Jakobsbréfið 1:17 - Biblían (1981)

¹⁷ Sérhver góð gjöf og sérhver fullkomin gáfa er ofan að og kemur niður frá föður ljósanna. Hjá honum er engin umbreyting né skuggar, sem koma og fara.

Biblían (2007)

¹⁷ Sérhver góð gjöf og sérhver fullkomin gáfa er ofan að, frá föður ljósanna. Hjá honum er engin umbreyting né flöktandi skuggar. Hann er ávallt hinn sami.

Jakobsbréfið 1:17 ပူးပေါင်းရင်းမြစ်များ

Fyrsta Mósebók 41:16

Þá svaraði Jósef Faraó og mælti: “Eigi er það á mínu valdi. Guð mun birta Faraó það, er honum má til heilla verða.”

Fyrri kroníkubók 22:12

Veiti Drottinn þér aðeins hyggindi og skilning og skipi þig yfir Ísrael, og að þú megir varðveita lögmál Drottins, Guðs þíns.

Fyrri kroníkubók 29:19

En gef þú Salómon syni mínum einlægt hjarta, að hann megi varðveita boðorð þín, vitnisburði og fyrirskipanir, og að hann megi gjöra allt þetta og reisa musterið, er ég hefi dregið að föng til.”

Sálmarnir 102:27

Þeir líða undir lok, en þú varir. Þeir fyrnast sem fat, þú skiptir þeim sem klæðum, og þeir hverfa.

Sálmarnir 122:6

Biðjið Jerúsalem friðar, hljóti heill þeir, er elska þig.

Sálmarnir 136:7

honum, sem skapaði stóru ljósin, því að miskunn hans varir að eilífu,

Sálmarnir 84:11

Því að einn dagur í forgörðum þínum er betri en þúsund aðrir, heldur vil ég standa við þröskuldinn í húsi Guðs míns en dvelja í tjöldum óguðlegra.

Sálmarnir 85:12

Trúfesti sprettur upp úr jörðunni, og réttlæti lítur niður af himni.

Orðskviðirnir 2:6

Því að Drottinn veitir speki, af munni hans kemur þekking og hyggindi.

Jesaja 28:26

Guð hans kennir honum hina réttu aðferð og leiðbeinir honum.

Jesaja 45:7

Ég tilbý ljósið og framleiði myrkrið, ég veiti heill og veld óhamingju. Ég er Drottinn, sem gjöri allt þetta.

Jesaja 46:10

Ég kunngjörði endalokin frá öndverðu og sagði fyrir fram það, sem eigi var enn fram komið. Ég segi: Mín ráðsályktun stendur stöðug, og allt, sem mér vel líkar, framkvæmi ég.

Jesaja 60:19

Þú skalt ekki framar hafa sólina til að lýsa þér um daga, og tunglið skal ekki skína til að gefa þér birtu, heldur skal Drottinn vera þér eilíft ljós og Guð þinn vera þér geislandi röðull.

Malakí 3:6

Ég, Drottinn, hefi ekki breytt mér, og þér, Jakobssynir, eruð samir við yður.

Fjórða Mósebók 11:17

Og ég vil stíga niður og tala þar við þig, og ég vil taka af anda þeim, sem yfir þér er, og leggja yfir þá, svo að þeir beri með þér byrði fólksins og þú berir hana ekki einn.

Fjórða Mósebók 11:25

Og Drottinn sté niður í skýinu og talaði við hann, og hann tók af anda þeim, sem yfir honum var, og lagði hann yfir öldungana sjötíu. Og er andinn kom yfir þá, spáðu þeir, og aldrei síðan.

Fjórða Mósebók 23:19

Guð er ekki maður, að hann ljúgi, né sonur manns, að hann sjái sig um hönd. Skyldi hann segja nokkuð og gjöra það eigi, tala nokkuð og efna það eigi?

Matteusarguðspjall 7:11

Fyrst þér, sem eruð vondir, hafið vit á að gefa börnum yðar góðar gjafir, hve miklu fremur mun þá faðir yðar á himnum gefa þeim góðar gjafir, sem biðja hann?

Lúkasarguðspjall 11:13

Fyrst þér, sem eruð vondir, hafið vit á að gefa börnum yðar góðar gjafir, hve miklu fremur mun þá faðirinn himneski gefa þeim heilagan anda, sem biðja hann.”

Jóhannesarguðspjall 1:9

Hið sanna ljós, sem upplýsir hvern mann, kom nú í heiminn.

