1 Jɔɔnn 3:8 - Yennu Gbounpaauŋ Mɔɔr

⁸ Sintaanii poŋ tee biitdaanɔe piinu niwa nan mɔtana, ki daanɔ nba tuun biit, ŋɔɔe tee Sintaanii yɔɔ. Ŋaan ki Yennu Bija Yisa sik baar a wun biir Sintaanii toona.

Yennu Gbouŋ Mɔɔr

⁸ Sintaanii poŋ tee biitdaanɔe piinu niwa nan mɔtana, ki daanɔ nba tuun biit, ŋɔɔe tee Sintaanii yɔɔ. Yennu Bija Yiisa baar a wun biir Sintaanii toonae.

1 Jɔɔnn 3:8 ပူးပေါင်းရင်းမြစ်များ

Matiu 12:28

Ŋaan min ŋanin, Yennu Seyeeŋ paake ki n nyint narinbiit niib ni; ŋanne mun bia want nan Yennu naan baar i boor niwa.

Matiu 13:38

Tingbouŋ nae tee kpaab na; ki diboorŋanii na tee Yennu naan ni niib; ŋaan ki dinatimii na mun tee Sintaanii niib.

Matiu 4:3

Ki Sintaanii baar u boor ni ki tan yetɔ a “Li-i tee ki a set kii tee Yennu Bijaie, fan yet tana na ki lin kpant jeet ki a di.”

Barŋanii nba ki MAK din sɔb nae na 1:24

ki yikin sanpaapo ki yeen a “Fin Yisa, Nasaret nirɔ na, timm nan fin nlee mantiki? A baar a a tan biiritee? N mi fa tee wunba; a tee Yennu Popeendaanɔ nae.”

Barŋanii nba ki LUK din sɔb nae na 10:18

Ki u betib a “N la ki Sintaanii nyii sanpaapo ki tan baa kaman nan sanyikintii na.

Jɔɔnn 12:31

Yoo nba ki Yennu yaa wun tan bu tingbouŋ na ŋaateeb buut na, li yoo baat; ki u bia sa biir tingbouŋ na yudaanɔ Sintaanii paŋ.

Jɔɔnn 16:11

Ki bia jenna, u sa wannib Yennu barbuut nba tan sii tee biaŋinba, kimaan u poŋ bu tingbouŋ na teeb yudaanɔ Sintaanii buut ki biirɔwa.

Jɔɔnn 8:44

I tee i baa Sintaanii waase, ki loon ki i tuun i baa maŋ yanbɔɔtoona. Sinsinn u poŋ din tee nikpiiruko, ki bia fɔk nan barmɔnii, kimaan barmɔnii kaa u ni nan waama. U-i faar faak yoonba, li poŋ tee u toonkpere, kimaan wa tee faak daanɔ na. Fai kur nyi u boore.

Rom Teeb 16:20

Li kan yukir ki Yennu nba teent parmaasir na sa te ki yin fiir ŋmaa Sintaanii yur paak. Ti Yomdaanɔ Yisa Masia-n sommi.

Efesus teeb 2:2

I din waa tingbouŋ na narinbiit sɔnue ki sak tingbouŋ na bat Sintaanii nba dia niib nba ki saak Yennu mɔb na.

Kolosa teeb 2:15

Dapunpunn maŋ paake, ki Masia din biir Sintaanii nan narinbiit paŋ kura, ki din nyinn wa din nyannib biaŋinba na siara paanu ni.

1 Timoti 3:16

Li tee barmɔniie nan Masia labaar nba ki Yennu fiit wannit na sumii bonchiann: U din dɔkit nan gbanante, Yennu Seyeeŋ wann nan u be fanu; ki malakanba din lau. Ki niib din mɔɔnt u labaar ki tur nibooru, ki bi teenɔ yada tingbouŋ na ni, ki Yennu din tan donnɔ sanpaapo ki u la dontir.

Hiibru teeb 2:14

Tɔn, Yennu waas nba tee nisaarii na paak, Yisa mun din tee nisaarike kaman nan ŋamm na, a u kuun ni wun tan biir Sintaanii nba mɔk kuun paŋ na,

Hiibru teeb 9:26

Li-i diŋŋi bo-i tee nnaie, ŋann la din nyii dunia namu pinpiik niwa u din bo sa di fara taar bonchiann. Ŋaan mɔtana, yoo nba ji tan per joontu na ki u din dɔkit a wun jii u mɔŋ ki mann marouŋ ki kpeen biit.

2 Piita 2:4

Malakanba nba din tun toonbiit na, Yennu din ki nyik bi tubdatu. U din jii jɔrite ki lorib ŋaan jiib lu muu nba kan mi kpeen na ni; muu maŋ be bootuk nba sumii bonchiann nie, ki bia bɔn bonchiann; bi sii be nni mɔkmɔk nan daar nba ki u tan sa bu bi buut.

1 Jɔɔnn 1:2

ki u din fiit ki ti set lau, ki mɔɔntir li siara ki teeni ki jikit saa manfoor nba kaa gbennu po. Manfoor maŋe din be ti Baa Yennu peŋ, ki ti Baa maŋ jiiu ki fiitɔ ki wannit.

1 Jɔɔnn 3:10

Ŋaan binba kur ki tuun popeenn toona, bi ki tee Yennu waas kaa. Ki bia jenna, binba kur mun bia ki loon bi naa waasi, bi bia ki tee Yennu waas kaa. Ŋannii want binba tee Yennu waas nan binba tee Sintaanii waas.

1 Jɔɔnn 3:5

I mi nan Yisa Masia din sik baar tingbouŋ na ni a wun nyinn niib biite; ki biit kaa u ni.

1 Jɔɔnn 5:19

Ki ti bia mi nan timm Masiaweira tee Yennu yabe, ŋaan tingbouŋ na ŋaateeb kur nba ki tee Masiaweira na be Sintaanii nuu ni.

Juud 1:6

Nnee biak ki malakanba nba din ki dia yaak nba ki Yennu din turib na nan li sɔnu na, ki bia din ki biar be bi binbeboor sanpaapo, ki Yennu baamm bant ki lub sarik bootsunsuŋ nba bɔn ni, ki guu dagbeŋŋir nba ki u sa bu bi buut na.

Fiitu 20:10

Ki malakanba jii Sintaanii nba kpann tingbouŋ na niib na, ki lu-u bootsunsuŋ nba gbee nan muu ki sarwuutaa di nann na ni, siaminba ki bi dɔŋ lu bonkobuk na nan u faak sɔkinii na. Leŋe ki bi sa di fara yennu nan nyiɔk mɔkmɔk nan yoo nba kaa gbennu.

Fiitu 20:15

Ki wunba sann din ki sɔb manfopaann damm gbouŋ na ni, bi sa lu-u bootuk maŋ nba ki muu gbee leŋ nie.