Jakobsbréfið 3:6 - Biblían (1981)

⁶ Tungan er líka eldur. Tungan er ranglætisheimur meðal lima vorra. Hún flekkar allan líkamann og kveikir í hjóli tilverunnar, en er sjálf tendruð af helvíti.

Biblían (2007)

⁶ Tungan er líka eldur. Tungan er ranglætisheimur meðal lima okkar. Hún flekkar allan manninn og kveikir í allri tilveru hans en er sjálf tendruð af helvíti.

Jakobsbréfið 3:6 ပူးပေါင်းရင်းမြစ်များ

Síðari Samúelsbók 16:20

Þá sagði Absalon við Akítófel: “Leggið nú ráð á, hvað vér skulum gjöra!”

Síðari Samúelsbók 19:43

Þá svöruðu Ísraelsmenn Júdamönnum og sögðu: “Vér eigum tíu hluti í konunginum. Auk þess erum vér frumgetningurinn, en þér ekki. Hví hafið þér lítilsvirt oss? Og komum vér ekki fyrstir fram með þá ósk að færa konung heim aftur?” Og ummæli Júdamanna voru harðari en ummæli Ísraelsmanna.

Síðari kroníkubók 13:17

Og Abía og lið hans felldu þá unnvörpum, svo að fimm hundruð þúsund einvalaliðs féllu af Ísraelsmönnum, vopnum vegnir.

Sálmarnir 140:3

þeim er hyggja á illt í hjarta sínu og vekja ófrið á degi hverjum.

Sálmarnir 64:3

Skýl mér fyrir bandalagi bófanna, fyrir óaldarflokki illvirkjanna,

Orðskviðirnir 15:1

Mjúklegt andsvar stöðvar bræði, en meiðandi orð vekur reiði.

Orðskviðirnir 16:27

Varmennið grefur óheillagröf, og á vörum hans er sem brennandi eldur.

Orðskviðirnir 6:19

ljúgvottur sem lygar mælir, og sá er kveikir illdeilur meðal bræðra.

Orðskviðirnir 7:5

svo að þær varðveiti þig fyrir léttúðarkonu, fyrir blíðmálugri konu sem annar á.

Jesaja 30:27

Sjá, nafn Drottins kemur úr fjarlægð. Reiði hans bálar og þykkan reykjarmökk leggur upp af. Heiftin freyðir um varir hans og tunga hans er sem eyðandi eldur.

Jesaja 50:11

Sjá, allir þér, sem kveikið eld og gyrðið yður eldlegum skeytum, gangið þér út í þann eld, sem þér hafið kveikt, og sláið umhverfis yður þeim slagbröndum, sem þér hafið tendrað! Frá minni hendi kemur þetta yfir yður, þér skuluð liggja í kvölum.

Jeremía 20:10

Já, ég hefi heyrt illyrði margra - skelfing allt um kring: “Kærið hann!” og “Vér skulum kæra hann!” Jafnvel allir þeir, sem ég hefi verið í vináttu við, vaka yfir því, að ég hrasi: “Ef til vill lætur hann ginnast, svo að vér fáum yfirstigið hann og hefnt vor á honum.”

Jeremía 28:16

Fyrir því segir Drottinn svo: Sjá, ég kippi þér burt af jörðinni. Á þessu ári skalt þú deyja, því að þú hefir prédikað fráhvarf frá Drottni.”

Þriðja Mósebók 24:11

Og sonur ísraelsku konunnar lastmælti nafninu og formælti. Þeir leiddu hann fyrir Móse. En móðir hans hét Selómít Díbrísdóttir, af ættkvísl Dans.

Fjórða Mósebók 25:2

Buðu þær lýðnum til fórnarmáltíða goða sinna, og lýðurinn át og tilbað goð þeirra.

Fjórða Mósebók 31:16

Sjá, það voru einmitt þær, sem urðu tilefni til þess, að Ísraelsmenn að ráði Bíleams sýndu Drottni ótrúmennsku vegna Peórs, svo að plágan kom yfir söfnuð Drottins.

