1 Jɔɔnn 2:7 - Yennu Gbounpaauŋ Mɔɔr

⁷ N walonkai, ma sɔbin loomm sennu nba ki teeni na, li ki tee sennpaanu kaa, ŋaan li tee sennu nba ki i din dɔŋ gbia ki li yukir na poe, ki sennkper maŋe tee Yisa maan nba ki i din gbia na.

Yennu Gbouŋ Mɔɔr

⁷ N walonkai, maa sɔbin lomm sennu nba ki teeni na, li ki tee sennpaann kaa, ŋaan li tee sennu nba ki i din dɔŋ gbat ki li yukira na poe, ki sennkperu maŋe tee Yiisa maan nba ki i din gbat na.

1 Jɔɔnn 2:7 ပူးပေါင်းရင်းမြစ်များ

Matiu 5:43

“I poŋ bia gbia ki bi din yeen a ‘I loon a naa waas ŋaan kii nan a datai;’

Jɔɔnn 13:34

“Mɔtana n teenii sennpaanue; a yii loon i leeb man. Ma looni biaŋinba na, yii mun-ii loon i leeb nna.

Toona 17:19

Ŋanne ki bi jii Pɔɔl ki baar nanɔ bi saakab tintaankaanu boor nba ki bi din yi Areos Kunkonn na, ŋaan din yet Pɔɔl a “Ti sii loon ki tin bann barsaann nba ki a want na,

Hiibru teeb 6:9

Ti naa walonkai, ta lek piak linba na, ŋaan ti ki mɔk birsuk i po. Ti mi nan i yare tee linba chee ki bia tee tinnu yar.

1 Jɔɔnn 2:24

Ya din sint gbat Yisa maan nba pinpiik ni na, yii dia nna man fanu. Li-i tee ki i dia maan maŋ, i sii gaa ti Baa Yennu nan u Bija Yisa paake,

1 Jɔɔnn 3:11

Ya din dɔŋ gbat Yisa maan nba pinpiik ni na tee nnee: a tii loon ti leeb man.

1 Jɔɔnn 3:2

N walonkai, mɔtana ti tee Yennu waase, ŋaan li lek daa ki wann yent nan ta tan sii be biaŋinba. Ŋaan ta daa mi linbae na, a Yisa-i taŋŋi jeni, ti tan sa la wa set tee biaŋinba, ki li paak, ti tan sa kpint ki naan nan ŋɔɔ nee.

1 Jɔɔnn 3:21

Tɔn, n walonkai, ti dudukit-i kii wannit nan ti tun bonkpetiri, ŋann ti mɔk parcheenn Yennu boor.

1 Jɔɔnn 3:23

Ki nee tee u sennu maŋ, a ti teen u Bija Yisa Masia yada kii loon ti leeb kaman nan wa din sennit sennu biaŋinba na.

1 Jɔɔnn 4:1

N walonkai, i daa tee nisiab kur nba yaa a bi mɔk Yennu Seyeeŋ na maan yada, ŋaan bikintib man, ki got laan bi sei maŋ nyii Yennu boor ni amii lee, kimaan faak sɔkiniinba bonchiann nba kpann niib na poŋ baar na ki yat lin niib ni.

1 Jɔɔnn 4:11

N walonkai, Yennu nba loont biaŋinba na, li kpaa talas ki tii munii loon ti leeb nna.

1 Jɔɔnn 4:21

Ki Yisa din senn sennu ki yet a wunba loon Yennu, see ki wuu biakii loon u naa bik mun.

1 Jɔɔnn 4:7

N walonkai, tii loon ti leeb man, kimaan loomm tee Yennu yare, ki binba mɔk loomm, ŋamme tee Yennu waas ki bia miu.