Jakobsbréfið 3:13 - Biblían (1981)

¹³ Hver er vitur og skynsamur yðar á meðal? Hann láti með góðri hegðun verk sín lýsa hóglátri speki.

Biblían (2007)

¹³ Hver er vitur og skynsamur á meðal ykkar? Hann sýni það með því að vera hóglátur og vitur í allri breytni sinni.

Jakobsbréfið 3:13 ပူးပေါင်းရင်းမြစ်များ

Jobsbók 28:28

Og við manninn sagði hann: “Sjá, að óttast Drottin - það er speki, og að forðast illt - það er viska.”

Sálmarnir 107:43

Hver sem er vitur, gefi gætur að þessu, og menn taki eftir náðarverkum Drottins.

Sálmarnir 122:8

Sakir bræðra minna og vina óska ég þér friðar.

Sálmarnir 149:4

Því að Drottinn hefir þóknun á lýð sínum, hann skrýðir hrjáða með sigri.

Sálmarnir 25:9

Hann lætur hina hrjáðu ganga eftir réttlætinu og kennir hinum þjökuðu veg sinn.

Sálmarnir 45:4

Gyrð lendar þínar sverði, þú hetja, ljóma þínum og vegsemd.

Prédikarinn 8:1

Hver er sem spekingurinn og hver skilur þýðingu hlutanna? Speki mannsins hýrgar andlit hans, og harkan í svipnum breytist.

Prédikarinn 8:5

Sá sem varðveitir skipunina, mun ekki kenna á neinu illu, og hjarta viturs manns þekkir tíma og dóm.

Jesaja 29:19

Þá mun aukast gleði hinna auðmjúku yfir Drottni, og hinir fátækustu meðal manna munu fagna yfir Hinum heilaga í Ísrael.

Jesaja 60:6

Mergð úlfalda hylur þig, ungir úlfaldar frá Midían og Efa. Þeir koma allir frá Saba, gull og reykelsi færa þeir, og þeir kunngjöra lof Drottins.

Jesaja 61:1

Andi Drottins er yfir mér, af því að Drottinn hefir smurt mig. Hann hefir sent mig til að flytja nauðstöddum gleðilegan boðskap og til að græða þá, sem hafa sundurmarið hjarta, til að boða herteknum frelsi og fjötruðum lausn,

Jeremía 9:12

Hver er svo vitur maður, að hann skilji þetta? Hver er sá, er munnur Drottins hafi talað við, að hann megi kunngjöra hvers vegna landið er gjöreytt, sviðið eins og eyðimörk, sem enginn fer um?

Jeremía 9:23

Svo segir Drottinn: Hinn vitri hrósi sér ekki af visku sinni og hinn sterki hrósi sér ekki af styrkleika sínum og hinn auðugi hrósi sér ekki af auði sínum.

Daníel 2:21

Hann breytir tímum og tíðum, hann rekur konunga frá völdum og hann setur konunga til valda, hann gefur spekingunum speki og hinum hyggnu hyggindi.

Sefanía 2:3

Leitið Drottins, allir þér hinir auðmjúku í landinu, þér sem breytið eftir hans boðorðum. Ástundið réttlæti, ástundið auðmýkt, vera má að þér verðið faldir á reiðidegi Drottins.

Fjórða Mósebók 12:3

En maðurinn Móse var einkar hógvær, framar öllum mönnum á jörðu.

Matteusarguðspjall 11:29

Takið á yður mitt ok og lærið af mér, því að ég er hógvær og af hjarta lítillátur, og þá munuð þér finna hvíld sálum yðar.

Matteusarguðspjall 21:5

Segið dótturinni Síon: Sjá, konungur þinn kemur til þín, hógvær er hann og ríður asna, fola undan áburðargrip.

Matteusarguðspjall 5:5

Sælir eru hógværir, því að þeir munu jörðina erfa.

Matteusarguðspjall 7:24

Hver sem heyrir þessi orð mín og breytir eftir þeim, sá er líkur hyggnum manni, er byggði hús sitt á bjargi.

Fyrra Korintubréf 6:5

Ég segi það yður til blygðunar. Er þá enginn vitur til á meðal yðar, sem skorið geti úr málum milli bræðra?

