Orðskviðirnir 15:10 - Biblían (1981)

¹⁰ Slæm hirting bíður þess, sem yfirgefur rétta leið, sá sem hatar umvöndun, hlýtur að deyja.

Biblían (2007)

¹⁰ Vægðarlaus hirting bíður þess sem hverfur af réttri leið, sá sem hatar umvöndun hlýtur að deyja.

Orðskviðirnir 15:10 ပူးပေါင်းရင်းမြစ်များ

Orðskviðirnir 12:1

Sá sem elskar aga, elskar þekking, en sá sem hatar umvöndun, er heimskur.

Jóhannesarguðspjall 3:20

Hver sem illt gjörir hatar ljósið og kemur ekki til ljóssins, svo að verk hans verði ekki uppvís.

Orðskviðirnir 13:1

Vitur sonur hlýðir umvöndun föður síns, en spottarinn sinnir engum átölum.

Orðskviðirnir 10:17

Sá fer lífsins leið, er varðveitir aga, en sá villist, er hafnar umvöndun.

Jóhannesarguðspjall 7:7

Heimurinn getur ekki hatað yður. Mig hatar hann, af því ég vitna um hann, að verk hans eru vond.

Orðskviðirnir 5:12

og segir: “Hversu hefi ég hatað aga og hjarta mitt fyrirlitið umvöndun!

Orðskviðirnir 1:30

skeyttu ekki ráðum mínum og smáðu alla umvöndun mína,

Fyrri konungabók 22:8

Ísraelskonungur mælti til Jósafats: “Enn er einn eftir, er vér gætum látið ganga til frétta við Drottin, en mér er lítið um hann gefið, því að hann spáir mér aldrei góðu, heldur illu einu. Hann heitir Míka Jimlason.” Jósafat sagði: “Eigi skyldi konungur svo mæla.”

Fyrri konungabók 21:20

Og Akab sagði við Elía: “Hefir þú fundið mig, fjandmaður minn?” Hann svaraði: “Hefi ég víst. Af því að þú hefir ofurselt þig til að gjöra það, sem illt er í augum Drottins,

Fyrri konungabók 18:17

En er Akab sá Elía, sagði Akab við hann: “Ert þú þar, skaðvaldur Ísraels?”

Orðskviðirnir 23:35

“Þeir hafa slegið mig, ég kenndi ekkert til, þeir hafa barið mig, ég varð þess ekki var. Hvenær mun ég vakna? Ég vil meira vín!”

Orðskviðirnir 1:25

heldur létuð öll mín ráð sem vind um eyrun þjóta og skeyttuð eigi umvöndun minni,

Orðskviðirnir 15:9

Vegur hins óguðlega er Drottni andstyggilegur, en þann sem stundar réttlæti, elskar hann.

Orðskviðirnir 15:11

Dánarheimur og undirdjúpin eru opin fyrir Drottni, hversu miklu fremur hjörtu mannanna barna!

Jobsbók 34:27

vegna þess að þeir hafa frá honum vikið og vanrækt alla vegu hans

Sálmarnir 50:17

þar sem þú þó hatar aga og varpar orðum mínum að baki þér?

Jeremía 2:17

Hefir þú ekki bakað þér þetta með því að yfirgefa Drottin, Guð þinn, þá er hann leiddi þig á veginum?

Esekíel 33:9

En hafir þú varað hinn óguðlega við breytni hans, að hann skuli láta af henni, en hann lætur samt ekki af breytni sinni, þá skal hann deyja fyrir misgjörð sína, en þú hefir frelsað líf þitt.