1 Jɔɔnn 3:23 - Yennu Gbounpaauŋ Mɔɔr

²³ Ki nee tee u sennu maŋ, a ti teen u Bija Yisa Masia yada kii loon ti leeb kaman nan wa din sennit sennu biaŋinba na.

Yennu Gbouŋ Mɔɔr

²³ Linba nae tee u sennu maŋ, a ti teen u Bija Yiisa Masia yada, kii loon ti leeb nan waa sennit biaŋinba na.

1 Jɔɔnn 3:23 ပူးပေါင်းရင်းမြစ်များ

Matiu 22:39

Linba pukin ŋannlee ni ki kpaa barkpaann mun bia tee nnee, ‘I loon a lɔɔ kaman nan fa loon a mɔŋ biaŋinba na.’

Barŋanii nba ki MAK din sɔb nae na 9:7

Li yoo ki sanpagbouŋ dɔkit ki tan piimm; ki bi gbat kunkɔr sanpagbouŋ na ni, ki li yet a “N Bilonkakii na; gbiintir u mɔb man.”

Jɔɔnn 1:12

Ŋaan binba kur gaarɔ ki teenɔ yada ki jii bi mɔŋ ki turɔ, ŋamme ki u din chabib ki bi ji teen Yennu waas.

Jɔɔnn 13:34

“Mɔtana n teenii sennpaanue; a yii loon i leeb man. Ma looni biaŋinba na, yii mun-ii loon i leeb nna.

Jɔɔnn 14:1

Li yoo na ki Yisa betib a “I daa mɔk parbiiri. Teent Yennu yada, ki mun teenin yada.

Jɔɔnn 15:12

Nee tee n sennu ki n senn ki turi, ma yii loon i leeb kaman nan ma loon yimm biaŋinba na.

Jɔɔnn 17:3

Ki manfoor maŋe, ki niib sa nakin bann fin nba tee Yennu nan barmɔnii, ki sɔɔ ji kaa; ki bi bia mun sa bann min, Yisa Masia, wunba ki a tumɔ na.

Jɔɔnn 2:23

Yukitgar tiaru jaamm maŋ yooe ki Yisa din biar Jerusalem, ki din tuun bakitnauŋ toonjaana, ki niib bonchiann din la ki teenɔ yada,

Jɔɔnn 3:18

Ki daanɔ nba teen Yennu Bija maŋ yada, Yennu kan bu u buut ki biirɔ, ŋaan wunba ki teeu yada, Yennu poŋ bu u yaa buut ki biirɔwa, kimaan u ki teen ŋɔɔ Yennu Bijayemmir maŋ yada.

Jɔɔnn 6:29

Ki Yisa jiimm a “Toonn nee ki Yennu loon ki yii tuun, a yin teen wunba ki u tumɔ na yada.”

Toona 16:31

Ki bi jiin a “Teent ti Yomdaanɔ Yisa yada, ki a ŋaateeb-n mun teenɔ yada, ki i sa la tinnu,”

Efesus teeb 5:2

ki ŋaan ki loomm-ii dia-i kaman nan Masia nba din loont bonchiann ki gaar ti paak ki kpo ki teen mannu nba ki Yennu loon na.

1 Tesalonika teeb 4:9

Li ki kpaa talas ki tin sɔb gbouŋ ki tiari ya sii loon Masiaweira biaŋinba. Yennu mɔŋe poŋ wanni biaŋinba ki i sii loon i leeb.

1 Timoti 1:15

Ki ŋɔɔ Yisa Masia din baar tingbouŋ na ni, a wun tan tinn biitdamme; labaar maŋ tee barmɔniie ki ŋan ki ti gaarir ki teenn yada; ki mine din bi ki gar biitdamm kura,

1 Piita 1:22

Ya sak ki gaar Masia labaar nee te ki i nyii biit ni, ki ji loon i naa waas nan barmɔnii; li paak, yii loon i leeb man nan i para kura.

1 Piita 4:8

Linba gar bont kur tee a yii loon i leeb man fanu, kimaan loomm dɔkint biit bonchiann.

1 Jɔɔnn 2:7

N walonkai, ma sɔbin loomm sennu nba ki teeni na, li ki tee sennpaanu kaa, ŋaan li tee sennu nba ki i din dɔŋ gbia ki li yukir na poe, ki sennkper maŋe tee Yisa maan nba ki i din gbia na.

1 Jɔɔnn 3:11

Ya din dɔŋ gbat Yisa maan nba pinpiik ni na tee nnee: a tii loon ti leeb man.

1 Jɔɔnn 4:15

Wunba yaa a u teen yada nan Yisa tee Yennu Bija, ŋɔɔe ki Yennu be u ni, ki u mun bia gaa Yennu paak.

1 Jɔɔnn 4:21

Ki Yisa din senn sennu ki yet a wunba loon Yennu, see ki wuu biakii loon u naa bik mun.

1 Jɔɔnn 5:13

N sɔbin gbouŋ na ki teen yimm nba teen Yennu Bija yada, kimaan n loon ki i bann nan i mɔk manfoor nba kaa gbennu.