1 Jɔɔnn 2:4 - Yennu Gbounpaauŋ Mɔɔr

⁴ ki li-i tee ki sɔɔ yet a “N miu,” ŋaan bia ki dia u sennii, li yɔɔ tee faak daanɔe, ki barmɔnii kaa u ni.

Yennu Gbouŋ Mɔɔr

⁴ ki li-i tee ki sɔɔ yet a “N miu,” ŋaan bia ki dia u sennii, li yɔɔ tee faak daanɔe, ki barmɔnii kaa u ni.

1 Jɔɔnn 2:4 ပူးပေါင်းရင်းမြစ်များ

Jɔɔnn 8:44

I tee i baa Sintaanii waase, ki loon ki i tuun i baa maŋ yanbɔɔtoona. Sinsinn u poŋ din tee nikpiiruko, ki bia fɔk nan barmɔnii, kimaan barmɔnii kaa u ni nan waama. U-i faar faak yoonba, li poŋ tee u toonkpere, kimaan wa tee faak daanɔ na. Fai kur nyi u boore.

Taitus 1:10

N beera linba na, kimaan mɔyêtdamm be bonchiann, ki Juu tesiab mantik teen nnee, ki dia bi mɔmaan nba kaa nyɔɔt ki kpann bi leeb na.

Taitus 1:16

Bi yi bi mɔŋ Yenmiirae, ŋaan ki bi toona want nan bi ki sak bann Yennu. Bi tee mɔyêtdamme, ki ki pent Yennu par ni, ki kan fit tun toonŋansiari.

1 Jɔɔnn 1:10

Ti-i yaa a ti ki tuun toonbiitie, ŋann nna ti teenɔ faak daanɔe na, ki u maan maŋ kaa ti ni.

1 Jɔɔnn 1:6

Ki ti-i yaa a timm nan Yennu mɔk mɔtaauk nan leeb, ŋaan ki bunbɔnn be ti ni, ŋann ti fa faake ti mɔi ni, ki ti toona nee set want nan ti fa faak.

1 Jɔɔnn 1:8

Tɔn, ti-i yaa a ti ki mɔk biitie, ŋann ti kpann ti mɔŋe, ki barmɔnii kaa ti ni.

1 Jɔɔnn 2:3

Ti-i dia Yennu sennii, ŋanne sa wann nan ti set miu,

1 Jɔɔnn 2:9

Li-i tee ki wunba yaa a u nɔɔk ni mɔk yentu, ŋaan nân u naa bik, ŋann nna bunbɔnn lek daa be u ni;

1 Jɔɔnn 3:6

Ki wunba kur gaa u paak, u ki tuun biiti. Ŋaan wunba tuun biit, u daa ki bann Yisa nba tee wunba, ki bia ki miu.

1 Jɔɔnn 4:20

Daanɔ nba yaa a u loon Yennu, ŋaan bia nân u naa bik, u tee faak daanɔe. Li-i tee ki u ki loon u naa bik nba ki u laatɔ nan u ninbina, nlee ki u sii fit loon Yennu nba ki u ki laatɔ nan u ninbina?

1 Jɔɔnn 4:7

N walonkai, tii loon ti leeb man, kimaan loomm tee Yennu yare, ki binba mɔk loomm, ŋamme tee Yennu waas ki bia miu.