyii ba teen Yisa Masia yada nie, ki lukitin kaa,

Rom Teeb 8:28

Binba ki Yennu yiimm na, ki u mɔk linba paak ki u yimme, ki bi mɔk loomm nanɔ, ki ti mi nan linba kur tuun, u te ki li teen bonŋann ki teen ŋamme.

1 Korint teeb 1:30

Ŋɔɔ Yennue taan timm nan Yisa Masia ki u tee ti yan. U paake ki Yennu nyinnit daabsin ni, ki yet a ti tee niŋamm u boor, ki ji tee u niib.

1 Korint teeb 10:32

Daa tee linba ki ŋan Juu nirɔ numm ni, amii Griik nirɔ numm ni, amii Yennu niib numm ni.

1 Korint teeb 12:27

Yimme lakin tee Masia gbanant, ki sɔɔ kur tee u gbanant nba gaa na yenninba.

1 Korint teeb 8:6

ŋaan timm yaa boor ni ŋanin, Yen-yenɔkɔɔe be; ŋɔɔe tee ti Baa Yennu nba din nan bonsiar kur, ki u nie ki ti fo; ki Yomdaan-yenɔkɔɔe be, wunba tee Yisa Masia. U paake ki bonsiar kur nan; u paake biak ki ti fo.

2 Korint teeb 1:1

Min Pɔɔl wunba ki Yennu loomm paak ki u teenin Yisa Masia toomii na, min nan ti naa bik Timotie sɔbin gbouŋ na ki teen Yennu niib nba be Korint, nan u niib kur nba be Akaya tingbouŋ ni nna kur.

2 Korint teeb 4:5

Ti ki mɔɔntir ti mɔŋ mɔŋ po kaa, ŋaan ti mɔɔntir Yisa Masia poe, a ŋɔɔe tee ti Yomdaanɔ na, ŋaan want nan timme tee u toontunna ki teeni, u sann paak.

Efesus teeb 5:26

U din tun linba na, ki bia jii Yennu barii nan nyun ki wurib, a wun ŋammib fanu

1 Tesalonika teeb 1:1

Min Pɔɔl nan Sailas nan Timotie sɔbin gbouŋ na ki teen niib nba be Tesalonika ki tee ti Baa Yennu nan ti Yomdaanɔ Yisa Masia nigannkab na; ŋɔɔ Yennu-n sommi, ki bia turi parmaasir.

1 Tesalonika teeb 4:7

Yennu ki yiint a tii tee biitdamm kaa, ŋaan u yaa tii tee popeendamme.

2 Tesalonika teeb 1:1

Min Pɔɔl nan Sailas nan Timoti sɔbin gbouŋ na ki teen ti Yomdaanɔ Yisa Masiaweira nba be Tesalonika ki bia tee Yennu yab na.

1 Timoti 2:8

N loon ki jab-ii mei Yennu siaminba kur. Jab nba set tee popeendamm ki ki mɔk wutoor amii mɔniɔk na sa fit donn bi nii sanpaapo kii mei Yennu.

1 Timoti 3:15

ŋaan li-i yukir ki n ki baar, gbouŋ na sa te ki a bann ta sii be biaŋinba Yennu ŋaaniib sinsuuk ni, binba ki ŋɔɔ Manfodaanɔ Yennu gannib na. Ŋamme dia barŋanii nba tee barmɔnii na, ki bia set li paak.

2 Timoti 1:9

Ŋɔɔ Yennue tinnit ki yiinit a tii tee popeendamm; wa yiinit biaŋinba, li ki tee ti toonŋana paak kaa, ŋaan u mɔŋ din senn a u sa tint ninbaauk Yisa Masia paak; u din senn nnee yoo nba ki u daa ki nan dunia na.

2 Timoti 2:19

ŋaan Yennu nigannkab ŋanin see, ki kan mi ki dammi; ki mɔbona nba sɔb pukin bi paak tee nnee a: “Ti Yomdaanɔ mi binba tee u yab,” ki bia sɔb a, “Wunba kur yet a u tee ti Yomdaanɔ yɔɔe, li kpaa talase ki wun nyik toonbiit tumu.”

2 Timoti 2:22

Nyint a mɔŋ nan naasimm nianbiiuk ni, ŋaan kot ki fin nan binba para yeen ki bi yi ti Yomdaanɔ ki loon sommir na-n wei yentinu sɔnu, nan yada sɔnu, nan loomm sɔnu, nan parmaasir sɔnu.

Hiibru teeb 10:10

Yisa Masia din tun linba ki Yennu loon wun tun na, ki jii u gbanant ki mann marouŋ yomkɔɔ ki te ki ti teen Yennu niib.

Hiibru teeb 13:12

Li paak, ki Yisa mun din kpo doo na kpiŋ po, a wun nyinn niib biit ni, u mɔŋ sɔn paak.

Hiibru teeb 2:11

Ŋɔɔ wunba te ki nisaarii teen Yennu niib, ki ŋɔɔ nan ŋamm kur ji taan ki mɔk Baa yenɔkɔɔ. Li paake ki Yisa ki tiin fei nan wun yiimm u naa waasi.

Juud 1:1

Min Juud wunba tee Yisa Masia toontunnɔ, ki bia tee Jems naa bik nee sɔbin gbouŋ na ki teen niib nba ki ti Baa Yennu gannib ki loomm, ki Yisa Masia guub na.

Fiitu 19:16

Ki sansiar sɔb u liatir nan u pann paak a “Kpanbara kur Kpanbar, yomdamm kur Yomdaanɔ.”