1 Korint teeb 1:18 - Yennu Gbounpaauŋ Mɔɔr

¹⁸ Nisiab nba bot Yennu sɔnu ni na jii Masia kuun dapunpunn paak labaar na ki li tee yanne, ŋaan timm nba tinn na mi nan li tee Yennu paŋe.

Yennu Gbouŋ Mɔɔr

¹⁸ Binba bot Yennu sɔnu ni na jii Masia kuun dapunpunn paak labaar na ki li tee yanne, ŋaan timm nba tinn na mi nan li tee Yennu paŋe.

1 Korint teeb 1:18 ပူးပေါင်းရင်းမြစ်များ

Toona 13:41

‘Gotir man, yimm garuk damm na, ŋaant ki lin bakiti; toona nba ki n tuun i yoo na gbaa, sɔɔ-i lekii baar ki beti li po, li tee linba ki i kan mi ki teen yadaie. Li paak, see ki i kpo.’ ”

Toona 17:18

Ki saakayandaansiab nna din be, ki bi yi bi yemm Epikurus teeb, ki leeb mun Stoik teeb, ki bi mun tan baar ki faa labaar nan Pɔɔl. Ki bi siab tan pak nan bi leeb a “Barifoouk daanɔ nba want u mɔŋ na mun yeen bee na?” Ki bi yemm jiin a “Li taan tee nan u piak digbangana yennii poe na.” Bi din yet nna maŋ, kimaan Pɔɔl mɔɔntir Yisa po nan u kuunfiiru po.

Toona 17:32

Ba gbat ki Pɔɔl pak kuunfiiru po na, ki siab laa ki sarikitɔ, ŋaan ki siab mun yaa a “Ti bia loon ki tin ŋamm gbiint linba ki a sa pak nee.”

Toona 2:47

Ki yoo kur ki bi piak dont Yennu sann, ki sɔɔ kur par mei bi paak. Ki daar kur ki ti Yomdaanɔ bia ŋammit ki te ki niib laat tinnu ki pukii bi paak.

Rom Teeb 1:16

Fei ki mɔkin nan ki n mɔɔnt barŋanii maŋ, kimaan li tee Yennu paŋ nba tint wunba kur teen Yisa yada nee; sinsinn li tee Juu teeb yare, ki mun bia tee nibooru kur yar.

1 Korint teeb 1:21

Yennu nba mɔk yan na te ki tingbouŋ na teeb yan kan fit te ki niib-n bannɔ. Li paak, ki u te ki binba teen Yisa yada na tinn; jatii labaar nba ki ti mɔɔntir ki teen niib na paak ki bi tinn.

1 Korint teeb 15:2

Li-i tee ki i diar fanu, i sa tinn, ŋaan nnee kaa, i yada na sii tee yanne.

1 Korint teeb 2:14

ŋaan wunba ki mɔk Yennu Seyeeŋ maŋ, li yɔɔ ki gaan Yennu Seyeeŋ na maami, kimaan li sii tee jatiie ki turɔ, ki u kan bann li paaki, kimaan li bannu nyi Seyeeŋ na boor nie.

1 Korint teeb 2:2

Ŋaan ma din be nani na, n din ki mɔk duduksiat ki pukin Yisa Masia po, nan u dapunpunn paak kuun na po.

1 Korint teeb 3:19

Linba ki tingbouŋ na teeb dukin ki li tee yan na, li tee jatiie Yennu boor, nan la sɔb Yennu gbouŋ ni a “Yennu biir yan damm bannu.”

1 Korint teeb 4:10

Ti tee jatite Masia paak, ŋaan yimm ŋanin tee yandamme Masia sɔnu ni; ti ki mɔk paŋ, ŋaan yimm ŋanin mɔk paŋ; ki niib teeni nibaakir ŋaan yisin timm.

2 Korint teeb 10:4

li paak, ti ki jikit nisaarik paŋ kaa a ti kɔn li kunkɔnni, ti jikit Yennu paŋ nba sa biir Sintaanii paŋ kur nee ki kɔn. Ti piak ki nyant niib nba ki sak Yennu mɔmaan nee,

2 Korint teeb 4:3

Li paak, li-i tee ki Yennu barŋanii paak bɔrie, li bɔr binba kpet Yennu sɔnu ni na boor nie.

1 Tesalonika teeb 1:5

kimaan barŋanii na din ki tee ti mɔb ni mɔmaan kuukɔɔ kaa ki ti din baar nann turiini, ŋaan li bia din mɔk Seyeeŋ yikooe ki ti piakir ki birsuk kaa. Yoo nba ki ti din be i peŋ na, i mi ta din be biaŋinba; i sommir paake ki ti din be nna maŋ.

2 Tesalonika teeb 2:10

U tan sa jɔɔb faak boori kur ki kpann binba ki Yennu tan sa biirib na. Bi tan sa biira, kimaan ba ki loon barmɔnii nba bo sa tinnib maŋ ki yêtir na paak.

Hiibru teeb 12:2

Ŋaant ki tin kpan kpaa ti ninbina Yisa paak; ŋɔɔe ki ti yada gaa u paak li pinpiik niwa nan li joontu ni na. Dapunpunn na din ki te ki u nyik u yabiru, kimaan parpeenn nba din baat u paak na paak, u din ki dukin ki li mɔkɔ fei nan wun kpo li dapunpunn paaki, ŋanne te ki u ji kar Yennu naangbouŋ paak u nuudiitu po mɔtana.

Hiibru teeb 4:12

Kimaan Yennu mɔmaan maŋ tee barii nba foe, ki mɔk paŋ, ki bia di ki gar jukbanjiak nba kur ŋma mɔi ŋannlee. Yennu mɔmaan fit ŋma ki kɔɔ baat nisaarik seek nan u manfoor boor ni, ki kɔɔ baat u tukita nan u kpaba beesin ni, ki kɔɔ bɔkitir u dudukit nan u par ni bibikit.