1 Jɔɔnn 5:6 - Yennu Gbounpaauŋ Mɔɔr

⁶ Ŋɔɔ Yisa Masiae tee wunba din baar nan nyun nan sɔn; u din ki baar nan nyun kuukɔɔ kaa, ŋaan u din baar nan sɔn mun biak. Ki Yennu Seyeeŋ tee siaradaanɔ, kimaan Seyeeŋ na tee barmɔnii daanɔ.

Yennu Gbouŋ Mɔɔr

⁶ Ŋɔɔ Yiisa Masia-e tee wunba din baar nan nyun nan sɔn; u din ki baar nan nyun kuukɔɔ kaa, ŋaan u din baar nan sɔn biak. Ki Yennu Seyeeŋ tee siaradaanɔ, kimaan Seyeeŋ maŋe tee barmɔnii daanɔ.

1 Jɔɔnn 5:6 ပူးပေါင်းရင်းမြစ်များ

Matiu 26:28

Linba nee tee n sɔn nba sa te ki Yennu mɔsonn-n set nan barmɔnii, sɔn nba tan sa nyi n gbanant ni, nisaarii bonchiann paak, a Yennu-n nyik chab bi biite na.

Matiu 3:16

Wa wur Yisa Yennu nyunwuru ki gbenn yoonba, li taakpaak ni ki Yisa nyii nyun na ni; ki sanpaapo tan loot, ki u la ki Yennu Seyeeŋ siik u paak ki naan nan ŋmann na, ki tan jakin u paak.

Barŋanii nba ki MAK din sɔb nae na 14:24

Ki u yetib a “Linba nee tee n sɔn nyinn; ki n sɔn na sa nyi n gbanant ni nisaarii bonchiann paak, ki wann nan Yennu senn mɔsonpaann.

Barŋanii nba ki LUK din sɔb nae na 22:20

Ki dinu na poorpoe ki u bia jii nyunyuŋmaŋ na nan tilɔɔna nyun na, ŋaan yetib a “Tilɔɔna nyun na tee Yennu mɔsonn lorpaanne, linba ki n lor nan n sɔn, ki li luun i paak.

Jɔɔnn 14:17

Ki tingbouŋ na ŋaateeb kan fit gaarɔ, kimaan bi ki miu, ki bia ki mi nan u be. Ŋaan yimm ŋarin miu, kimaan u be nani, ki bia sii yɔɔ be i ni.

Jɔɔnn 14:6

Ki Yisa betɔ, “Mine tee sɔnu na, ki bia tee mɔmɔmm, ki bia tee manfoor. Sɔɔ kaa ki sa baar n Baa Yennu boor ni, ki li ki tee ki u sint baarimi.

Jɔɔnn 15:26

“Tɔn, n sa tun Sommtɔɔ i peŋ, wunba tee Yennu Seyeeŋ ki want barmɔnii wannu na. U sa nyi n Baa Yennu boore ki baar i peŋ; ki u baaru maŋ ni, u sii piaki n po.

Jɔɔnn 16:13

Yennu Seyeeŋ nba want barmɔnii na, u-i taŋŋi baar yoonba, u sa wanni barmɔnii kur wannua. U tan kii piak nan u mɔŋ mɔŋ maan kaa, ŋaan u tan sii wanti linba ki u gbia Yennu boore, ki bia sii beeri linba tan sa teen na.

Jɔɔnn 3:5

Ki Yisa yetɔ a “Barmɔniie ki n beera, nirɔ maaru, li kan fit jaŋ nan wun baar Yennu naan ni, ŋaan see ki u la maaru munnlee, ki li tee Yennu Seyeeŋ yar. Nnee-i kaa, u kan fit ki baar Yennu naami.

Jɔɔnn 4:10

Ki Yisa din jiinɔ, “Li-i tee ki a bo mi bakitnauŋ piinii nba ki Yennu loon wun pia na, ki bia mi ma tee wunba ki meia nyun na, a bo sa boin ki n tura manfoor nyun, ki n set bo sa turawa.”

Jɔɔnn 4:14

ŋaan mi-i tur wunba n nyun na ki u nyuu, nyunyukiru kan mi ki soorɔ jiki, kimaan mi-i tur sɔɔ n nyun na, li sii bunii manfoor nyume u ni, ki bia sa turɔ manfoor nba kaa gbennu.”

Jɔɔnn 6:55

Kimaan n gbanante tee jeet nan mɔnii, ki n sɔn mun tee bon-nyukar nan mɔnii;

Toona 8:36

Ba tɔk sɔnu maŋ ki siik yoonba, ki bi la nyun nna dɔɔ. Ki jatɔɔkir na yetɔ a “Gotir, nyume na. A bee yaa lin teen ki a kan wurin Yennu nyunwuru?”