Síðara Korintubréf 10:1

Nú áminni ég sjálfur, Páll, yður með hógværð og mildi Krists, ég, sem í návist yðar á að vera auðmjúkur, en fjarverandi djarfmáll við yður.

Síðara Korintubréf 8:24

Sýnið því söfnuðunum merki elsku yðar, svo að það verði þeim ljóst, að það var ekki að ástæðulausu, að vér hrósuðum yður við þá.

Galatabréfið 5:23

hógværð og bindindi. Gegn slíku er lögmálið ekki.

Galatabréfið 6:1

Bræður! Ef einhver misgjörð kann að henda mann, þá leiðréttið þér, sem andlegir eruð, þann mann með hógværð. Og haf gát á sjálfum þér, að þú freistist ekki líka.

Galatabréfið 6:4

En sérhver rannsaki breytni sjálfs sín og þá mun hann hafa hrósunarefni í samanburði við sjálfan sig, en ekki miðað við aðra,

Efesusbréfið 4:2

Verið í hvívetna lítillátir og hógværir. Verið þolinmóðir, langlyndir og umberið hver annan í kærleika.

Filippíbréfið 1:27

En hvað sem öðru líður, þá hegðið yður eins og samboðið er fagnaðarerindinu um Krist. Hvort sem ég kem og heimsæki yður eða ég er fjarverandi, skal ég fá að heyra um yður, að þér standið stöðugir í einum anda og berjist saman með einni sál fyrir trúnni á fagnaðarerindið

Kólossubréfið 3:12

Íklæðist því eins og Guðs útvaldir, heilagir og elskaðir, hjartans meðaumkun, góðvild, auðmýkt, hógværð og langlyndi.

Fyrra Tímóteusarbréf 4:12

Lát engan líta smáum augum á æsku þína, en ver fyrirmynd trúaðra, í orði, í hegðun, í kærleika, í trú, í hreinleika.

Fyrra Tímóteusarbréf 6:11

En þú, Guðs maður, forðast þú þetta, en stunda réttlæti, guðhræðslu, trú, kærleika, stöðuglyndi og hógværð.

Síðara Tímóteusarbréf 2:25

hógvær er hann agar þá, sem skipast í móti. Guð kynni að gefa þeim sinnaskipti, sem leiddi þá til þekkingar á sannleikanum,

Títusarbréfið 3:2

lastmæla engum, vera ódeilugjarnir, sanngjarnir og sýna hvers konar hógværð við alla menn.

Hebreabréfið 13:5

Sýnið enga fégirni í hegðun yðar, en látið yður nægja það, sem þér hafið. Guð hefur sjálfur sagt: “Ég mun ekki sleppa af þér hendinni né yfirgefa þig.”

Jakobsbréfið 1:21

Leggið því af hvers konar saurugleik og alla vonsku og takið með hógværð á móti hinu gróðursetta orði, er frelsað getur sálir yðar.

Jakobsbréfið 2:18

En nú segir einhver: “Einn hefur trú, annar verk.” Sýn mér þá trú þína án verkanna, og ég skal sýna þér trúna af verkum mínum.

Jakobsbréfið 3:1

Verðið eigi margir kennarar, bræður mínir. Þér vitið, að vér munum fá þyngri dóm.

Jakobsbréfið 3:17

En sú speki, sem að ofan er, hún er í fyrsta lagi hrein, því næst friðsöm, ljúfleg, sáttgjörn, full miskunnar og góðra ávaxta, óhlutdræg, hræsnislaus.

Fyrra Pétursbréf 1:15

Verðið heldur sjálfir heilagir í allri hegðun, eins og sá er heilagur, sem yður hefur kallað.

Fyrra Pétursbréf 2:12

Hegðið yður vel meðal heiðingjanna, til þess að þeir, er nú hallmæla yður sem illgjörðamönnum, sjái góðverk yðar og vegsami Guð á tíma vitjunarinnar.

Fyrra Pétursbréf 2:9

En þér eruð “útvalin kynslóð, konunglegt prestafélag, heilög þjóð, eignarlýður, til þess að þér skuluð víðfrægja dáðir hans,” sem kallaði yður frá myrkrinu til síns undursamlega ljóss.

Fyrra Pétursbréf 3:4

heldur sé það hinn huldi maður hjartans í óforgengilegum búningi hógværs og kyrrláts anda. Það er dýrmætt í augum Guðs.