Orðskviðirnir 21:1 - Biblían (1981)

¹ Hjarta konungsins er eins og vatnslækir í hendi Drottins, hann beygir það til hvers, er honum þóknast.

Biblían (2007)

¹ Hjarta konungsins er sem lækir í hendi Drottins, hann sveigir þá hvert sem honum þóknast.

Orðskviðirnir 21:1 ပူးပေါင်းရင်းမြစ်များ

Síðari konungabók 19:33

Hann skal aftur snúa sömu leiðina sem hann kom, og inn í þessa borg skal hann ekki koma - segir Drottinn.

Esrabók 1:1

Á fyrsta ríkisári Kýrusar Persakonungs blés Drottinn honum því í brjóst - til þess að orð Drottins fyrir munn Jeremía rættust - að láta boð út ganga um allt ríki sitt, og það í konungsbréfi, á þessa leið:

Esrabók 1:2

“Svo segir Kýrus Persakonungur: Öll konungsríki jarðarinnar hefir Drottinn, Guð himnanna, gefið mér, og hann hefir skipað mér að reisa sér musteri í Jerúsalem í Júda.

Esrabók 6:22

Og þannig héldu þeir hátíð hinna ósýrðu brauða í sjö daga með fögnuði, því að Drottinn hafði glatt þá og snúið hjarta Assýríukonungs til þeirra, svo að hann styrkti hendur þeirra við byggingu musteris Guðs, Ísraels Guðs.

Nehemíabók 1:11

Æ, herra, lát eyra þitt vera gaumgæfið að bæn þjóns þíns og bæn þjóna þinna, er fúslega óttast nafn þitt. Farsæl þjón þinn í dag og lát hann finna meðaumkun hjá manni þessum.” Ég var þá byrlari hjá konungi.

Nehemíabók 2:4

Þá sagði konungur við mig: “Hvers beiðist þú þá?” Þá gjörði ég bæn mína til Guðs himnanna;

Nehemíabók 2:8

og bréf til Asafs, skógarvarðar konungsins, til þess að hann láti mig fá við til þess að gjöra af bjálka í hlið kastalans, er heyrir til musterisins, og til borgarmúranna og til hússins, er ég mun fara í.” Og konungur veitti mér það, með því að hönd Guðs míns hvíldi náðarsamlega yfir mér.

Esterarbók 2:17

Og konungur fékk meiri ást á Ester en öllum öðrum konum, og hún ávann sér náð hans og þokka, meir en allar hinar meyjarnar. Og hann setti hina konunglegu kórónu á höfuð henni og gjörði hana að drottningu í stað Vastí.

Sálmarnir 105:25

Hann sneri hjörtum Egypta til haturs við lýð sinn, til lævísi við þjóna sína.

Sálmarnir 106:46

og lét þá finna miskunn hjá öllum þeim er höfðu haft þá burt hernumda.

Sálmarnir 114:3

Hafið sá það og flýði, Jórdan hörfaði undan.

Sálmarnir 114:5

Hvað er þér, haf, er þú flýr, Jórdan, er þú hörfar undan,

Sálmarnir 74:15

Þú lést lindir og læki spretta upp, þú þurrkaðir upp sírennandi ár.

Sálmarnir 93:4

Drottinn á hæðum er tignarlegri en gnýr mikilla, tignarlegra vatna, tignarlegri en boðar hafsins.

Önnur Mósebók 7:3

En ég vil herða hjarta Faraós og fremja mörg jarteikn og stórmerki í Egyptalandi.

Orðskviðirnir 16:1

Fyrirætlanir hjartans eru á mannsins valdi, en svar tungunnar kemur frá Drottni.

Orðskviðirnir 16:9

Hjarta mannsins upphugsar veg hans, en Drottinn stýrir gangi hans.

Orðskviðirnir 20:24

Spor mannsins eru ákveðin af Drottni, en maðurinn - hvernig fær hann skynjað veg sinn?

Jesaja 43:19

Sjá, nú hefi ég nýtt fyrir stafni, það tekur þegar að votta fyrir því - sjáið þér það ekki? Ég gjöri veg um eyðimörkina og leiði ár um öræfin.

Jesaja 44:27

Ég er sá sem segi við djúpið: “Þorna þú upp, og ár þínar þurrka ég upp!”

Jeremía 39:12

“Tak hann og annast hann og gjör honum ekkert illt, heldur gjör við hann svo sem hann mælist til við þig!”

Daníel 4:35

Allir þeir, sem á jörðinni búa, eru sem ekkert hjá honum, og hann fer með himnanna her og byggjendur jarðarinnar eins og hann sjálfur vill, og enginn er sá, er fái honum tálmun gjört og við hann sagt: ‘Hvað gjörir þú?’

Postulasagan 7:10

frelsaði hann úr öllum þrengingum hans og veitti honum hylli og visku í augum Faraós, Egyptalandskonungs, svo að hann skipaði hann höfðingja yfir Egyptaland og yfir allt sitt hús.

Opinberunarbókin 16:12

Og hinn sjötti hellti úr sinni skál yfir fljótið mikla, Efrat. Og vatnið í því þornaði upp, svo að vegur yrði búinn fyrir konungana, þá er koma úr austri.

Opinberunarbókin 16:4

Og hinn þriðji hellti úr sinni skál í fljótin og uppsprettur vatnanna og það varð að blóði.