Orðskviðirnir 14:2 - Biblían (1981)

² Sá sem framgengur í hreinskilni sinni, óttast Drottin, en sá sem fer krókaleiðir, fyrirlítur hann.

Biblían (2007)

² Sá sem breytir rétt óttast Drottin en sá sem fyrirlítur hann fer villur vegar.

Orðskviðirnir 14:2 ပူးပေါင်းရင်းမြစ်များ

Síðari Samúelsbók 12:9

Hví hefir þú fyrirlitið orð Drottins með því að aðhafast það, sem honum mislíkar? Úría Hetíta hefir þú fellt með sverði. Konu hans hefir þú tekið þér fyrir konu, en sjálfan hann hefir þú myrt með sverði Ammóníta.

Fyrri konungabók 3:6

Þá sagði Salómon: “Þú auðsýndir þjóni þínum, Davíð föður mínum, mikla miskunn, þar eð hann gekk fyrir augliti þínu í trúmennsku, réttlæti og hjartans einlægni við þig. Og þú lést haldast við hann þessa miklu miskunn og gafst honum son, sem situr í hásæti hans, eins og nú er fram komið.

Síðari konungabók 17:34

Fram á þennan dag fara þeir að fornum siðum. Þeir dýrka ekki Drottin og breyta ekki eftir lögum hans og ákvæðum og lögmáli því og boðorði, er Drottinn lagði fyrir sonu Jakobs, þess er hann gaf nafnið Ísrael.

Jobsbók 1:1

Einu sinni var maður í Ús-landi. Hann hét Job. Hann var maður ráðvandur og réttlátur, guðhræddur og grandvar.

Jobsbók 12:4

Athlægi vinar síns - það má ég vera, ég sem kallaði til Guðs, og hann svaraði mér, - ég, hinn réttláti, hreinlyndi, er að athlægi!

Jobsbók 28:28

Og við manninn sagði hann: “Sjá, að óttast Drottin - það er speki, og að forðast illt - það er viska.”

Sálmarnir 112:1

Halelúja. Sæll er sá maður, sem óttast Drottin og hefir mikla unun af boðum hans.

Sálmarnir 25:21

Lát ráðvendni og hreinskilni gæta mín, því að á þig vona ég.

Orðskviðirnir 11:12

Óvitur maður sýnir náunga sínum fyrirlitningu, en hygginn maður þegir.

Orðskviðirnir 16:17

Braut hreinskilinna er að forðast illt, að varðveita sálu sína er að gæta breytni sinnar.

Orðskviðirnir 16:6

Með elsku og trúfesti er friðþægt fyrir misgjörð, og fyrir ótta Drottins forðast menn hið illa.

Orðskviðirnir 19:1

Betri er fátækur maður, sem framgengur í ráðvendni sinni, heldur en lævís lygari og heimskur að auki.

Orðskviðirnir 2:15

sem gjöra vegu sína hlykkjótta og komnir eru út á glapstigu í breytni sinni,

Orðskviðirnir 28:6

Betri er fátækur maður, sem framgengur í ráðvendni sinni, heldur en sá, sem beitir undirferli og er þó ríkur.

Prédikarinn 12:13

Vér skulum hlýða á niðurlagsorðið í því öllu: Óttastu Guð og haltu hans boðorð, því að það á hver maður að gjöra.

Lúkasarguðspjall 10:16

Sá sem á yður hlýðir, hlýðir á mig, og sá sem yður hafnar, hafnar mér. En sá sem hafnar mér, hafnar þeim er sendi mig.”

Lúkasarguðspjall 16:14

En farísearnir, sem voru menn fégjarnir, heyrðu þetta og gjörðu gys að honum.

Postulasagan 10:22

Þeir sögðu: “Kornelíus hundraðshöfðingi, réttlátur maður og guðhræddur og orðsæll af allri Gyðinga þjóð, fékk bendingu frá heilögum engli að senda eftir þér og fá þig heim til sín og heyra, hvað þú hefðir að flytja.”

Postulasagan 10:35

Hann tekur opnum örmum hverjum þeim, sem óttast hann og ástundar réttlæti, hverrar þjóðar sem er.

Postulasagan 9:31

Nú hafði kirkjan frið um alla Júdeu, Galíleu og Samaríu. Hún byggðist upp og gekk fram í ótta Drottins og óx við styrkingu heilags anda.