1 Jɔɔnn 1:7 - Yennu Gbounpaauŋ Mɔɔr

⁷ Ŋaan li-i tee ki ti waa yentu sɔnu yoo kur, kaman nan Yennu nba be yentu ni biaŋinba na, ŋann ti mɔk mɔtaauk nan ti leeb, ki u Bija Yisa sɔme yentir ti para ni biit kur.

Yennu Gbouŋ Mɔɔr

⁷ Ŋaan li-i tee ki ti waa yentu sɔnu yoo kur, nan Yennu nba be yentu ni biaŋinba na, ŋann ti mɔk mɔtaauk nan ti leeb, ki u Bija Yiisa sɔme ŋammit ti para ki nyint biit kur.

1 Jɔɔnn 1:7 ပူးပေါင်းရင်းမြစ်များ

Matiu 6:12

Nyikin chab ti toonbiit kaman nan ta mun nyikit ki chabit binba tuumit biit biaŋinba na.

Jɔɔnn 1:29

La yent sanyiɔk, ki Jɔɔnn maŋ la Yisa ki u baat, ki u bet niib na a “Gotir man! Yennu marouŋ pebikii na. Ŋɔɔe sa nyinn tingbouŋ na ŋaateeb biit.

Jɔɔnn 12:35

Ki u jiin yetib a “Min nba tee yentu na sii be i boor waaminnee. Li paak, i somm man yentu maŋ ni, la daa be na, ki bunbɔnn kan fit lian baar i ni, kimaan wunba somm bunbɔnn ni, u ki mi wa saa siaminba po.

Jɔɔnn 5:4

Yosau tuuk Yennu malakasɔɔ tuu sike ki damm nyun maŋ. Yoo nba ki u damm nyun maŋ, ki baatɔɔ nba sint sik nyun na ni, u yiaru tuu gbenne.

Rom Teeb 13:12

Nyiɔk na bɔnn ki gaare, ki li ji loon lin yent. Li paak, ŋaant man ki tin nyik bunbɔnn ni toona nba tee toonbiit na, ŋaan jii tɔbtiat nba ki Yennu teent na.

1 Korint teeb 6:11

I siab din tuu tee nnee; ŋaan ki Yennu wuur i biit na ki i ji tee u niib ki bia tee popeendamm u peŋ, ti Yomdaanɔ Yisa Masia nan Yennu Seyeeŋ na paak.

Efesus teeb 1:7

Kimaan Yennu nyik chab ti biit ki nyinnit daabsin ni u Bilonkak maŋ sɔn paake.

Efesus teeb 5:8

I ji tee Yennu waase, ki be yentu nie; i ki be bunbɔnn ni kaa kaman nan ya din tuu be na; li ŋan ki yi tee yentu na waas,

1 Timoti 6:16

ŋɔɔ kuukɔɔe kan kpo; u be yentchiauŋ nba ki nirɔ kan fit nakin ni; ŋɔɔe ki nisɔɔ daa ki mi lau amii ki sa fit lau; ŋɔɔe yen paku nan paŋ yoo nba kaa gbennu. Mɔmɔmm.

Taitus 2:14

ŋɔɔe din gaar ti paak ki kpo a wun nyinnit biit kur daabsin ni, ki te ki ti tee popeendamm nba tee u kuukɔɔ yab, kii teen niib nba numm mɔn nan toonŋana tumu.

Hiibru teeb 9:14

Linba na-i ŋamm gbanant, ki Masia sɔn mantik sa nyinn biit ti para ni a tii waa manfodaanɔ Yennu, kimaan Seyeeŋ nba be yoo nba kaa gbennu paŋ ni ki ŋɔɔ Masia din jii u mɔŋ ki mann marouŋ nba be fanu fanu ki tur Yennu.

Jeems 1:17

Bonŋann kur nyii sanpaapoe ti Baa Yennu boor, wunba din nan sanpaapo yentu kura. Ŋɔɔ ŋanin ki lebitir kaman nan sanpaapo yentu nba tuu lebitir biaŋinba na; u bia daa tee ŋɔɔ Yennue.

1 Piita 1:19

ŋaan u jii Yisa Masia sɔn nba ŋan gar likirii kura; ki li tee kaman nan mannu pebik nba ki mɔk biit amii dɔk u paak nee.

1 Jɔɔnn 1:3

Linba ki ti la ki bia gbate, ki ti mɔɔntir ki teeni na, a yin fit lian taan nant mɔtaauk ni. Barmɔniie setik, ti mɔtaauk ni, ti taant nan ti Baa Yennu nan u Bija Yisa Masia,

1 Jɔɔnn 1:5

Tɔn, barii nba ki ti din gbat ŋɔɔ Yisa Masia boor ni ki mɔɔntir ki teeni na, li tee nnee: Yennu tee yentue, ki bunbɔnn kaa u ni.

1 Jɔɔnn 5:6

Ŋɔɔ Yisa Masiae tee wunba din baar nan nyun nan sɔn; u din ki baar nan nyun kuukɔɔ kaa, ŋaan u din baar nan sɔn mun biak. Ki Yennu Seyeeŋ tee siaradaanɔ, kimaan Seyeeŋ na tee barmɔnii daanɔ.

1 Jɔɔnn 5:8

ki damm maŋe tee Yennu Seyeeŋ, nan nyun maŋ, nan sɔn maŋ; ki bi banntaa maŋ lakin taan mɔyomm ki tee siara.

2 Jɔɔnn 1:4

N daan mɔk parpeenn bonchiann nan ma daan la a wasiat nba ki bi waa barmɔnii wannu nba ki ti Baa Yennu sennit sennu na.

3 Jɔɔnn 1:4

Siar ki penn n par ni ki mantik baar ma gbat a n waas waa wannu nba took na.

Fiitu 12:11

a Pebik na sɔn nan u barŋanii nba ki bi mɔɔntir na paake ki bi nyann Sintanii na; ki bi ki tiin bi manfoor na ki sak nan kuum-i baarib, bi sa gaar.

Fiitu 7:14

Ki n jiin ki yetɔ a “Chanbaa, fine mi, ŋaan min ki mi.” Ki u yetin a, “Niib na nyii fargbeŋŋir na nie, ki wuur bi liatfɔkit na Pebik na sɔn ni ki li ji peen,