1 Jɔɔnn 2:24 - Yennu Gbounpaauŋ Mɔɔr

²⁴ Ya din sint gbat Yisa maan nba pinpiik ni na, yii dia nna man fanu. Li-i tee ki i dia maan maŋ, i sii gaa ti Baa Yennu nan u Bija Yisa paake,

Yennu Gbouŋ Mɔɔr

²⁴ Yaa din sint gbat Yiisa maan nba pinpiik ni na, ii diar man. Li-i tee ki i dia maan maŋ, i sii gaa nan ti Baa Yennu nan u Bija Yiisa-e,

1 Jɔɔnn 2:24 ပူးပေါင်းရင်းမြစ်များ

Barŋanii nba ki LUK din sɔb nae na 9:44

“Lootir i tuba man ki gbat fanu linba ki n yaa n pak ki turi na; bi tan sa jii min nisaarik Bik ki kubinin niib nuu ni.”

Jɔɔnn 14:23

Ki Yisa jiin betɔ a “Daanɔ nba loonin, u sii saak n maan, ki n Baa Yennu sii loonɔ, ki min nan n Baa Yennu sa baar u boor ki sii yɔɔ be u ni.

Jɔɔnn 15:7

Ki bia jenna, li-i tee ki i yɔɔ gaa n paak, ki n maan na be i ni, miat Yennu linba kur ki i loon, ki i sa lawa.

Jɔɔnn 6:56

ki daanɔ nba ŋman n gbanant, ki bia nyuu n sɔn, ŋɔɔe be n ni, ki n mun be u ni.

Jɔɔnn 8:25

Ki bi boiɔ a “Fin ŋmee?” Ki u jiimm a “N tee wunba ki n tuu yɔɔ beeri na.

Filipi teeb 4:15

Yimm Filipi teeb mi nan ma din mɔɔntir Masia barŋanii pinpiik niwa, yoo nba ki n din nyii Masedonia tiŋ ni na, yimm kuukɔɔe din tee Masia niib nba sommitin; ki i gaan piinii nba tee Yennu Seyeeŋ yar na n boor ni, ŋaan mun teenin i piinii nba tee tingbouŋ na yar.

Kolosa teeb 3:16

Li kpaa talas ki Masia labaar na-ii be i para ni chib chib, kii want i leeb, kii bia kpaan i leeb nan i yan kur; kii yiin Yennu gbouŋ ni yanii, nan yenpaku yanii, nan Seyeeŋ yanii; kii yiin yanii kii teen Yennu nan niipoouk i para ni.

Hiibru teeb 2:1

Li paak, li kpaa talase ki tin gbiint barmɔnii nba ki ti din gbat na fanu ki tan daa kɔŋŋitiri.

Hiibru teeb 3:14

Kimaan ti-i dia ti sinsinn yada na chib ki saa baar ti manfoor joontu, timm nan Masia tee bonyenne.

1 Jɔɔnn 1:3

Linba ki ti la ki bia gbate, ki ti mɔɔntir ki teeni na, a yin fit lian taan nant mɔtaauk ni. Barmɔniie setik, ti mɔtaauk ni, ti taant nan ti Baa Yennu nan u Bija Yisa Masia,

1 Jɔɔnn 1:7

Ŋaan li-i tee ki ti waa yentu sɔnu yoo kur, kaman nan Yennu nba be yentu ni biaŋinba na, ŋann ti mɔk mɔtaauk nan ti leeb, ki u Bija Yisa sɔme yentir ti para ni biit kur.

1 Jɔɔnn 2:7

N walonkai, ma sɔbin loomm sennu nba ki teeni na, li ki tee sennpaanu kaa, ŋaan li tee sennu nba ki i din dɔŋ gbia ki li yukir na poe, ki sennkper maŋe tee Yisa maan nba ki i din gbia na.

1 Jɔɔnn 3:24

Binba kur dia u sennii maŋ, ŋamme gaa u paak, ki u mun bia be bi ni. Ŋannii teen ki ti bann nan u yɔɔ be ti ni, kimaan u Seyeeŋ be ti ni.

1 Jɔɔnn 4:13

Ŋɔɔe bia sikin u Seyeeŋ ki turit, ki ŋanne te ki ti bann nan ti gaa u paak, ki u mun bia be ti ni.

1 Jɔɔnn 4:15

Wunba yaa a u teen yada nan Yisa tee Yennu Bija, ŋɔɔe ki Yennu be u ni, ki u mun bia gaa Yennu paak.

1 Jɔɔnn 4:16

Ki ti mɔŋ mɔŋ mun bann Yennu nba loonit biaŋinba, ki bia teen yada nan u set loonit. Yennu tee loomm, ki daanɔ nba yɔɔ mɔk loomm nna, ŋɔɔe gaa Yennu paak, ki Yennu mun bia be u ni.

2 Jɔɔnn 1:2

Min nan ŋamme looni, kimaan ti kur nba taa barmɔnii wannu maŋ paak, ki barmɔnii wannu maŋ set sii yɔɔ be ti ni mɔkmɔk nan yoo nba kaa gbennu.

2 Jɔɔnn 1:9

Daansɔɔ nba ki gaan Yisa Masia wannu bonŋann ŋaan pukii u mɔŋ yar, Yennu ki be nanɔ, ŋaan wunba saak wannu maŋ ki ki nyikiti, ti Baa Yennu nan u Bija Yisa Masia kur be u ni.

3 Jɔɔnn 1:3

N mɔk parpeenn bonchiann nan ti naa wasiat nba daan baar nna, ki tan betin a po na, nan biaŋinba ki a waa Yennu barmɔnii wannu na, ki a benu nee bia want li sɔnu nan mɔnii.

Fiitu 3:11

N baate mɔtana. Yii dia man linba ki i mɔk na fanu ki sɔɔ tan kan fat i nyɔɔt maŋi.

Fiitu 3:3

Li paak, yii tian man wannu nba ki i din gbat ki waa-r na. Yii diar man ŋaan nyik i toonbiit tumu na; ŋaan li-i tee ki i ki fiir, n sa baar i boor ni kaman nan nanyukɔɔ nba tuu baar biaŋinba nee, ki i kan bann n baaru yoo.