1 Jɔɔnn 2:27 - Yennu Gbounpaauŋ Mɔɔr

²⁷ ŋaan yimm ŋarin, Yisa sikin u Seyeeŋ maŋ i paaka. Seyeeŋ maŋ nba biar be i ni na, i ji kii loon ki sɔɔ-n wanniini, kimaan Seyeeŋ maŋ mɔŋe wanti bont kura, ki u wannu maŋe tee barmɔnii wannu, ki li ki tee faak wannu kaa. Li paak, yii gaa Yisa paak man kaman nan Seyeeŋ maŋ nba wanti biaŋinba na.

Yennu Gbouŋ Mɔɔr

²⁷ ŋaan yimm ŋarin, Masia sikin u Seyeeŋ maŋ i paaka. Seyeeŋ maŋ nba biar be i ni na, i ji kii loon sɔɔ n wanni, kimaan Seyeeŋ maŋ mɔŋe wanti bont kur, ki u wannu maŋe tee barmɔnii wannu, ki ki tee faak wannu kaa. Li paak, ii yɔɔ kii gaa nan Yiisa man, nan Seyeeŋ maŋ nba wanti biaŋinba na.

1 Jɔɔnn 2:27 ပူးပေါင်းရင်းမြစ်များ

Matiu 13:11

Ki u jiin ki betib a “Yimm ŋanin, Yennu chab a yin bann woonin ni barii ki jii jiin u naan po, ŋaan ŋamm ŋanin, u ki chabibi.

Jɔɔnn 14:16

ki n sa miar n Baa Yennu, ki u sa turi Sommtɔlɔɔ. Ŋɔɔe tee u Seyeeŋ nba want barmɔnii wannu, ki sii be nani yoo nba kaa gbennu.

Jɔɔnn 14:17

Ki tingbouŋ na ŋaateeb kan fit gaarɔ, kimaan bi ki miu, ki bia ki mi nan u be. Ŋaan yimm ŋarin miu, kimaan u be nani, ki bia sii yɔɔ be i ni.

Jɔɔnn 14:26

Ŋaan ki n Baa Yennu sa tun Sommtɔɔ i boor, n sann ni. Li Sommtɔɔe tee u Seyeeŋ na; ŋɔɔe sa wanni barii kur, ki bia sa tiari linba kur ki n poŋ beti.

Jɔɔnn 16:13

Yennu Seyeeŋ nba want barmɔnii na, u-i taŋŋi baar yoonba, u sa wanni barmɔnii kur wannua. U tan kii piak nan u mɔŋ mɔŋ maan kaa, ŋaan u tan sii wanti linba ki u gbia Yennu boore, ki bia sii beeri linba tan sa teen na.

Jɔɔnn 4:14

ŋaan mi-i tur wunba n nyun na ki u nyuu, nyunyukiru kan mi ki soorɔ jiki, kimaan mi-i tur sɔɔ n nyun na, li sii bunii manfoor nyume u ni, ki bia sa turɔ manfoor nba kaa gbennu.”

Jɔɔnn 6:45

Yennu sɔkiniinba din sɔb Yennu gbouŋ ni a ‘Yennu sa wann sɔɔ kur.’ Sɔɔ kur nba gbiintir n Baa Yennu ki bia gbia, ŋamme sa lebit bi yan ki baar n peŋ ki kpant n yab.

1 Korint teeb 2:12

Seek nba ki ti gaar na, u ki tee tingbouŋ na seek kaa, ŋaan u tee Yennu Seyeeŋ nba sa te ki tin bann piinii nba ki u turite.

1 Korint teeb 2:13

Li paak, ki ti ki piak maan nba tee nisaarik wannu yami; ŋaan ti piak linba ki Yennu Seyeeŋ wantit, ki bia want Yennu barmɔnii na ki teen niib nba ki Yennu Seyeeŋ be bi ni na;

2 Korint teeb 1:21

Yennue din gannit ki ti be ti kuukɔɔ, ki u senn timm nan yimm fanu Masia nie.

Efesus teeb 4:21

I din gbat u po ki tee u weirae, ki bi bia wanni barmɔnii nba be u niwa.

Kolosa teeb 2:6

Biaŋinba ki i din poŋ gaar Yisa Masia a wuu tee i Yomdaanɔ na, yii be u ni nna man,

1 Tesalonika teeb 2:13

Linba yaa paak bia te ki ti piak Yennu yoo kura na tee nnee: ta din baar nan Yennu maan i boor ni, i din gbatir ki gaarir; i din ki gaarir kaman nan nisaarik yar na kaa, ŋaan i din gaarir kaman nan li tee Yennu yare. Ki li set tee ŋanne, kimaan yimm nba teenɔ yada na, maan maŋ tuun i para ni.

1 Tesalonika teeb 4:9

Li ki kpaa talas ki tin sɔb gbouŋ ki tiari ya sii loon Masiaweira biaŋinba. Yennu mɔŋe poŋ wanni biaŋinba ki i sii loon i leeb.

1 Timoti 2:7

Li paak ki Yennu gannin ki n teen Masia toomii ki mɔɔntir barŋanii maŋ ki teen binba ki tee Juu teeb na, ki wannib ŋɔɔ Masia maan nba tee barmɔnii na, a bin teenɔ yada. Ma beeri linba na, n ki fa faak kaa, li tee barmɔniie.

1 Piita 1:23

I la manfopaanna; li manfoor ki nyii bonboorik nba kpenn ni kaa, ŋaan li nyii bonboorik nba ki kpenn boore; Yennu maan nba mɔk manfoor ki sii be mɔkmɔk nan yoo nba kaa gbennu na turi manfoor maŋ.

1 Jɔɔnn 2:28

Tɔn, n waas, yii gaa Yisa paak man. Li-i tee ki i yɔɔ gaa u paakie, ti sii mɔk parcheenn, ki ti kan di fei u boor yoo nba ki u tan sa jen na.

1 Jɔɔnn 3:24

Binba kur dia u sennii maŋ, ŋamme gaa u paak, ki u mun bia be bi ni. Ŋannii teen ki ti bann nan u yɔɔ be ti ni, kimaan u Seyeeŋ be ti ni.

2 Jɔɔnn 1:2

Min nan ŋamme looni, kimaan ti kur nba taa barmɔnii wannu maŋ paak, ki barmɔnii wannu maŋ set sii yɔɔ be ti ni mɔkmɔk nan yoo nba kaa gbennu.