Postulasagan 1:9 - Biblían (2007)

⁹ Þegar hann hafði mælt þetta varð hann upp numinn að þeim ásjáandi og ský huldi hann sjónum þeirra.

Biblían (1981)

⁹ Þegar hann hafði þetta mælt, varð hann upp numinn að þeim ásjáandi, og ský huldi hann sjónum þeirra.

Postulasagan 1:9 ပူးပေါင်းရင်းမြစ်များ

Sálmarnir 68:18

Vagnar Guðs eru tvisvar tíu þúsundir, þúsundir á þúsundir ofan, Drottinn kom frá Sínaí til helgidómsins.

Önnur Mósebók 19:9

Drottinn sagði við Móse: „Nú kem ég til þín í dimmu skýi svo að fólkið geti heyrt þegar ég tala við þig og treyst þér ævinlega.“ Móse skýrði Drottni frá orðum fólksins.

Önnur Mósebók 34:5

Drottinn steig niður í skýi og nam staðar þar hjá Móse. Hann hrópaði nafn Drottins.

Jesaja 19:1

Boðskapur um Egyptaland: Sjá, Drottinn ríður á hraðfara skýi og kemur til Egyptalands. Goð Egyptalands skjálfa frammi fyrir honum og hjörtu Egypta bráðna í brjóstum þeirra.

Daníel 7:13

Ég horfði á í nætursýnum og sá þá einhvern koma á skýjum himins, áþekkan mannssyni. Hann kom til Hins aldna og var leiddur fyrir hann.

Markúsarguðspjall 16:19

Þegar nú Drottinn Jesús hafði talað við þá var hann upp numinn til himins og settist til hægri handar Guði.

Lúkasarguðspjall 21:27

Þá munu menn sjá Mannssoninn koma í skýi með mætti og mikilli dýrð.

Jóhannesarguðspjall 6:62

En ef þér sæjuð Mannssoninn stíga upp þangað sem hann áður var?

Postulasagan 1:11

og sögðu: „Galíleumenn, hví standið þér og horfið til himins? Þessi Jesús, sem varð upp numinn frá yður til himins, mun koma á sama hátt og þér sáuð hann fara til himins.“

Postulasagan 1:2

allt til þess dags er hann varð upp numinn. Áður hafði hann gefið postulunum, sem hann hafði valið með heilögum anda, fyrirmæli sín.

Fyrra Þessaloníkubréf 4:17

Þá munum við sem eftir lifum verða hrifin burt ásamt þeim í skýjum til fundar við Drottin í loftinu. Og síðan munum við vera með Drottni alla tíma.

Fyrra Tímóteusarbréf 3:16

Og víst er leyndardómur trúarinnar mikill: Hann birtist í manni, sannaðist í anda, opinber englum, var boðaður þjóðum, trúað í heimi, hafinn upp í dýrð.

Opinberunarbókin 1:7

Sjá, hann kemur í skýjunum og hvert auga mun sjá hann, jafnvel þeirra sem stungu hann, og allar kynkvíslir jarðarinnar munu kveina yfir honum. Vissulega, amen.

Opinberunarbókin 11:12

Og þeir heyrðu rödd mikla af himni sem sagði við þá: „Stígið upp hingað.“ Og þeir stigu upp til himins í skýi og óvinir þeirra horfðu á þá.

Opinberunarbókin 14:4

Þetta eru þeir sem ekki hafa saurgast með konum. Þeir eru skírlífir. Þeir fylgja lambinu hvert sem það fer. Þeir voru leystir úr hópi manna sem frumgróði handa Guði og lambinu.