1 Jɔɔnn 5:10 - Yennu Gbounpaauŋ Mɔɔr

¹⁰ Wunba teen Yennu Bija maŋ yada, ŋɔɔe mɔk Yennu siara maŋ u par ni; ki wunba ki teen u siara maŋ yada, u teenɔ faak daanɔe na, kimaan u ki teen yada nan siara nba ki Yennu teen u Bija po na, a li tee mɔnii.

Yennu Gbouŋ Mɔɔr

¹⁰ Wunba teen Yennu Bija maŋ yada, ŋɔɔe mɔk Yennu siara maŋ u par ni; ki wunba ki teen u siara maŋ yada, u yiinɔ faak daanɔe na, kimaan u ki teen yada nan linba ki Yennu pak u Bija po na tee mɔnii.

1 Jɔɔnn 5:10 ပူးပေါင်းရင်းမြစ်များ

Jɔɔnn 3:16

Kimaan Yennu mantik din loon timm tingbouŋ na niib bonchiann; li paak, ki u turit u Bijayemmir, ki wunba teen u Bija maŋ yada u tan kan kɔɔ muu ni, ŋaan u sii mɔk manfoor nba kaa gbennu,

Jɔɔnn 3:18

Ki daanɔ nba teen Yennu Bija maŋ yada, Yennu kan bu u buut ki biirɔ, ŋaan wunba ki teeu yada, Yennu poŋ bu u yaa buut ki biirɔwa, kimaan u ki teen ŋɔɔ Yennu Bijayemmir maŋ yada.

Jɔɔnn 3:33

Ki bia jenna, ki wunba gaar u maan maŋ, li want nan ŋɔɔe saak nan Yennu maan maŋ tee barmɔnii.

Jɔɔnn 5:38

Ki u tumin i boor, ŋaan i ki teenin yada; ŋannii want nan u maan kaa i para ni.

Toona 8:37

Ki Filip yetɔ a “Li-i tee ki a teen Yisa yada nan a par kura, n sa wurawa.” Ki u jiin a “N teen yada nan Yisa Masia tee Yennu Bijae.”

Rom Teeb 8:16

Yennu Seyeeŋ maŋe te ki ti mɔŋ sei mi bonŋann nan ti tee Yennu waas.

Galasia teeb 4:1

Tɔn, n bia ŋamm yeen a ŋaak bik nba lek tuu ya wun tan di u baa faar na, ŋaan yoo nba ki u daa tee bonbunn na, bi daa tuu diau kaman nan daabir nee.

Galasia teeb 4:6

Ta tee u waas na paak, ki u tun u Bija maŋ Seyeeŋ na ki u be ti para ni, ki ti yi ŋɔɔ Yennu a “N Baa, n Baa.”

Kolosa teeb 3:3

kimaan i poŋ din kpo nan Masia, ki bɔr i manfoor nanɔ Yennu ni.

Hiibru teeb 3:12

Tɔn, n naasinyɔɔsinba, yi bann i yan ni ki sɔɔ daa tee biitdaanɔ ki kɔŋŋit yada ki tan mann ŋmat poor ki nyik manfodaanɔ Yennu na.

2 Piita 1:19

Ŋanne mantik kat wantit nan Yennu sɔkiniinba nba din pak Yisa labaar na po din tee barmɔniie. Li ŋan ki yin gbiint ba din yet linba na fanu. Bi mɔbona maŋ tee kaman nan fitir nba teen yentu bunbɔnn ni biaŋinba nee mɔkmɔk nan yoo nba ki Yisa tan sa jen; ŋanne sa te ki i numm-n yent fanu.

1 Jɔɔnn 1:10

Ti-i yaa a ti ki tuun toonbiitie, ŋann nna ti teenɔ faak daanɔe na, ki u maan maŋ kaa ti ni.

1 Jɔɔnn 5:1

Binba kur tee yada nan Yisa tee Yennu Niganntɔɔ Masia na, li yabe tee Yennu waas. Ki daanɔ nba loon nisɔɔ, u bia sii loon nirɔ maŋ waase.

Fiitu 12:17

Ki waakperbiiuk na wutoor doo nan poo na bonchiann, ki u saan a wun saa kɔn nan poo na booru nba biar ki waa Yennu sennu ki dia Yisa barŋanii na,

Fiitu 2:17

“Wunba mɔk tuba, wun gbiint linba ki Yennu Seyeeŋ na yeen ki teen Masiaweira na. “Wunba nyann nyannu na, ŋɔɔe ki n sa turɔ woonin ni jeet nba ki bi yir mana na ki wun di, ki n bia sa turɔ tanpeenn nba ki sanpaann sɔb li paak ki sɔɔ ki mir na, see fin nba gaar na kuukɔɔ.’ ”

Fiitu 2:28

N bia sa chab li yɔɔ sanyafaar ŋmaabir.