1 Jɔɔnn 5:18 - Yennu Gbounpaauŋ Mɔɔr

¹⁸ Ki ti mi nan damm nba nyii Yennu ni, bi ki tuun biiti, kimaan Yennu Bija Yisa guub, ki bonbiiuk daanɔ Sintaanii kan teemm siari.

Yennu Gbouŋ Mɔɔr

¹⁸ Ki ti mi nan damm nba tee Yennu yab, bi ki tuun biiti, kimaan Yennu Bija Yiisa guub, ki bonbiiuk daanɔ Sintaanii kan fit teemm siari.

1 Jɔɔnn 5:18 ပူးပေါင်းရင်းမြစ်များ

Matiu 5:37

ŋaan ŋaant man ki i jiinu-ii tee, ‘Nn,’ amii ‘Aaii,’ kimaan li-i tee ki a por siar ki pukin linba na paak, li ji nyii Biitdaanɔ maŋe.

Matiu 6:13

A daa te ki ti kɔɔ jinjammii ni, ŋaan nyinnit bonbiir ni.’

Jɔɔnn 1:13

Ba din teen Yennu waas na, ki Yennu ji turib u manfopaann. Li ki tee nisaarii kaa din turib li manfoor ba din marib yoonba na, ŋaan li din tee Yennue.

Jɔɔnn 14:30

N kan pak nani ki yukiri, kimaan tingbouŋ na yudaanɔ Sintaanii baat, ŋaan u ki mɔk n yaaki.

Jɔɔnn 15:4

Yii gaa n paak man, ki n sii be i ni. Tiyiinu kan fit lon lɔɔna, see ki u gaa tiik paak. Li mun bia tee nnee, i kan fit lon lɔɔna, see ki i gaa n paak.

Jɔɔnn 15:7

Ki bia jenna, li-i tee ki i yɔɔ gaa n paak, ki n maan na be i ni, miat Yennu linba kur ki i loon, ki i sa lawa.

Jɔɔnn 15:9

“N Baa Yennu nba loonin biaŋinba na, n mun looni li biaŋe. Yii gaa n paak, ki n loomm sii be i ni.

Toona 11:23

Wa din saa baar leŋ yoonba ki la Yennu nba turib sommir biaŋinba, ki u la parpeenn bonchiann, ki din chee bi para, ki kpaan bi kur kpaanii a bi daa nyikit Yisa weiu.

Jeems 1:18

U mɔŋ loommo ki u teent u waas, u maan nba tee barmɔnii na paak, a tii chee u bonninaant kura.

Jeems 1:27

Wunba sommit kpeebii nan pakɔi bi fara ni, ki bia nyinn u mɔŋ tingbouŋ na biit ni, ŋɔɔe set tee Yisaweirɔ nan barmɔnii, ki ki mɔk biit ti Baa Yennu boori.

1 Piita 1:23

I la manfopaanna; li manfoor ki nyii bonboorik nba kpenn ni kaa, ŋaan li nyii bonboorik nba ki kpenn boore; Yennu maan nba mɔk manfoor ki sii be mɔkmɔk nan yoo nba kaa gbennu na turi manfoor maŋ.

1 Jɔɔnn 2:29

I mi nan Yisa Masia tee popeendaanɔe; li paake, ki i mun bann nan binba kur tuun popeenn toona, bi mun tee Yennu waase.

1 Jɔɔnn 3:12

Li ki ŋan ki tii be kaman nan Keenn nba din be biaŋinba na; ŋɔɔ din tee bonbiiuk daanɔ Sintaanii yɔɔe, ki din kpii u waarɔ. Bee paake te ki u din kpiiu? U din la u waarɔ tuun toonŋana, ŋaan ki u yar bi.

1 Jɔɔnn 3:3

Ki bia jenna, binba kur daan u jenu po maŋ, ŋamme dia bi mɔŋ fanu, kaman nan wa be fanu biaŋinba na.

1 Jɔɔnn 3:9

Binba kur tee Yennu waas nyii bi Baa Yennue, ki ki tuun biiti. Bi ki fit tuun biiti, kimaan ba gaar bi Baa Yennu binbeŋ na paak.

1 Jɔɔnn 4:6

Ŋaan timm ŋarin tee Yennu yabe; ki binba mi Yennu, ŋamme fiin ti maan po. Ŋaan binba ki tee Yennu yabi, bi ki fiin ti maan po. Ŋanne sa te ki ti sa bann wunba mɔk Yennu Seyeeŋ nba want barmɔnii wannu, nan wunba mɔk Sintaanii seek nba want faak wannu.

1 Jɔɔnn 5:1

Binba kur tee yada nan Yisa tee Yennu Niganntɔɔ Masia na, li yabe tee Yennu waas. Ki daanɔ nba loon nisɔɔ, u bia sii loon nirɔ maŋ waase.

1 Jɔɔnn 5:15

Ti-i mi nan u set gaan ti miaru, tin bann nan ti poŋ gaar linba ki ti meiɔ li po nawa.

1 Jɔɔnn 5:19

Ki ti bia mi nan timm Masiaweira tee Yennu yabe, ŋaan tingbouŋ na ŋaateeb kur nba ki tee Masiaweira na be Sintaanii nuu ni.

1 Jɔɔnn 5:20

Ti mi nan Yennu Bija Yisa din sik tingbouŋ na ni ki tan turit yan a tii bant barmɔnii Yennu. Ta gaa nan u Bija Yisa Masia na paak, ŋanne bia te ki ti gaa nan u Baa Yennu paak; ki ŋɔɔe set tee barmɔnii Yennu, ki bia tee daanɔ nba teent manfoor nba kaa gbennu.

1 Jɔɔnn 5:21

N waas, nyint i mɔŋ man nan pata ni.

1 Jɔɔnn 5:4

kimaan binba kur tee Yennu waas, ŋammii fit nyant tingbouŋ na ni jinjammii. Linba te ki ti nyant tingbouŋ na jinjammii na tee ti yada teenue.

Juud 1:21

kii tee niib nba ki Yennu loomm, kii guu yoo nba ki ti Yomdaanɔ Yisa Masia sa turi manfoor nba kaa gbennu, u ninbatinu paak.

Juud 1:24

Yennu sa fit guui ki i daa baa, ki sa baar nani u tɔɔnn yentsaakar ni, ki i ki mɔk biiti, ŋaan sii mɔk parpeenn bonchiann;

Fiitu 2:13

ŋɔɔe yet a ‘N mi nan siaminba ki i be na tee siaminba ki Sintaanii naangbouŋ na be, ki n mi nan i set dia n sann; yoo nba ki bi din tan kpii Antipas nba din tee n siara daanɔ nan barmɔnii, i mɔŋ doo nba ki Sintaanii be na, li yoo maŋ gbaa ki i ki yêt n sɔnu.