1 Korint teeb 1:10 - Yennu Gbounpaauŋ Mɔɔr

¹⁰ N naa waas, n barimiie ti Yomdaanɔ Yisa Masia sann ni a yin taan mɔb, ki mɔniɔk daa be i sinsuuk ni, ki yii taa mɔyemmkɔɔ nan dudukyennkɔɔ.

Yennu Gbouŋ Mɔɔr

¹⁰ N naa waas, n barimie ti Yomdaanɔ Yiisa Masia sann ni, a yin taan mɔb, ki mɔniɔk daa be i sinsuuk ni, ki yii taa mɔyemmkɔɔ nan dudukyennkɔɔ.

1 Korint teeb 1:10 ပူးပေါင်းရင်းမြစ်များ

Matiu 9:16

“Sɔɔ kan jii chabpaann ki lik takperi; li-i tee ki u teen nnaie, chabpaann na sa pat takper nae, ki li patimin na sa ŋamm pukin.

Barŋanii nba ki MAK din sɔb nae na 2:21

“Ŋaan sɔɔ kan sak jii chabpaann ki lik takperi; li-i tee ki u teen nnaie, chabpaann na sa pat takper nae, ki li patimin na sa ŋamm pukin.

Barŋanii nba ki MAK din sɔb nae na 3:24

Naan niib-i ŋmat ki kɔn tookit bi leebi, bi naan maŋ kan fit seti.

Jɔɔnn 10:19

Wa yet nna yoonba, ki Juu teeb yudamm bia ŋamm bɔkit;

Jɔɔnn 17:23

N be bi ni, ki a mun be n ni, a bin fit lian taan mɔyomm chib. Ŋannii sa te ki tingbouŋ na ŋaateeb-n bann nan fine tumin, ki bi sa bann nan a loonib kaman nan fa loon min biaŋinba na.

Jɔɔnn 7:43

Ki niib na ji soor bɔkit kimaan Yisa paak.

Jɔɔnn 9:16

Ki Farisiinba siab yet a “Yisa ki nyii Yennu boor ni kaa, kimaan u tuun toonn foon daar. Ŋannii want nan u ki dia foon daar sennu.” Ki bi siab mun boi a “Nlee ki biitdaanɔ sii fit tuun toonjaana na booru?” Ki bɔkitu baar Farisiinba na sinsuuk ni.

Toona 4:32

Li yoo na ki Yisaweira maŋ kura taan leeb nan dudukyent kuukɔɔ, ki chentir bi bona ki teen bi leeb. Bi sɔɔ din ki yaa a u yen siar nan u mɔŋi.

Rom Teeb 1:13

N naa waas, n loon yin bann nan n yabir nan taar muŋŋa nawa a n baar ki tan gɔni, ŋaan ki siar gɔɔrin mɔkmɔk nan mɔtana ki n ki fit gɔniini. N loon ki n te ki niib-n wei ti Yomdaanɔ i boor ni kaman nan ma daan teen biaŋinba na nileeb sinsuuk ni na.

Rom Teeb 12:1

Li paak, n naa waas, Yennu ninbatinu paake te ki n barimi ma yi jii i gbanant ki turɔ, ki lii tee mannu nba fo, kii waa ŋɔɔ kuukɔɔ, ki li sa maŋɔ; ŋanne tee Yenjiantu nan barmɔnii.

Rom Teeb 12:16

Yii mɔk man dudukyennkɔɔ ki daa mɔk dontinmɔŋ; ŋaan kii saak toona nba ki mɔk dontinmɔŋi, ki daa dukii nan i mɔk ninyentiri.

Rom Teeb 15:30

Tɔn, n naa waas, ti Yomdaanɔ Yisa Masia sann paak nan Yennu Seyeeŋ loomm paak, n mei-i, yii mei Yennu nan ninmɔnn n paak ki sommin,

Rom Teeb 16:17

N naa waas, n kpaaniie, i mi man binba bɔkitir Yisa niib ŋaan dɔkib u sɔnu ni na ŋaan bia ki saak wannu nba ki i gaar na; lɔkitirib man;

1 Korint teeb 1:11

N naa waas, Kloe ŋaatesiab betin a i mɔk mɔniɔk nan leeb i sinsuuk ni.