Matteusarguðspjall 12:24

Þegar farísear heyrðu það, sögðu þeir: “Þessi rekur ekki út illa anda nema með fulltingi Beelsebúls, höfðingja illra anda.”

Matteusarguðspjall 5:22

En ég segi yður: Hver sem reiðist bróður sínum, skal svara til saka fyrir dómi. Sá sem hrakyrðir bróður sinn skal svara til saka fyrir ráðinu og hver sem svívirðir hann, hefur unnið til eldsvítis.

Markúsarguðspjall 7:15

Ekkert er það utan mannsins, er saurgi hann, þótt inn í hann fari. Hitt saurgar manninn, sem út frá honum fer.” [

Lúkasarguðspjall 16:24

Þá kallaði hann: ‘Faðir Abraham, miskunna þú mér, og send Lasarus, að hann dýfi fingurgómi sínum í vatn og kæli tungu mína, því ég kvelst í þessum loga.’

Postulasagan 20:30

Og úr hópi sjálfra yðar munu koma fram menn, sem flytja rangsnúna kenningu til að tæla lærisveinana á eftir sér.

Postulasagan 5:3

En Pétur mælti: “Ananías, hví fyllti Satan hjarta þitt, svo að þú laugst að heilögum anda og dróst undan af verði lands þíns?

Postulasagan 6:13

Þá leiddu þeir fram ljúgvotta, er sögðu: “Þessi maður er alltaf að tala gegn þessum heilaga stað og lögmálinu.

Fimmta Mósebók 13:6

Ef bróðir þinn, sonur móður þinnar, eða sonur þinn eða dóttir þín eða konan í faðmi þínum eða vinur þinn, sem þú elskar eins og lífið í brjósti þínu, ginnir þig einslega og segir: “Vér skulum fara og dýrka aðra guði,” þá er hvorki þú né feður þínir hafa þekkt,

Títusarbréfið 1:11

og verður að þagga niður í þeim. Það eru mennirnir, sem kollvarpa heilum heimilum, er þeir kenna það, sem eigi á að kenna, fyrir svívirðilegs gróða sakir.

Jakobsbréfið 2:7

Eru það ekki þeir, sem lastmæla hinu góða nafni, sem nefnt var yfir yður?

Jakobsbréfið 3:7

Allar tegundir dýra og fugla, skriðkvikindi og sjávardýr má temja og hafa mennirnir tamið,

Síðara Pétursbréf 3:3

Þetta skuluð þér þá fyrst vita, að á hinum síðustu dögum munu koma spottarar er stjórnast af eigin girndum

Þriðja Jóhannesarbréf 1:10

Þess vegna ætla ég, ef ég kem, að minna á verk þau er hann vinnur. Hann lætur sér ekki nægja að ófrægja oss með vondum orðum, heldur tekur hann ekki sjálfur á móti bræðrunum og hindrar þá, er það vilja gjöra, og rekur þá úr söfnuðinum.

Opinberunarbókin 12:9

Og drekanum mikla var varpað niður, hinum gamla höggormi, sem heitir djöfull og Satan, honum sem afvegaleiðir alla heimsbyggðina, honum var varpað niður á jörðina, og englum hans var varpað niður með honum.

Opinberunarbókin 13:14

Og það leiðir afvega þá, sem á jörðunni búa, með táknunum, sem því er lofað að gjöra í augsýn dýrsins. Það segir þeim, sem á jörðunni búa, að þeir skuli gjöra líkneski af dýrinu, sem sárið fékk undan sverðinu, en lifnaði við.

Opinberunarbókin 18:23

Lampaljós skal eigi framar í þér lýsa og raust brúðguma og brúðar skal eigi framar heyrast í þér. Kaupmenn þínir voru höfðingjar jarðarinnar, af því að allar þjóðir leiddust í villu af töfrum þínum.

Opinberunarbókin 19:20

Og dýrið var handtekið og ásamt því falsspámaðurinn, sem táknin gjörði í augsýn þess, en með þeim leiddi hann afvega þá, sem tekið höfðu við merki dýrsins, og þá, sem tilbeðið höfðu líkneski þess. Báðum þeim var kastað lifandi í eldsdíkið, sem logar af brennisteini.