1 Jɔɔnn 1:8 - Yennu Gbounpaauŋ Mɔɔr

⁸ Tɔn, ti-i yaa a ti ki mɔk biitie, ŋann ti kpann ti mɔŋe, ki barmɔnii kaa ti ni.

Yennu Gbouŋ Mɔɔr

⁸ Tɔn, ti-i yaa ti ki mɔk biit, ŋann ti kpann ti mɔŋe, ki barmɔnii kaa ti ni.

1 Jɔɔnn 1:8 ပူးပေါင်းရင်းမြစ်များ

Jɔɔnn 8:44

I tee i baa Sintaanii waase, ki loon ki i tuun i baa maŋ yanbɔɔtoona. Sinsinn u poŋ din tee nikpiiruko, ki bia fɔk nan barmɔnii, kimaan barmɔnii kaa u ni nan waama. U-i faar faak yoonba, li poŋ tee u toonkpere, kimaan wa tee faak daanɔ na. Fai kur nyi u boore.

Rom Teeb 3:10

kaman nan la sɔb Yennu gbouŋ ni a “Sɔɔ kaa ki tee niŋanɔ, aaii, nan yenɔkɔɔwa gbaa.

Rom Teeb 3:23

kimaan nifosaarii kur tun toonbiit ki ki be fanu kaman nan Yennu nba loon biaŋinba na.

1 Korint teeb 3:18

Sɔɔ daa kpann u mɔŋi. Sɔɔ-i be i sinsuuk ni ki dukii nan u tee yan daanɔe tingbouŋ na binbeŋ ni, li ŋan wun kpant u mɔŋ jatuk ki set teen yan daanɔ.

Galasia teeb 6:3

Sɔɔ-i kii tee siar, ŋaan bikii a u mun tee sɔɔe, u kpann u mɔŋe.

1 Timoti 6:5

nan mɔniɔk yoo kura nibiit boor ni; ŋamm yaa dudukit ki somm fanu, ki ji ki mɔk barmɔnii; bi dukii nan Yennu sɔnu tee sɔnu nba sa te nirɔ-n teen mɔkitɔɔe.

2 Timoti 3:13

ki nibiit nan kpinkpannii damm lek tan sii ŋammit pukii bi bitime, ki kpann leeb, ki bi leeb mun sa kpannib.

Jeems 1:22

Ŋaan yii tuun biaŋinba ki maan maŋ wanni na; li-i tee ki i gbat maan maŋ, ŋaan ki ki tuun biaŋinba ki li wann na, i kpann i mɔŋe.

Jeems 1:26

Wunba mi nan u tee Yisaweirɔ ŋaan ki ki so u mɔbi, li daanɔ kpann u mɔŋe. Li want nan u waanu na tee yanne.

Jeems 3:2

Ti kur tun linba ki tokin bonchiann, ŋaan wunba ki piak mabiit, li daanɔ set tee niŋanɔe ki sa fit soor u gbanant kura.

2 Piita 2:13

bi toonbiit nyɔɔt sii tee biite. Bi lek tuun bi gbanant loonbiit yeenin ni. Bi-i be i ni yoonba, bi tee kaman nan jakint nba tuu taab chinchenn paak biaŋinba nee. Bi-i di jeet nani yoonba, ŋaan bi lek dukii bi toonbiit poe.

1 Jɔɔnn 1:10

Ti-i yaa a ti ki tuun toonbiitie, ŋann nna ti teenɔ faak daanɔe na, ki u maan maŋ kaa ti ni.

1 Jɔɔnn 1:6

Ki ti-i yaa a timm nan Yennu mɔk mɔtaauk nan leeb, ŋaan ki bunbɔnn be ti ni, ŋann ti fa faake ti mɔi ni, ki ti toona nee set want nan ti fa faak.

1 Jɔɔnn 2:4

ki li-i tee ki sɔɔ yet a “N miu,” ŋaan bia ki dia u sennii, li yɔɔ tee faak daanɔe, ki barmɔnii kaa u ni.

1 Jɔɔnn 4:20

Daanɔ nba yaa a u loon Yennu, ŋaan bia nân u naa bik, u tee faak daanɔe. Li-i tee ki u ki loon u naa bik nba ki u laatɔ nan u ninbina, nlee ki u sii fit loon Yennu nba ki u ki laatɔ nan u ninbina?

2 Jɔɔnn 1:2

Min nan ŋamme looni, kimaan ti kur nba taa barmɔnii wannu maŋ paak, ki barmɔnii wannu maŋ set sii yɔɔ be ti ni mɔkmɔk nan yoo nba kaa gbennu.

3 Jɔɔnn 1:3

N mɔk parpeenn bonchiann nan ti naa wasiat nba daan baar nna, ki tan betin a po na, nan biaŋinba ki a waa Yennu barmɔnii wannu na, ki a benu nee bia want li sɔnu nan mɔnii.