1 Korint teeb 11:18

Sinsinn, n gbia ki bi yeen a ya tuu lakin leeb na, a lukitin tuu be i sinsuuk ni, ki n set gaar yenninba ki li tee mɔmɔmme.

1 Korint teeb 12:25

Li paak, ti gbanant ki mɔk lukitimi. Gbanant kur nba gaa gaa na, bi fiin bi leeb po.

1 Korint teeb 3:3

kimaan i binbeŋ bia daa be kaman nan tingbouŋ na niib binbeŋ nee; kimaan funfunn nan mɔniɔk-i be i sinsuuk ni, i ki waa tingbouŋ na teeb binbeŋ kaa-aa?

1 Korint teeb 4:16

N barimiie, yii waa n binbeŋ man.

2 Korint teeb 10:1

Tɔn, i siab yeen a ma din be i boor ni na, a n din ki mɔk par i boor ni; a ŋaan mi-i saan ki be siarpo, a n tuu mɔk pare, ki ji sɔbin gbant ki kpaani. Min Pɔɔl tiauŋ, n mɔk nibaakir ki be soonna kaman nan Masia nba be biaŋinba na, ki barimi a yin ŋamm i binbeŋ man,

2 Korint teeb 13:11

N naa waas, linba ji biar tee min chabie. Ŋammit i sɔnu man, kii saak n kpaanii man, kii mɔk mɔtaauk, nan parmaasir; ki Yennu nba loonit ki teent parmaasir na sii be nani.

2 Korint teeb 13:9

Li-i tee ki i mɔk paŋ ki tuun toona nba fan, ŋanne sa maŋ ti para ni, kimaan ti ki loon ki tin wanni ti paŋ kaa; li paak te ki ti mei Yennu ki teeni, a i ŋamm i binbeŋ.

2 Korint teeb 5:20

Li paak ki ti ji tee Masia taatara ki Yennu te ki ti yi niib. Masia paak ki ti barimi a yin tunn ki teen Yennu yɔɔsinba.

2 Korint teeb 6:1

Li paak, timm nba tuun Yennu toona u sommir paak na, ti barimiie, i daa te ki u ninbatinu na tee yanni.

Galasia teeb 4:12

N naa waas, n barimiie, yii naan kaman nan min na man, kimaan n mɔŋ mun ji naan kaman nan yimm nee. I ki tun siar biirimi.

Filipi teeb 1:27

Mɔtana, linba kpaa talas tee a yi ŋaan ki i binbeŋ sɔnu-ii tee nan Masia barŋanii nba loon lii tee biaŋinba na, ki mi-i lekii fit saan lai amii mi-i kii fit laini, ŋaan n sa gbat a i see fanu nan dudukyennkɔɔ, ki taan mɔtaauk ki yabii i mɔŋ ki barŋanii maŋ-ii saa tɔɔnn.

Filipi teeb 3:16

Ŋaant man ki tii dia barmɔnii kuukɔɔ kaman nan ta din dia biaŋinba nan mɔtana na.

1 Tesalonika teeb 5:13

Yii teemm nibaakir nan loomm nba yab, kimaan bi toona nba ki bi tuun na paak. I mɔŋ-ii be nan i leeb nan parmaasir man.

2 Tesalonika teeb 2:1

N naa waas, ki jikit saa ti Yomdaanɔ jenu maŋ nan timm nan ŋɔɔ nba tan sa chet leeb ki taan be na po,

1 Timoti 5:21

Yennu tɔɔnn nan Yisa Masia tɔɔnn nan malakagannteeb tɔɔnn po ki n teena kpaanii nba na, a fan sak wannu na ki daa mɔk ningannsai amii lukitin ki teen nisɔɔ bonsiar kur ni.

2 Timoti 4:1

Yisa Masia nba tan sa bu footib nan kpeemm buut, wunba tan sa jen ki di naan na, ŋɔɔ nan Yennu tɔɔnn po ki n beera,

1 Piita 2:11

N naa walonkai, ya tee saamm tingbouŋ na ni na, n kpaaniie a yi nyik gbanant loonbiit nba kɔn nan i sei na,

1 Piita 5:10

Ŋaan li-i tee ki i di fara yoo waaminna, ki Yennu nba mɔk ninbatinu kur na sa ŋamm i binbeŋ, ki chee i para, ki turi paŋ; ŋɔɔe din yiini Masia paak a yii di u mant nba kaa gbennu na.