1 Jɔɔnn 5:19 - Yennu Gbounpaauŋ Mɔɔr

¹⁹ Ki ti bia mi nan timm Masiaweira tee Yennu yabe, ŋaan tingbouŋ na ŋaateeb kur nba ki tee Masiaweira na be Sintaanii nuu ni.

Yennu Gbouŋ Mɔɔr

¹⁹ Ki ti bia mi nan timm Masiaweira tee Yennu yabe, ŋaan tingbouŋ na ŋaateeb kur nba ki tee Masiaweira na be Sintaanii nuu nie.

1 Jɔɔnn 5:19 ပူးပေါင်းရင်းမြစ်များ

Barŋanii nba ki LUK din sɔb nae na 4:6

ŋaan betɔ a “Bi din turin paŋ maŋ nan mɔkint maŋ, ki n mun sa fit tur wunba ki n loon man turɔ. N bo sa tura paŋ nan mɔkint maŋ kur. Li-i tee ki a bo sa gbaan ki jiantin, li kur bo sii tee a yare.”

Jɔɔnn 12:31

Yoo nba ki Yennu yaa wun tan bu tingbouŋ na ŋaateeb buut na, li yoo baat; ki u bia sa biir tingbouŋ na yudaanɔ Sintaanii paŋ.

Jɔɔnn 14:30

N kan pak nani ki yukiri, kimaan tingbouŋ na yudaanɔ Sintaanii baat, ŋaan u ki mɔk n yaaki.

Jɔɔnn 16:11

Ki bia jenna, u sa wannib Yennu barbuut nba tan sii tee biaŋinba, kimaan u poŋ bu tingbouŋ na teeb yudaanɔ Sintaanii buut ki biirɔwa.

Jɔɔnn 17:15

N ki meia ma a nyinnib tingbouŋ na ni kaa, ŋaan n meia ma i baak bi paake fanu, ki bonbiiuk daanɔ Sintaanii daa baat ki biiribi.

Rom Teeb 8:16

Yennu Seyeeŋ maŋe te ki ti mɔŋ sei mi bonŋann nan ti tee Yennu waas.

2 Korint teeb 1:12

Linba paak te ki ti mɔk yuugontir na tee nnee: ti dudukite wantit nan ti mɔk barmɔnpaku nan yentinu tingbouŋ na niib boor, ki mantik daan be nna ki jiin timm nan yimm weinanleeb po na; ki Yennu sommir paake te ki ti be nna maŋ, li ki tee nisaarii yan paak kaa.

2 Korint teeb 4:4

Bi ki teen Masia yada, kimaan Sintaanii nba ki tingbouŋ na niib jiantirɔ na dɔkint bi dudukite. Ŋɔɔe dɔkint bi nunii po a bi daa laat yentu nba dɔkit bi paak na. Li yentu nyi barŋanii nba want Masia paŋ na boor nie; ŋɔɔe tee Yennu naauŋ.

2 Korint teeb 5:1

Kimaan ti mi nan gbanant nba ki ti mɔk mɔtana na-i taŋŋi kpo, ti mɔk ŋei nba ki Yennu sa turit sanpaapo, ki li ki tee nifosaarik kaa maa ŋei maŋi, ki li bia tan sii be nan yoo nba kaa gbennu.

Galasia teeb 1:4

Yisa Masiae din sak ti Baa Yennu loomm ki din kpo ti biit paak a wun fatit tingbouŋ na biit daabsin ni.

Efesus teeb 2:2

I din waa tingbouŋ na narinbiit sɔnue ki sak tingbouŋ na bat Sintaanii nba dia niib nba ki saak Yennu mɔb na.

2 Timoti 1:12

Li paake te ki n di fara dansarik ni; ŋaan ki n ki tiin fei, kimaan n mi ma jii n mɔŋ ki teen wunba nuu ni, n mi ki birsuk kaa nan u sa fit dia linba ki n jii ki teen u nuu ni na fanu mɔkmɔk nan Daar maŋ daar.

Taitus 3:3

kimaan sianyoo ti mɔŋ din ki mɔk yami, ti din tee mɔyêtdamme, ki waa sɔnu nba ki tooki, ki waa nianbiit sɔnbooru booru. Ti din tuu ki mi dudukit nba ŋan; ti din tee funfunn damme, ki din nan ti leebe ki bi mun namit.

Jeems 4:4

I nyik Yennuwa, ki waa bonliae. Li-i tee ki i tee tingbouŋ na yɔɔsinbaie, i tee Yennu dataie; I ki mi nnee-ee? Wunba loon wuu tee tingbouŋ na yɔɔk, li yɔɔ teen u mɔŋ Yennu dataake.

1 Jɔɔnn 3:14

Ta loon ti naa walees na, ŋannii want nan ti nyii kuun paŋ ni, ki be manfoor nba kaa gbennu ni. Ŋaan daanɔ nba ki mɔk li loonbooru, ŋɔɔ ŋarin biar be kuun paŋ nie.

1 Jɔɔnn 3:24

Binba kur dia u sennii maŋ, ŋamme gaa u paak, ki u mun bia be bi ni. Ŋannii teen ki ti bann nan u yɔɔ be ti ni, kimaan u Seyeeŋ be ti ni.

1 Jɔɔnn 5:10

Wunba teen Yennu Bija maŋ yada, ŋɔɔe mɔk Yennu siara maŋ u par ni; ki wunba ki teen u siara maŋ yada, u teenɔ faak daanɔe na, kimaan u ki teen yada nan siara nba ki Yennu teen u Bija po na, a li tee mɔnii.

1 Jɔɔnn 5:13

N sɔbin gbouŋ na ki teen yimm nba teen Yennu Bija yada, kimaan n loon ki i bann nan i mɔk manfoor nba kaa gbennu.

1 Jɔɔnn 5:15

Ti-i mi nan u set gaan ti miaru, tin bann nan ti poŋ gaar linba ki ti meiɔ li po nawa.

1 Jɔɔnn 5:18

Ki ti mi nan damm nba nyii Yennu ni, bi ki tuun biiti, kimaan Yennu Bija Yisa guub, ki bonbiiuk daanɔ Sintaanii kan teemm siari.

1 Jɔɔnn 5:20

Ti mi nan Yennu Bija Yisa din sik tingbouŋ na ni ki tan turit yan a tii bant barmɔnii Yennu. Ta gaa nan u Bija Yisa Masia na paak, ŋanne bia te ki ti gaa nan u Baa Yennu paak; ki ŋɔɔe set tee barmɔnii Yennu, ki bia tee daanɔ nba teent manfoor nba kaa gbennu.

Fiitu 12:9

bi jii waakperbiiuk na ki nyinnɔ; u poŋ tuu tee waauk nba tuu beewa, ki u sann yi Sanbiirtɔɔ amii Sintaanii, ki tuu kpann tingbouŋ na teeb kur na. Ki bi nyinn ŋɔɔ nan u malakanba ki lub tingbouŋ na ni.

Fiitu 20:3

ki jiiu ki lu bootsunsuŋ na ni bintusir, ŋaan kpar ki kpaa kpai ki tabin, ki u ji kan fit ki kpann tingbouŋ na teeb booru kur bintusir na nɔɔk ni; ki bintusir na-i gar, bi sa lootɔ ki wun nyi paanu waan.