1 Jɔɔnn 2:14 - Yennu Gbounpaauŋ Mɔɔr

¹⁴ N waas, ya mi ti Baa Yennu na, li paake te ki n sɔbin ki teeni na. N chanbaanba, ya mi Yisa nba poŋ din yɔɔ be mɔkmɔk nan mɔkmɔk na, li paake te ki n sɔbin ki teeni na. Naasimm, ya mɔk paŋ, ki Yennu mɔmaan bia be i ni, ki i nyann Sintaanii, bonbiiuk daanɔ maŋ na, li paake te ki n sɔbin ki teeni na.

Yennu Gbouŋ Mɔɔr

¹⁴ N waas, yaa mi ti Baa Yennu na, li paake ki n sɔbin teeni na. N chanbaanba, yaa mi Yiisa nba poŋ din yɔɔ be mɔkmɔk nan mɔkmɔk na, li paake ki n sɔbin teeni na. Naasimm, yaa mɔk paŋ, ki Yennu mɔmaan bia be i ni, ki i nyann Sintaanii, bonbiiuk daanɔ maŋ na, li paake ki n sɔbin teeni na.

1 Jɔɔnn 2:14 ပူးပေါင်းရင်းမြစ်များ

Jɔɔnn 15:7

Ki bia jenna, li-i tee ki i yɔɔ gaa n paak, ki n maan na be i ni, miat Yennu linba kur ki i loon, ki i sa lawa.

Jɔɔnn 5:38

Ki u tumin i boor, ŋaan i ki teenin yada; ŋannii want nan u maan kaa i para ni.

Jɔɔnn 8:31

Ŋanne ki Yisa yet Juu teeb nba teenɔ yada na, “Li-i tee ki i saak n mɔmaan, i set tee n poorpoweiteeb nan barmɔniie, ki i bia sa bann barmɔnii wannu,

Jɔɔnn 8:37

N mi nan i tee Abraham yaaboonae, ŋaan ki i lek yabii a i kpin, kimaan n maan maŋ ki kɔɔ i tuba ni.

Efesus teeb 6:10

Linba joont tee nnee, yii chee i para ti Yomdaanɔ ni, kii mɔk yabint paŋ nba ki u turi na.

Filipi teeb 4:13

Masia nba teenin paŋ na paak, n sa fit set binbeŋ kur ni.

Kolosa teeb 1:11

Ŋɔɔ Yennu-n turi paŋ bonchiann kaman nan wa mɔk paŋ kur biaŋinba na, linba sa te ki i mɔk gbankur bonsiar kur ni, nan sukuru nan parpeenn.

Kolosa teeb 3:16

Li kpaa talas ki Masia labaar na-ii be i para ni chib chib, kii want i leeb, kii bia kpaan i leeb nan i yan kur; kii yiin Yennu gbouŋ ni yanii, nan yenpaku yanii, nan Seyeeŋ yanii; kii yiin yanii kii teen Yennu nan niipoouk i para ni.

2 Timoti 2:1

N bik, fin ŋanimi chee a par Yisa Masia nba somma biaŋinba u ninbatinu na paak.

Hiibru teeb 8:10

Min nba tee i Yomdaanɔ na beeri ma yaa n senn mɔlor ki tur Israel niib daa nba baat na ni: n ji sa tabin n sennii maŋ bi dudukit nie, ki sɔbir tabin bi para ni. Mine sii tee bi Yennu ki bi tee n niib.

1 Jɔɔnn 1:1

N sɔbin gbouŋ na ki teeni a n wanni wunba ki bi yiu Yennu Mɔb nba teen niib manfoa na poe. Yoo nba ki dunia din tan piint namu na, ŋaan sɔɔ ki Mɔb maŋ poŋ bee. Mɔmaan maŋ nba din sik tingbouŋ na ni yoonba, ki ti gbiintir u pinpauk, ki bia laatɔ nan ti ninbina ki goriiɔ, ki ti nii bia siitɔ,

1 Jɔɔnn 1:10

Ti-i yaa a ti ki tuun toonbiitie, ŋann nna ti teenɔ faak daanɔe na, ki u maan maŋ kaa ti ni.

1 Jɔɔnn 2:13

N chanbaanba, i mi Yisa nba poŋ din yɔɔ be mɔkmɔk nan mɔkmɔk na; li paake te ki n sɔbin ki teeni na. Naasimm, i nyann Sintaanii, bonbiiuk daanɔ nawa; li paake te ki n sɔbin ki teeni na.

2 Jɔɔnn 1:2

Min nan ŋamme looni, kimaan ti kur nba taa barmɔnii wannu maŋ paak, ki barmɔnii wannu maŋ set sii yɔɔ be ti ni mɔkmɔk nan yoo nba kaa gbennu.

3 Jɔɔnn 1:3

N mɔk parpeenn bonchiann nan ti naa wasiat nba daan baar nna, ki tan betin a po na, nan biaŋinba ki a waa Yennu barmɔnii wannu na, ki a benu nee bia want li sɔnu nan mɔnii.

Fiitu 2:3

N mi nan i mɔk sukuru ki la fara n paak, ŋaan i ki nyikimi.

Fiitu 2:7

“Wunba mɔk tuba, wun gbiint linba ki Yennu Seyeeŋ na yeen ki teen Masiaweira na. “Wunba nyann nyannu maŋ, ŋɔɔe ki n sa turɔ sɔnu ki wun di manfoor tilɔɔna nba be Yennu boor, siaminba ki bi yir Paradais na.’ ”