1 Jɔɔnn 2:20 - Yennu Gbounpaauŋ Mɔɔr

²⁰ Yisa Masia, popeendaanɔ nee, sikin u Seyeeŋ i paak, ki u te ki i kur mi wannu nba took.

Yennu Gbouŋ Mɔɔr

²⁰ Yiisa Masia nba tee popeendaanɔ nae sikin u Seyeeŋ i paak, ki u te ki i kur mi wannu nba took.

1 Jɔɔnn 2:20 ပူးပေါင်းရင်းမြစ်များ

Matiu 13:11

Ki u jiin ki betib a “Yimm ŋanin, Yennu chab a yin bann woonin ni barii ki jii jiin u naan po, ŋaan ŋamm ŋanin, u ki chabibi.

Barŋanii nba ki MAK din sɔb nae na 1:24

ki yikin sanpaapo ki yeen a “Fin Yisa, Nasaret nirɔ na, timm nan fin nlee mantiki? A baar a a tan biiritee? N mi fa tee wunba; a tee Yennu Popeendaanɔ nae.”

Barŋanii nba ki LUK din sɔb nae na 4:18

“Ti Yomdaanɔ Yennu Seek be n ni, ki u gannin a n mɔɔnt barŋanii ki tur tatimm na. U tumin a n tan bet yommii a n sa nyinnib yann, ki bia bet jɔɔnii ki bi sa nyɔɔnt, ki bia fat binba be fara ni ki lub yann,

Barŋanii nba ki LUK din sɔb nae na 4:34

“Fin Yisa nba tee Nasaret nirɔ na, timm nan fin, nlee mantiki? A baar a a tan biiritee? N mi fa tee wunba; a tee Yennu popeendaanɔ nae.”

Jɔɔnn 14:26

Ŋaan ki n Baa Yennu sa tun Sommtɔɔ i boor, n sann ni. Li Sommtɔɔe tee u Seyeeŋ na; ŋɔɔe sa wanni barii kur, ki bia sa tiari linba kur ki n poŋ beti.

Jɔɔnn 16:13

Yennu Seyeeŋ nba want barmɔnii na, u-i taŋŋi baar yoonba, u sa wanni barmɔnii kur wannua. U tan kii piak nan u mɔŋ mɔŋ maan kaa, ŋaan u tan sii wanti linba ki u gbia Yennu boore, ki bia sii beeri linba tan sa teen na.

Toona 10:38

I bia poŋ mi biaŋinba ki Yennu nyinn senn Yisa maŋ, ki turɔ u Seyeeŋ nan u paŋ, ki u lin ki tuun toonŋana, ki bia te ki binba kur ki Sintaanii teemm baatib na la laafia, kimaan Yennu be nanɔ.

Toona 3:14

Ŋɔɔe lek tee Yennu nirɔ, ki bia jenna tee Popeendaanɔ, ŋaan ki i lek yêtɔ, ŋaan bia miar Pailat a wun nyinn nikpiiruk ki turi.

1 Korint teeb 2:15

Ki wunba mɔk Seyeeŋ na bant bona kur paake, ŋaan nirɔ kan fit ki bann u binbeŋ ni,

Hiibru teeb 1:9

Fa loon yentinu ŋaan nân biit na paak te ki a Yennu na ganna ki tura parpeenn bonchiann ki gar wa tur a yɔɔsinba biaŋinba.”

Hiibru teeb 8:11

Li ji kii kpaa talas ki bi sɔɔ-n wann u lɔɔ amii ki bet u lɔɔ a ‘Fini, bant ti Yomdaanɔ,’ kimaan bi kura tan sii mi mine, binba tee nijaana nan binba tee nitarii mun.

1 Jɔɔnn 2:27

ŋaan yimm ŋarin, Yisa sikin u Seyeeŋ maŋ i paaka. Seyeeŋ maŋ nba biar be i ni na, i ji kii loon ki sɔɔ-n wanniini, kimaan Seyeeŋ maŋ mɔŋe wanti bont kura, ki u wannu maŋe tee barmɔnii wannu, ki li ki tee faak wannu kaa. Li paak, yii gaa Yisa paak man kaman nan Seyeeŋ maŋ nba wanti biaŋinba na.

1 Jɔɔnn 4:13

Ŋɔɔe bia sikin u Seyeeŋ ki turit, ki ŋanne te ki ti bann nan ti gaa u paak, ki u mun bia be ti ni.

Juud 1:5

Ma yaa n beti linba na, i poŋ gbat li kura, ki mir, ŋaan n loon ki n tiari li poe; ti Yomdaanɔ Yennu din fat u niib ki nyinnib Ijipt tiŋ ni, ŋaan li poorpo u din kpii bi siab nba din ki teenɔ yada na.

Fiitu 3:7

Ki wunba ki n lau na bia betin a n sɔb labaar na ki tur u weira nba lakin be Filadelfia doo ni na malaka a “Labaar na nyii wunba tee Popeendaanɔ, ki bia tee Barmɔnii daanɔ na boore; ki u dia David peenu na, ki li-i tee ki u loot gann, sɔɔ kan fit loonni; ki li-i biakii tee ki u loonn, sɔɔ kan fit looti:

Fiitu 4:8

Ki bonfoa banna na kur mɔk kpinkpant ŋannloob-loob, ki bia mɔk ninbina bonchiann bi gbanant kur po. Ki yennu ni nan nyiɔk kur bi ki nyikit yanii yinu. Bi yiin a, “Popeendaanɔ, popeendaanɔ, popeendaanɔ tee ti Yomdaanɔ Yennu nba mɔk paŋ kura, ki din be, ki bia be nan mɔtana, ki bia tan sii be yoo nba kaa gbennu na.”