Prédikarinn 1:2 - Biblían (2007)

² Aumasti hégómi, segir prédikarinn, aumasti hégómi, allt er hégómi.

Biblían (1981)

² Aumasti hégómi, segir prédikarinn, aumasti hégómi, allt er hégómi!

Prédikarinn 1:2 ပူးပေါင်းရင်းမြစ်များ

Jobsbók 11:12

Ef heimskur maður verður skynsamur getur villiasni eins fæðst sem maður.

Sálmarnir 144:4

Maðurinn er sem vindblær, dagar hans líða hjá eins og skuggi.

Sálmarnir 89:47

Hversu lengi, Drottinn, ætlar þú að dyljast, á reiði þín að loga sem eldur?

Prédikarinn 11:10

Vísaðu gremju burt frá hjarta þínu og láttu ekki böl koma nærri líkama þínum því að æska og morgunroði lífsins eru hverful.

Prédikarinn 11:8

Lifi maðurinn mörg ár, þá á hann að vera glaður öll þau ár og minnast þess að dagar myrkursins verða margir. Allt sem á eftir kemur er hégómi.

Prédikarinn 12:8

Aumasti hégómi, segir prédikarinn, allt er hégómi.

Prédikarinn 2:11

En svo leit ég á öll verk mín, þau sem hendur mínar höfðu unnið, og á þá fyrirhöfn er ég hafði haft af þeim og þá sá ég að allt var það hégómi og eftirsókn eftir vindi og að enginn ávinningur er til undir sólinni.

Prédikarinn 2:15

Og ég sagði við sjálfan mig: Það sem kemur fyrir heimskingjann kemur einnig fram við mig og til hvers hef ég þá orðið svo frábærlega vitur? Þá fann ég í hjarta mínu að einnig það var hégómi.

Prédikarinn 2:17

Þá varð ég andsnúinn lífinu. Mér mislíkaði það sem gerist undir sólinni því að allt er það hégómi og eftirsókn eftir vindi.

Prédikarinn 2:19

Hver veit hvort hann verður spekingur eða heimskingi? Þó á hann að ráða yfir öllu því erfiði sem ég hef stritast við og farið viturlega með undir sólinni. Einnig það er hégómi.

Prédikarinn 2:21

Hafi einhver unnið starf sitt af hyggindum, þekkingu og dugnaði verður hann að selja það öðrum í hendur sem ekkert hefur fyrir því haft. Einnig það er hégómi og mikið böl.

Prédikarinn 2:23

Dagar hans eru honum allir kvöl og starf hans er armæða. Jafnvel á næturnar fær hjarta hans ekki hvíld. Einnig þetta er hégómi.

Prédikarinn 2:26

Þeim manni, sem honum geðjast, gefur hann speki, þekkingu og gleði en hinn rangláta lætur hann safna og hrúga saman hlutum til að selja þá í hendur þeim sem Guði geðjast. Einnig það er hégómi og eftirsókn eftir vindi.

Prédikarinn 2:8

Ég safnaði mér silfri og gulli og fjársjóðum frá konungum og öðrum löndum. Ég fékk mér söngmenn og söngkonur og sjálft karlmannsyndið, fjölda kvenna.

Prédikarinn 3:19

Því að örlög manns og örlög skepnu eru hin sömu: Eins og skepnan deyr, svo deyr og maðurinn og allt hefur sama andann og yfirburði hefur maðurinn enga fram yfir skepnuna því að allt er hégómi.

Prédikarinn 4:16

Enginn endir var á öllu því fólki, á öllum þeim sem hann stjórnaði. En afkomendur hans glöddust ekki yfir honum. Einnig það er hégómi og eftirsókn eftir vindi.

Prédikarinn 4:4

Ég sá að allt strit og öll elja er ekki annað en öfund eins manns við annan. Einnig það er hégómi og eftirsókn eftir vindi.

Prédikarinn 4:8

Maður stendur einn og enginn annar með honum, hann á hvorki son né bróður og þó er enginn endir á öllu striti hans og auðurinn mettar ekki augu hans. Fyrir hvern er ég þá að stritast og fyrir hvern læt ég þá sjálfan mig fara góðs á mis? Einnig þetta er hégómi og leið þraut.

Prédikarinn 5:10

Þar sem eigurnar vaxa, þar fjölgar og þeim er eyða þeim, og hvaða gagn hefur eigandinn af þeim annað en að horfa á þær?

Prédikarinn 6:11

Þótt til séu mörg orð sem auka á hégómann, hverju er maðurinn þá bættari?

Rómverjabréfið 8:20

Sköpunin er hneppt í ánauð hverfulleikans, ekki sjálfviljug heldur að vilja hans sem bauð svo,