1 Jɔɔnn 4:17 - Yennu Gbounpaauŋ Mɔɔr

¹⁷ Ki bia jenna, li-i tee ki ti waa loomm sɔnu nan barmɔnii, Yennu barbuut daar-i taŋŋi baar, ti kii mɔk jijeeti, kimaan Yisa binbeŋ nba tee biaŋinba na, ti binbeŋ mun tee nnee tingbouŋ na ni.

Yennu Gbouŋ Mɔɔr

¹⁷ Ki jenna, li-i tee ki ti waa lomm sɔnu nan barmɔnii, Yennu buut daar-i taŋi baar, ti kii mɔk jijeet, kimaan Yiisa binbeŋ nba tee biaŋinba na, ti binbeŋ mun tee nnae tingbouŋ na ni.

1 Jɔɔnn 4:17 ပူးပေါင်းရင်းမြစ်များ

Matiu 10:15

Barmɔniie ki n beeri na, daar nba ki Yennu tan sa bu niib buut na, doo maŋ niib tubdatu tan sa gar Sodom teeb nan Gomora teeb yara.

Matiu 10:25

Li ŋan ki tumiitɔɔ binbeŋ-ii tee kaman nan u wanntɔɔ binbeŋ na; ki daabir binbeŋ-ii munii tee kaman nan u yomdaanɔ binbeŋ na. Bi-i taŋŋi pur ŋaadaanɔ narinbiit bat Beelsebuli, nlee ki bi ji sii yi u ŋaateebi?”

Matiu 11:22

Ŋaan n beerie, daar nba ki Yennu tan sa bu niib buut na, i tubdatu tan sa gar Taya nan Saidon teeb yara.

Matiu 11:24

Ŋaan n beerie, barbunu daar maŋ, i tubdatu tan sa gar Sodom teeb yara.”

Matiu 12:36

“N beerie na, barbunu daar, Yennu tan sa bu niib buut nan ba din piak baryana kur nba na paak,

Jɔɔnn 15:20

Yii tian maan nba ki n paki na man, a ‘Daabir kaa ki chee u yomdaanɔ.’ Tɔn, bi-i mukisin, bi mun sa mukisiiwa; ki bi-i sak n maan, bi mun bia sa sak i maama.

Jɔɔnn 17:22

Popeenn binbeŋ nba ki a turin na, n mun turiba, ki bi sa fit lian taan mɔyomm, kaman nan min nan fin nba tee mɔyomm biaŋinba na.

Rom Teeb 8:29

U poŋ din senn nan binba ki u yiimm na a bi binbeŋ-ii tee kaman nan u Bija binbeŋ nee, ki Bija na-n teen Bikperik, waas bonchiann sinsuuk ni.

Hiibru teeb 9:27

Yennu senn a see ki nirɔ kur-n kpo yomkɔɔ, ki li poorpo Yennu-n bu u buut.

Jeems 2:13

Binba ki tin bi leeb ninbaauk, Yennu sa bu bi buut ki kan tinib ninbaauku; ŋaan ki ninbatinue nyant tubdatu.

Jeems 2:22

Na a lawa-aa? Wa teen Yennu mɔmaan yada paake ki u din tun toonn maŋ; toonn maŋe mun din wann nan u teen Yennu yada nan barmɔnii.

2 Piita 2:9

Ti Yomdaanɔ Yennu mi biaŋinba ki u sa fat niib nba tiinɔ, ki nyinnib muksuk ni, ŋaan dat biitdamm tuba mɔkmɔk nan daar nba ki u tan sa bu bi buut na.

2 Piita 3:7

Ŋaan ŋɔɔ Yennu mɔmaame bia lek sii dia sanpaak nan tiŋ nba be mɔtana na mɔkmɔk nan yoo nba ki u tan sa te ki li kura-n di muu, ki biir biitdamm, kimaan li daar u tan sa bu bi buut ki biirib.

1 Jɔɔnn 2:28

Tɔn, n waas, yii gaa Yisa paak man. Li-i tee ki i yɔɔ gaa u paakie, ti sii mɔk parcheenn, ki ti kan di fei u boor yoo nba ki u tan sa jen na.

1 Jɔɔnn 2:5

Ki bia jenna, wunba dia u maan, ŋɔɔe set loon Yennu nan u yan kur. Ki bia jenna, daanɔ nba yaa a u gaa u paak, see ki u binbeŋ-ii tee kaman nan Yisa binbeŋ nba din tee biaŋinba na. Ŋanne ki u sa bann nan u gaa Yennu paak.

1 Jɔɔnn 3:1

Lek gotir man loonbooru nba ki ti Baa Yennu mantik loont na. U loomm maŋ mantik ji sa yabite, ki u jiit ki teenit u waas, ki ti set mun tee u waase. Ŋaan tingbouŋ na ŋaateeb ki mi ta tee niboorsiab nba, kimaan bi ki mi Yennu.

1 Jɔɔnn 3:3

Ki bia jenna, binba kur daan u jenu po maŋ, ŋamme dia bi mɔŋ fanu, kaman nan wa be fanu biaŋinba na.

1 Jɔɔnn 3:7

N waas, i daa saak ki sɔɔ-n kpanniini; daanɔ nba tuun popeenn toona, ŋɔɔe tee popeendaanɔ, kaman nan Yisa nba tee popeendaanɔ na.

1 Jɔɔnn 4:12

Sɔɔ kaa ki mi la Yennu nan u ninbina, ŋaan ti-i loon ti leebie, Yennu sii yɔɔ be ti ni, ki ti sii mɔk loomm nba ki u teent na nan barmɔniie.