Rom Teeb 3:25

Yennu te ki Yisa Masia nyii yeenin ni, ki bia te ki u sɔn nba nyii u ni na tee marouŋ ti biit paak, ki ti-i teen linba na yada, Yennu sa nyik chab ti biit; ŋanne wann nan Yennu be fanu. Yoo nba gar, Yennu din ki dat nisaarii tuba bi toonbiit paaki, kimaan u sukuru paak;

Efesus teeb 1:7

Kimaan Yennu nyik chab ti biit ki nyinnit daabsin ni u Bilonkak maŋ sɔn paake.

Kolosa teeb 1:4

kimaan ti gbat ya teen Yisa Masia yada biaŋinba na, ki bia loon Yennu niib kura,

1 Timoti 3:16

Li tee barmɔniie nan Masia labaar nba ki Yennu fiit wannit na sumii bonchiann: U din dɔkit nan gbanante, Yennu Seyeeŋ wann nan u be fanu; ki malakanba din lau. Ki niib din mɔɔnt u labaar ki tur nibooru, ki bi teenɔ yada tingbouŋ na ni, ki Yennu din tan donnɔ sanpaapo ki u la dontir.

Taitus 3:5

ki u din tinnit. Li din ki tee ti tiauŋ toonŋana paak kaa, ŋaan u mɔŋ ninbatinu paake ki u din tinnit, ki din wurit ki nyinn ti biit, ki te ki u Seyeeŋ ŋamm nant, ki turit manfopaann,

Hiibru teeb 10:29

Li paak, nirɔ nba fiak Yennu Bija maŋ ki ki baakit sɔn nba ŋamm Yennu mɔlor ki nyinnɔ u biit ni na, ki sukii burchinseyeeŋ na, bikint li yɔɔ nba tan sa jaŋ nan tubdatbiiuk nba.

Hiibru teeb 12:24

I baar Yisa, wunba tee sindantinnɔ ki baar nan Yennu mɔlorpaann na boore. I baar Yisa boor, ki u sɔn nba din nyii u ni na want barii nba ŋan ki gar Abel sɔn.

Hiibru teeb 13:20

Yennu nba teent parmaasir nae din fiin ti Yomdaanɔ Yisa kuun ni. Ŋɔɔ Yisae tee ti guutɔjaann na, kimaan u din kpo, ki u sɔn ŋamm Yennu mɔlor nba sii see yoo nba kaa gbennu;

Hiibru teeb 9:14

Linba na-i ŋamm gbanant, ki Masia sɔn mantik sa nyinn biit ti para ni a tii waa manfodaanɔ Yennu, kimaan Seyeeŋ nba be yoo nba kaa gbennu paŋ ni ki ŋɔɔ Masia din jii u mɔŋ ki mann marouŋ nba be fanu fanu ki tur Yennu.

Hiibru teeb 9:7

Ŋaan manteeb yudaanɔ kuukɔɔe din tuu kɔɔ lanbouŋ na linn po yomkɔɔ binn nɔɔk ni. U din tuu dia sɔme ki mann marouŋ ki tur Yennu, u mɔŋ toonbiit paak, nan niib nba din tuu kpet tun toonbiit paak.

1 Piita 1:2

Ti Baa Yennu dɔŋ ki ganni ki mi nan yimm tan sa teen u niiba, ki u Seyeeŋ te ki i tee popeendamm, ki u ganni a yii saak Yisa Masia mɔb, ki u wuur i para nan u sɔn. Yennu-n sommi, ki bia turi parmaasir bonchiann.

1 Piita 3:21

Nyun maŋ tee Yennu nyunwuru ninnauŋ nba tinnit mɔtana nee; li ki tee ti gbanant paak wuru, ŋaan li tee ti mei Yennu a wun wuur ti para ni Yisa Masia kuun fiiru na paake.

1 Jɔɔnn 1:7

Ŋaan li-i tee ki ti waa yentu sɔnu yoo kur, kaman nan Yennu nba be yentu ni biaŋinba na, ŋann ti mɔk mɔtaauk nan ti leeb, ki u Bija Yisa sɔme yentir ti para ni biit kur.

1 Jɔɔnn 4:10

Loomm nba set tee loomm nan barmɔnii ki tee a timm din loon ŋɔɔ Yennu kaa, ŋaan li tee a ŋɔɔ Yennu din loon timm, ki din sikin u Bija tingbouŋ na ni ki u tan gaar ti paak ki kpo, ki teen ti marouŋ ŋɔɔ Yennu boor ni, a tin fit la nyikinchab ti biit paak na.

Fiitu 5:9

Ki bi yiin yanpaanii ki teen Pebik na ki yeen a, “A set jaŋ nan fan gaar gbanpɔɔbir na ki tabit li yiit ŋannlore na, kimaan a din kpoe ki jii a sɔn ki daa niib ki tur Yennu; niib maŋ nyii nibooru booru kur ni, nan mabooru kur ni, nan maaru kur ni, nan tingbouŋ na yent kur ni.

Fiitu 7:14

Ki n jiin ki yetɔ a “Chanbaa, fine mi, ŋaan min ki mi.” Ki u yetin a, “Niib na nyii fargbeŋŋir na nie, ki wuur bi liatfɔkit na Pebik na sɔn ni ki li ji peen,