1 Jɔɔnn 5:11 - Yennu Gbounpaauŋ Mɔɔr

¹¹ Yennu siara maŋ tee nnee, a u turit manfoor nba kaa gbennu, ki manfoor maŋ nyi u Bija Yisa nie.

Yennu Gbouŋ Mɔɔr

¹¹ Yennu siara maŋ tee nnae: a u turit manfoor nba kaa gbennu, ki manfoor maŋ nyii u Bija Yiisa nie.

1 Jɔɔnn 5:11 ပူးပေါင်းရင်းမြစ်များ

Matiu 25:46

Binba na tan sa saan ki saa la tubdatu nba kaa gbennu na, ŋaan ki yentina na-n mun saan kii sii be manfoor nba kaa gbennu ni.”

Jɔɔnn 1:19

Tɔn, ki Juu teeb yudamm nba din be Jerusalem na tun Yennu jiantu yudamm nan Liifai teeb Jɔɔnn maŋ boor, a bin boiɔ a “A tee ŋmee?”

Jɔɔnn 1:4

ki u nie biak ki manfoor be, ki u jikit ki teen niib, ki li manfoor maŋe tee niib yentu,

Jɔɔnn 10:28

ki n teemm manfoa nba kaa gbennu, ki bi kan mi ki kpo, ki sɔɔ bia kaa ki sa fit fatib n nuu ni.

Jɔɔnn 12:50

Ki u maan maŋ teen niib manfoor nba kaa gbennue. Ki ma pak linba na kura, ŋanne ki n Baa Yennu yaa a n pak.”

Jɔɔnn 14:6

Ki Yisa betɔ, “Mine tee sɔnu na, ki bia tee mɔmɔmm, ki bia tee manfoor. Sɔɔ kaa ki sa baar n Baa Yennu boor ni, ki li ki tee ki u sint baarimi.

Jɔɔnn 19:35

Min nba sɔbin gbouŋ nee la ba teen biaŋinba na nan n mɔŋ ninbina, ki teen siara nan li tee mɔniie, ki n mi nan n siara maŋ tee barmɔniie, ki n sɔbin linba tee barmɔnii na a i fit lian teen yada.

Jɔɔnn 3:36

Daanɔ nba tee Yennu Bija yada, u sii mɔk manfoor nba kaa gbennu, ki daanɔ nba mun ki saak Yennu Bija na mɔb kan la manfoor maŋi, ŋaan Yennu wutoor sa do u paak ki kan gbenni.

Jɔɔnn 4:36

Ki dijaara tan sa gaar bi paauk, ki dii nba ki bi jaan na mun, ŋamme tee niib nba tan sa la manfoor nba kaa gbennu, ki damm nba buur nan binba jaan, bi kur tan sii mɔk parpeenn bi dii maŋ paak.

Jɔɔnn 4:4

Ki u sɔnu maŋ ni, ki li tee talase nan wun gar Samaria tiŋ ni.

Jɔɔnn 5:21

N Baa nba fiint kpeemm biaŋinba ki teemm manfoa na, nnee mun, ki min nba tee u Bija na mun sa tur binba ki n gann na manfoa.

Jɔɔnn 5:26

N Baa nba yen manfoor ki teen niib na, nnee mun ki u te ki min u Bija mun yen manfoor ki teen niib,

Jɔɔnn 6:40

Nnee ki n Baa Yennu loon, a sɔɔ kur nba bann min, u Bija, ki teenin yada, u sa la manfoor nba kaa gbennu; ki n tan sa fiimm kuun ni dunia gbennu daar.”

Jɔɔnn 6:47

“Barmɔniie ki n beeri na, daanɔ nba teenin yada, ŋɔɔe mɔk manfoor nba kaa gbennu.

Jɔɔnn 6:68

Ki Simon Piita jiin yetɔ a “Ti Yomdaanɔ, ki ti mun ji sa nyika ŋaan saan ŋmee boori? Fine mɔk manfoor nba kaa gbennu wannu.

Rom Teeb 5:21

Li paak, biit nba din kpi nifosaarii ki te ki bi kpenn biaŋinba na, nnee mun ki Yennu ninbatinu paak te ki u yet a bi tee niŋamm u boor, ki turib manfoa nba kaa gbennu, ti Yomdaanɔ Yisa Masia paak.

Rom Teeb 6:23

Kimaan biit nyɔɔt tee kuume, ŋaan Yennu piinii tee manfoor nba kaa gbennue, ti Yomdaanɔ Yisa Masia paak.

1 Timoti 1:16

ŋaan ki u tin min nba din tee biitdamm yudaanɔ ninbaauk ki dii sukuru n paak, a lii tee siara ki wann binba tan sa teenɔ yada ki gaar manfoor nba kaa gbennu na.

Taitus 1:2

N mɔk dindann nan n sii mɔk manfoor nba kaa gbennu. Yennu nba ki mi fa faak na din senn mɔsonn yaayoo niwa a u sa turit manfoor maŋ,

1 Jɔɔnn 2:25

ki mɔsonn nba ki u senn ki turit na tee a u sa turit manfoor nba kaa gbennu na.

1 Jɔɔnn 4:10

Loomm nba set tee loomm nan barmɔnii ki tee a timm din loon ŋɔɔ Yennu kaa, ŋaan li tee a ŋɔɔ Yennu din loon timm, ki din sikin u Bija tingbouŋ na ni ki u tan gaar ti paak ki kpo, ki teen ti marouŋ ŋɔɔ Yennu boor ni, a tin fit la nyikinchab ti biit paak na.

1 Jɔɔnn 4:9

Yennu din sikin u Bijayemmir tingbouŋ na ni a ti la manfoor u paak, ki nee fiit wannit nan Yennu set loont.

1 Jɔɔnn 5:10

Wunba teen Yennu Bija maŋ yada, ŋɔɔe mɔk Yennu siara maŋ u par ni; ki wunba ki teen u siara maŋ yada, u teenɔ faak daanɔe na, kimaan u ki teen yada nan siara nba ki Yennu teen u Bija po na, a li tee mɔnii.

1 Jɔɔnn 5:20

Ti mi nan Yennu Bija Yisa din sik tingbouŋ na ni ki tan turit yan a tii bant barmɔnii Yennu. Ta gaa nan u Bija Yisa Masia na paak, ŋanne bia te ki ti gaa nan u Baa Yennu paak; ki ŋɔɔe set tee barmɔnii Yennu, ki bia tee daanɔ nba teent manfoor nba kaa gbennu.

1 Jɔɔnn 5:7

Tɔn, binba tee siaradamm maŋ tee banntaae;

3 Jɔɔnn 1:12

Sɔɔ kur piak Demetrius; ki u benu nee bia want nan u waa barmɔnii wannu; ki ti mɔŋ mun piakɔ; ki a mun mi nan ti set tee barmɔnii damme.

Juud 1:21

kii tee niib nba ki Yennu loomm, kii guu yoo nba ki ti Yomdaanɔ Yisa Masia sa turi manfoor nba kaa gbennu, u ninbatinu paak.

Fiitu 1:2

Ŋanne ki Jɔɔnn din fiit ki wann linba ki u din la na kur ki li tee barii nba nyii Yennu boor ni, nan linba ki Yisa Masia din fiit ki wannɔ na.

Fiitu 22:1

Li yoo ki malaka na wannin manfoor nyun mɔkir na, ki li puuk nyi Yennu nan Pebik na naangbouŋ na ni, ki nyirii kaman nan mianu na,