1 Jɔɔnn 4:6 - Yennu Gbounpaauŋ Mɔɔr

⁶ Ŋaan timm ŋarin tee Yennu yabe; ki binba mi Yennu, ŋamme fiin ti maan po. Ŋaan binba ki tee Yennu yabi, bi ki fiin ti maan po. Ŋanne sa te ki ti sa bann wunba mɔk Yennu Seyeeŋ nba want barmɔnii wannu, nan wunba mɔk Sintaanii seek nba want faak wannu.

Yennu Gbouŋ Mɔɔr

⁶ Ŋaan timm ŋarin tee Yennu yabe; ki binba mi Yennu, ŋamme fiin ti maan ni. Ŋaan binba ki tee Yennu yabi, bi ki fiin ti po. Ŋanne te ki ti saa bann wunba mɔk Yennu Seyeeŋ nba want barmɔnii wannu, nan wunba mɔk Sintaanii seek nba want faak wannu na.

1 Jɔɔnn 4:6 ပူးပေါင်းရင်းမြစ်များ

Barŋanii nba ki LUK din sɔb nae na 10:22

Ki Yisa ŋamm yet a “N Baa Yennue wannin barii na kura; ki sɔɔ ki mi ma tee wunba see n Baa maŋ, ŋaan sɔɔ mun bia ki mi n Baa maŋ nba tee wunba, see min u Bija na, nan binba ki n loon ki n fiit wannib na.”

Jɔɔnn 10:16

Pelei be ki tee n yab, ŋaan ŋamm ki tee pelook maŋ ni yabi. See ki n baar nan ŋamm mun biak, ki bi sa sak n mɔb, ki bi kur ji sii tee pebooryeŋ, ki mɔk pekpaaryeŋ kɔɔ.

Jɔɔnn 10:27

N pei saak n mɔb, ki n mib, ki bi waan,

Jɔɔnn 10:3

U-i taŋŋi baat a wun kɔɔ, tammɔguurɔ na sa loote, wun kɔɔ; ki u yi u mɔŋ mɔŋ pei na sana, ki bi gbia u mɔb, ki u nyintib.

Jɔɔnn 13:20

“Barmɔniie ki n beeri na, daanɔ nba gaar n toomu, u gaar mine; ki wunba gaar min na, u gaar Yennu wunba tumin na mune.”

Jɔɔnn 14:17

Ki tingbouŋ na ŋaateeb kan fit gaarɔ, kimaan bi ki miu, ki bia ki mi nan u be. Ŋaan yimm ŋarin miu, kimaan u be nani, ki bia sii yɔɔ be i ni.

Jɔɔnn 15:26

“Tɔn, n sa tun Sommtɔɔ i peŋ, wunba tee Yennu Seyeeŋ ki want barmɔnii wannu na. U sa nyi n Baa Yennu boore ki baar i peŋ; ki u baaru maŋ ni, u sii piaki n po.

Jɔɔnn 16:13

Yennu Seyeeŋ nba want barmɔnii na, u-i taŋŋi baar yoonba, u sa wanni barmɔnii kur wannua. U tan kii piak nan u mɔŋ mɔŋ maan kaa, ŋaan u tan sii wanti linba ki u gbia Yennu boore, ki bia sii beeri linba tan sa teen na.

Jɔɔnn 18:37

Ki Pailat boiɔ a “A set tee kpanbare ŋarimii?” Ki Yisa jiin a “Nn, fine yeen a n tee kpanbar. Bi din marin a n wann niib barmɔnii wannue. Na paake ki n baar tingbouŋ na ni; ki sɔɔ kur nba waa barmɔnii wannu maŋ gbia n maan.”

Jɔɔnn 20:21

Ki Yisa bia ŋamm yetib a “Parmaasir-ii be i paak. N Baa nba tumin biaŋinba na, n mun yaa n tumi li biaŋe.”

Jɔɔnn 8:19

Ki bi boiɔ a “A Baa maŋ be lee?” Ki Yisa pak jiimm a “I ki mimi, ki tan boi n Baa. I-i bo-i mimie, i mun bia bo sii mi n Baawa.”

Jɔɔnn 8:23

Ki Yisa jiin a “Yimm tee tiŋ nna yabe, ŋaan min tee sanpaapo yɔɔe; yimm nyii tingbouŋ na nie, ŋaan min ki nyii tingbouŋ na ni kaa.

Rom Teeb 1:1

Min Pɔɔl, wunba tee Yisa Masia toontunnɔ, ki u yiinin a n teen u toomii, ki Yennu gannin a n mɔɔnt u barŋanii.

Rom Teeb 11:8

Li tee kaman nan la sɔb Yennu gbouŋ ni a “Bina nba gar ki tan tuu dinna, Yennu te ki bi yan lin, ki bi bia ki laati, ki bi tuba ki gbia.”

1 Korint teeb 14:37

Wunba mi nan u tee Yennu sɔkinii amii ki mɔk Yennu Seyeeŋ piinii, wun bann nan linba ki n sɔbin ki teeni na tee ti Yomdaanɔ sennue.

2 Korint teeb 10:7

Yimm gorii nisaarik numm po kuukɔɔe. Nisɔɔ-i be i sinsuuk ni ki yaa a u tee Masia yɔɔe, yin te ki li yɔɔ-n tiar nan ti mun tee Masia niibe kaman nan wa tee biaŋinba na.

2 Tesalonika teeb 1:8

ki tan dat binba ki sak u barŋanii ki bia ki mi Yennu na tuba;

1 Timoti 4:1

Tɔn, Yennu Seyeeŋ set wantit yeenin ni nan yoo nba waa poorpo na ki nisiab tan sa nyik Masia labaar nawa, ŋaan sak narinbiit nba sa kpannib na, ki bia wei Sintaanii wannu na.

2 Piita 3:2

N loon ki yii tian mɔmaan nba ki Yennu sɔkiniinbaŋamm din pak li po yaayoo ni na, kii bia tian sennii nba ki ti Yomdaanɔ, wunba tee ti Tinntɔɔ na nba din pak, ki timm nba tee u toomiinba din beti na po.

1 Jɔɔnn 4:1

N walonkai, i daa tee nisiab kur nba yaa a bi mɔk Yennu Seyeeŋ na maan yada, ŋaan bikintib man, ki got laan bi sei maŋ nyii Yennu boor ni amii lee, kimaan faak sɔkiniinba bonchiann nba kpann niib na poŋ baar na ki yat lin niib ni.

1 Jɔɔnn 4:4

N waas, yimm tee Yennu yabe, ki Yennu Seyeeŋ be i ni, ki u mɔk paŋ ki gar Sintaanii wunba be tingbouŋ na ni. Ŋanne te ki i nyann faak sɔkiniinba maŋ.

1 Jɔɔnn 4:8

Yennu tee loomme, ki binba ki mɔk loommu, bi ki miu.

1 Jɔɔnn 5:19

Ki ti bia mi nan timm Masiaweira tee Yennu yabe, ŋaan tingbouŋ na ŋaateeb kur nba ki tee Masiaweira na be Sintaanii nuu ni.

Juud 1:17

N naa walonkai, i tian man maan nba ki ti Yomdaanɔ Yisa Masia toomiinba din yet na.