Jóhannesarguðspjall 3:27

Jóhannes svaraði þeim: “Enginn getur tekið neitt, nema honum sé gefið það af himni.

Jóhannesarguðspjall 3:3

Jesús svaraði honum: “Sannlega, sannlega segi ég þér: Enginn getur séð Guðs ríki, nema hann fæðist að nýju.”

Jóhannesarguðspjall 8:12

Nú talaði Jesús aftur til þeirra og sagði: “Ég er ljós heimsins. Sá sem fylgir mér, mun ekki ganga í myrkri, heldur hafa ljós lífsins.”

Postulasagan 11:18

Þegar þeir heyrðu þetta, stilltust þeir, og þeir vegsömuðu Guð og sögðu: “Guð hefur þá einnig gefið heiðingjunum afturhvarf til lífs.”

Postulasagan 5:31

Hann hefur Guð hafið sér til hægri handar og gjört hann að foringja og frelsara til að veita Ísrael afturhvarf og fyrirgefningu synda sinna.

Rómverjabréfið 6:23

Laun syndarinnar er dauði, en náðargjöf Guðs er eilíft líf í Kristi Jesú, Drottni vorum.

Fyrra Korintubréf 4:7

Því að hver gefur þér yfirburði? Og hvað hefur þú, sem þú hefur ekki þegið? En hafir þú nú þegið það, hví stærir þú þig þá eins og þú hefðir ekki fengið það að gjöf?

Síðara Korintubréf 4:6

Því að Guð, sem sagði: “Ljós skal skína fram úr myrkri!” - hann lét það skína í hjörtu vor, til þess að birtu legði af þekkingunni á dýrð Guðs, eins og hún skín frá ásjónu Jesú Krists.

Efesusbréfið 1:18

Ég bið hann að upplýsa sálarsjón yðar, svo að þér skiljið, hver sú von er, sem hann hefur kallað oss til, hver ríkdómur hans dýrlegu arfleifðar er, sem hann ætlar oss meðal hinna heilögu,

Efesusbréfið 2:8

Því að af náð eruð þér hólpnir orðnir fyrir trú. Þetta er ekki yður að þakka. Það er Guðs gjöf.

Fimmta Mósebók 4:19

og að þú eigi, þegar þú lyftir augum þínum til himins og sér sólina, tunglið og stjörnurnar, allan himinsins her, látir tælast til þess að falla fram fyrir þeim og dýrka þau. Því að Drottinn Guð þinn hefir skipt þeim meðal allra þjóða undir himninum.

Filippíbréfið 1:29

Því að yður er veitt sú náð fyrir Krists sakir, ekki einungis að trúa á hann, heldur og að þola þjáningar hans vegna.

Fyrra Tímóteusarbréf 6:16

Hann einn hefur ódauðleika, hann býr í ljósi, sem enginn fær til komist, hann sem enginn maður leit né litið getur. Honum sé heiður og eilífur máttur. Amen.

Hebreabréfið 13:8

Jesús Kristur er í gær og í dag hinn sami og um aldir.

Jakobsbréfið 1:5

Ef einhvern yðar brestur visku, þá biðji hann Guð, sem gefur öllum örlátlega og átölulaust, og honum mun gefast.

Jakobsbréfið 3:15

Sú speki kemur ekki að ofan, heldur er hún jarðnesk, andlaus, djöfulleg.

Jakobsbréfið 3:17

En sú speki, sem að ofan er, hún er í fyrsta lagi hrein, því næst friðsöm, ljúfleg, sáttgjörn, full miskunnar og góðra ávaxta, óhlutdræg, hræsnislaus.

Fyrsta Jóhannesarbréf 1:5

Og þetta er boðskapurinn, sem vér höfum heyrt af honum og boðum yður: “Guð er ljós, og myrkur er alls ekki í honum.”

Fyrsta Jóhannesarbréf 4:10

Þetta er kærleikurinn: Ekki að vér elskuðum Guð, heldur að hann elskaði oss og sendi son sinn til að vera friðþæging fyrir syndir vorar.

Opinberunarbókin 21:23

Og borgin þarf ekki heldur sólar við eða tungls til að lýsa sér, því að dýrð Guðs skín á hana og lambið er lampi hennar.

Opinberunarbókin 22:5

Og nótt mun ekki framar til vera og þeir þurfa ekki lampaljós né sólarljós, því að Drottinn Guð skín á þá og þeir munu ríkja um aldir alda.

Fyrri Samúelsbók 15:29

Ekki lýgur heldur vegsemd Ísraels, og ekki iðrar hann, því að hann er ekki maður, að hann iðri.”