1 Jɔɔnn 5:7 - Yennu Gbounpaauŋ Mɔɔr

⁷ Tɔn, binba tee siaradamm maŋ tee banntaae;

Yennu Gbouŋ Mɔɔr

⁷ Tɔn, binba tee siaradamm maŋ tee bantaae:

1 Jɔɔnn 5:7 ပူးပေါင်းရင်းမြစ်များ

Matiu 17:5

Ki Piita mɔb daa ki baa tiŋi, ki sanpagbanpeeuŋ sik bakin bi paak; ki bi gbat kunkɔsiar nyii sanpagbann na ni, ki yet a “N Bilonkakii na, wunba ki n numm gboou na, gbiintir u mɔb man.”

Matiu 18:16

Ŋaan li-i tee ki u ki sak wun gbat turani, fan yiin niyenɔ amii niib bannlee ki pukin a paak ki yin saan u boor ni, a niib bannlee amii banntaa maŋ-n gbat barii maŋ ki teen a siara damm.

Matiu 28:19

Li paak, i saa man tingbouŋ na ni, nibooru kura boor ni, ki saa teemm n poorpoweiteeb, ki wurib Yennu nyunwuru, n Baa Yennu sann ni, nan min u Bija sann ni, nan Seyeeŋ sann ni,

Jɔɔnn 1:1

Sintansimm dinn ki sɔɔ ki siar daa din kaa na, ŋaan Yennu Mɔb, wunba tee Yisa Masia, ŋarin poŋ din bee, ki Yennu Mɔb maŋ din taa nan Yennu. Ŋɔɔe bia ji din jenna ki tee Yennu.

Jɔɔnn 10:30

Min nan n Baa maŋ tee yomme.”

Jɔɔnn 12:28

ŋaan miar Yennu a “N Baa, ŋaant ki a sann-n la dontir.” Ŋanne ki kunkɔr pak sanpaapo a “N sann poŋ la dontira, ki bia sa ŋamm la dontir ki pukin.”

Jɔɔnn 14:17

Ki tingbouŋ na ŋaateeb kan fit gaarɔ, kimaan bi ki miu, ki bia ki mi nan u be. Ŋaan yimm ŋarin miu, kimaan u be nani, ki bia sii yɔɔ be i ni.

Jɔɔnn 15:26

“Tɔn, n sa tun Sommtɔɔ i peŋ, wunba tee Yennu Seyeeŋ ki want barmɔnii wannu na. U sa nyi n Baa Yennu boore ki baar i peŋ; ki u baaru maŋ ni, u sii piaki n po.

Jɔɔnn 5:26

N Baa nba yen manfoor ki teen niib na, nnee mun ki u te ki min u Bija mun yen manfoor ki teen niib,

Jɔɔnn 8:18

N piak want n mɔŋ po, ki n Baa wunba tumin na mun bia piak want n po nnee.”

Jɔɔnn 8:54

Ki Yisa jiimm a “Mi-i bo-i dontir n mɔŋie, li bo sii tee yanne, ŋaan wunba dontirin tee n Baae. Ŋɔɔe tee daanɔ nba ki i yaa a u tee i Yennu na.

Toona 2:33

Ki Yennu bia donnɔ a wun kar u niidiitu po. Wa kar yoonba ki u gaar Yennu Seyeeŋ nba ki Yennu din senn mɔsonn ki yaa a u tan sa turit na, ki sikin ti ni bonchiann. Tɔn, mɔtana, li Seyeeŋe ki i laat ki bia gbia ti ni na.

Toona 5:32

Timm nan Yennu Seyeeŋe tee Yisa kuunfiiru maŋ siara damm; ki Yennu jii u Seek maŋ ki tur wunba saak u mɔb.”

2 Korint teeb 13:14

Ti Yomdaanɔ Yisa Masia sommir, nan Yennu loomm, nan u Seyeeŋ mɔtaauk na-ii be nan i kura.

1 Jɔɔnn 1:1

N sɔbin gbouŋ na ki teeni a n wanni wunba ki bi yiu Yennu Mɔb nba teen niib manfoa na poe. Yoo nba ki dunia din tan piint namu na, ŋaan sɔɔ ki Mɔb maŋ poŋ bee. Mɔmaan maŋ nba din sik tingbouŋ na ni yoonba, ki ti gbiintir u pinpauk, ki bia laatɔ nan ti ninbina ki goriiɔ, ki ti nii bia siitɔ,

1 Jɔɔnn 5:6

Ŋɔɔ Yisa Masiae tee wunba din baar nan nyun nan sɔn; u din ki baar nan nyun kuukɔɔ kaa, ŋaan u din baar nan sɔn mun biak. Ki Yennu Seyeeŋ tee siaradaanɔ, kimaan Seyeeŋ na tee barmɔnii daanɔ.

1 Jɔɔnn 5:8

ki damm maŋe tee Yennu Seyeeŋ, nan nyun maŋ, nan sɔn maŋ; ki bi banntaa maŋ lakin taan mɔyomm ki tee siara.

Fiitu 19:13

Ki liatir nba ki u lia na far nan sɔn; ki sann nba ki bi yiu na tee a “Yennu Mɔmaan.”