Prédikarinn 1:9 - Biblían (2007)

⁹ Það sem hefur verið mun verða og það sem gerst hefur mun enn gerast og ekkert er nýtt undir sólinni.

Biblían (1981)

⁹ Það sem hefir verið, það mun verða, og það sem gjörst hefir, það mun gjörast, og ekkert er nýtt undir sólinni.

Prédikarinn 1:9 ပူးပေါင်းရင်းမြစ်များ

Prédikarinn 1:10

Sé nokkuð til er um verði sagt: Þetta er nýtt, þá hefur það orðið fyrir löngu, fyrir okkar tíma.

Prédikarinn 2:12

Ég tók því að virða fyrir mér speki og flónsku og heimsku því að hvað mun sá maður gera er tekur við af konungi? Ekki annað en það sem menn hafa gert fyrir löngu.

Prédikarinn 3:15

Það sem er, var fyrir löngu, og það sem verður, hefur verið fyrir löngu og Guð leitar aftur hins liðna.

Prédikarinn 6:10

Það sem fyrir kemur hefur löngu hlotið nafn sitt og það er ákveðið hvað menn eiga að verða og maðurinn getur ekki deilt við þann sem honum er máttugri.

Prédikarinn 7:10

Segðu ekki: Hvernig stendur á því að hinir fyrri dagar voru betri en þessir? Ekki er það skynsamlegt að þú spyrjir svo.

Jesaja 43:19

Nú hef ég nýtt fyrir stafni, nú þegar vottar fyrir því, sjáið þér það ekki? Ég geri veg um eyðimörkina og fljót í auðninni.

Jeremía 31:22

Hve lengi ætlarðu að eigra um stefnulaust, fráhverfa dóttir? Því að Drottinn skapar nýtt í landinu: konan mun vernda karlinn.

Síðara Pétursbréf 2:1

En falsspámenn komu einnig upp meðal lýðsins. Eins munu falskennendur líka verða á meðal ykkar er smeygja munu inn háskalegum villukenningum og jafnvel afneita Drottni sínum, sem keypti þá, og leiða yfir sjálfa sig bráða glötun.

Opinberunarbókin 21:1

Og ég sá nýjan himin og nýja jörð því að hinn fyrri himinn og hin fyrri jörð voru horfin og hafið var ekki framar til.

Opinberunarbókin 21:5

Sá sem í hásætinu sat sagði: „Sjá, ég geri alla hluti nýja,“ og hann segir: „Rita þú, því að þetta eru orðin trúu og sönnu.“