Rutarbók 2:3 - Biblían (2007)

³ Rut hélt af stað, kom út á akurinn og tíndi þar upp kornöx á eftir kornskurðarmönnunum. Svo vel vildi til að þann teig átti Bóas, frændi Elímeleks.

Biblían (1981)

³ Rut fór og tíndi á akrinum á eftir kornskurðarmönnunum, og henni vildi svo vel til, að teig þennan átti Bóas, sem var í ætt við Elímelek.

Rutarbók 2:3 ပူးပေါင်းရင်းမြစ်များ

Síðari Samúelsbók 1:6

Sendiboðinn ungi sagði: „Ég átti leið um Gilbóahálendið. Þar sá ég Sál styðjast við spjót sitt og þrengdu stríðsvagnar og riddarar að honum.

Síðari Samúelsbók 20:1

Á þessum tíma bjó þarna óþokki sem Seba hét Bíkríson af Benjamínsætt. Hann lét þeyta hafurshornið og hrópaði: Við eigum enga hlutdeild í Davíð, engan arfshlut í syni Ísaí. Ísraelsmenn fari nú hver og einn til tjalds síns.

Síðari konungabók 8:5

Þegar Gehasí var að segja konungi frá því hvernig Elísa hafði lífgað hinn látna kom móðir drengsins, sem hann hafði lífgað, og bað konung um aðstoð við að fá aftur hús sitt og akur. Þá sagði Gehasí: „Herra minn og konungur. Þetta er konan og þetta er sonur hennar sem Elísa lífgaði.“

Matteusarguðspjall 10:29

Eru ekki tveir spörvar seldir fyrir smápening? Og ekki fellur einn þeirra til jarðar án vitundar föður yðar.

Lúkasarguðspjall 10:31

Svo vildi til að prestur nokkur fór ofan sama veg og sá manninn en sveigði fram hjá.

Síðara Þessaloníkubréf 3:12

Slíkum mönnum býð ég og áminni vegna Drottins Jesú Krists að vinna kyrrlátlega og sjá fyrir sér sjálfir.

Rutarbók 2:2

Einhverju sinni sagði Rut hin móabíska við Naomí: „Ég ætla að fara út á akur og tína upp kornöx á eftir einhverjum góðviljuðum kornskurðarmanni.“ Naomí svaraði: „Farðu, dóttir mín.“

Rutarbók 2:4

Þá kom Bóas óvænt frá Betlehem og kastaði kveðju á kornskurðarmennina: „Drottinn sé með ykkur.“ Þeir svöruðu honum: „Drottinn blessi þig.“