1 Jɔɔnn 5:13 - Yennu Gbounpaauŋ Mɔɔr

¹³ N sɔbin gbouŋ na ki teen yimm nba teen Yennu Bija yada, kimaan n loon ki i bann nan i mɔk manfoor nba kaa gbennu.

Yennu Gbouŋ Mɔɔr

¹³ N sɔbin gbouŋ na ki teen yimm nba teen Yennu Bija yada nae, kimaan n loon ki i bann nan i mɔk manfoor nba kaa gbennu.

1 Jɔɔnn 5:13 ပူးပေါင်းရင်းမြစ်များ

Jɔɔnn 1:12

Ŋaan binba kur gaarɔ ki teenɔ yada ki jii bi mɔŋ ki turɔ, ŋamme ki u din chabib ki bi ji teen Yennu waas.

Jɔɔnn 2:23

Yukitgar tiaru jaamm maŋ yooe ki Yisa din biar Jerusalem, ki din tuun bakitnauŋ toonjaana, ki niib bonchiann din la ki teenɔ yada,

Jɔɔnn 20:31

Ŋaan toonjaana nba sɔb ki be nna na, bi sɔb a yin teen yada nan Yisae tee Yennu Niganntɔɔ Masia, ki bia tee Yennu Bija. Li-i tee ki i teenɔ yada, i sa la manfoor nba kaa gbennu, u paak.

Jɔɔnn 21:24

Tɔn, Yisa poorpoweitɔɔ maŋe tee wunba yeen niib barii maŋ, ki bia sɔbir gbouŋ na ni; ki ti mi nan wa yeen linba na tee barmɔniie.

Jɔɔnn 3:18

Ki daanɔ nba teen Yennu Bija maŋ yada, Yennu kan bu u buut ki biirɔ, ŋaan wunba ki teeu yada, Yennu poŋ bu u yaa buut ki biirɔwa, kimaan u ki teen ŋɔɔ Yennu Bijayemmir maŋ yada.

Jɔɔnn 5:24

“Barmɔniie ki n beeri na, daanɔ nba gbat n maan na, ki bia teen wunba tumin na yada, ŋɔɔe mɔk manfoor nba kaa gbennu; ki Yennu kan bu u buut ki biirɔ. U bia poŋ nyii kuun nuu niwa, ki be manfoor maŋ nie.

Toona 3:16

“Yisa maŋ sann paŋ nba ki ti yi nee te ki jɔɔ na paak. Wɔbik na tee wunba ki i poŋ tuu miu ki bia laatɔe, ŋaan ki u tan paak na, kimaan wa teen Yisa sann yada na paak. Wa teen Yisa yada na paake te ki u paak ki see i numm nna.

Toona 4:12

Ki sɔɔ sann ji kaa tingbouŋ na ni ki Yennu tur niib a bin la tinnu, see Yisa kuukɔɔ.”

2 Korint teeb 5:1

Kimaan ti mi nan gbanant nba ki ti mɔk mɔtana na-i taŋŋi kpo, ti mɔk ŋei nba ki Yennu sa turit sanpaapo, ki li ki tee nifosaarik kaa maa ŋei maŋi, ki li bia tan sii be nan yoo nba kaa gbennu.

Galasia teeb 4:6

Ta tee u waas na paak, ki u tun u Bija maŋ Seyeeŋ na ki u be ti para ni, ki ti yi ŋɔɔ Yennu a “N Baa, n Baa.”

1 Piita 5:12

Sailas wunba ki n mi nan u tee Masiaweirɔ nan barmɔnii na, ŋɔɔe sommin ki n sɔb gbouŋ nba ki fɔk na a n chee i para, ki kpaani, a ŋannii tee Yennu maan nan barmɔnii. Li paak, yii diar fanu man.

1 Jɔɔnn 1:4

ki ti loon ki ti kur-n ŋamm la parpeenn bonchiann. Li paake teen ki n sɔbin teeni na.

1 Jɔɔnn 2:1

N waas, n ki loon ki yii tuun toonbiiti. Li paake te ki n sɔbin ki teeni na, ŋaan li-i tee ki sɔɔ tun toonbiit, ti mɔk sindantinnɔ ti Baa Yennu boor ni, ki ŋɔɔe tee Yisa Masia, wunba tee popeendaanɔ na.

1 Jɔɔnn 2:21

Tɔn, li ki tee a i ki mi wannu nba took kaa te ki n sɔbin ki teeni na, ŋaan li tee ya poŋ mi wannu maŋ na paak, ki bia mun mi nan faak wannu fɔk nan barmɔnii wannu.

1 Jɔɔnn 2:25

ki mɔsonn nba ki u senn ki turit na tee a u sa turit manfoor nba kaa gbennu na.

1 Jɔɔnn 2:26

N sɔbin linba na ki teeni ki chekinti ki jikit saa niib nba yaa bin kpanni na poe;

1 Jɔɔnn 3:23

Ki nee tee u sennu maŋ, a ti teen u Bija Yisa Masia yada kii loon ti leeb kaman nan wa din sennit sennu biaŋinba na.

1 Jɔɔnn 4:9

Yennu din sikin u Bijayemmir tingbouŋ na ni a ti la manfoor u paak, ki nee fiit wannit nan Yennu set loont.

1 Jɔɔnn 5:10

Wunba teen Yennu Bija maŋ yada, ŋɔɔe mɔk Yennu siara maŋ u par ni; ki wunba ki teen u siara maŋ yada, u teenɔ faak daanɔe na, kimaan u ki teen yada nan siara nba ki Yennu teen u Bija po na, a li tee mɔnii.

1 Jɔɔnn 5:11

Yennu siara maŋ tee nnee, a u turit manfoor nba kaa gbennu, ki manfoor maŋ nyi u Bija Yisa nie.

1 Jɔɔnn 5:20

Ti mi nan Yennu Bija Yisa din sik tingbouŋ na ni ki tan turit yan a tii bant barmɔnii Yennu. Ta gaa nan u Bija Yisa Masia na paak, ŋanne bia te ki ti gaa nan u Baa Yennu paak; ki ŋɔɔe set tee barmɔnii Yennu, ki bia tee daanɔ nba teent manfoor nba kaa gbennu.