Orðskviðirnir 4:4 - Biblían (2007)

⁴ þá kenndi faðir minn mér og sagði við mig: „Hjarta þitt haldi fast við orð mín, varðveittu fyrirmæli mín og þá muntu lifa.

Biblían (1981)

⁴ þá kenndi faðir minn mér og sagði við mig: “Hjarta þitt haldi fast orðum mínum, varðveit þú boðorð mín, og muntu lifa!

Orðskviðirnir 4:4 ပူးပေါင်းရင်းမြစ်များ

Fyrsta Mósebók 18:19

Ég hef kjörið hann til þess að bjóða börnum sínum og niðjum eftir sig að gefa gætur að vegi Drottins og iðka rétt og réttlæti. Mun þá Drottinn láta koma fram við Abraham það sem hann hefur heitið honum.“

Fyrri kroníkubók 28:9

En þú, Salómon, sonur minn, lærðu að þekkja Guð föður þíns og þjónaðu honum af heilum hug og af fúsum vilja því að Drottinn rannsakar öll hjörtu og þekkir allar hugsanir. Ef þú leitar hans lætur hann þig finna sig en ef þú yfirgefur hann útskúfar hann þér um alla framtíð.

Sálmarnir 119:11

Ég geymi orð þín í hjarta mínu svo að ég syndgi ekki gegn þér.

Sálmarnir 119:144

Fyrirmæli þín eru rétt um eilífð, veit mér skilning svo að ég megi lifa.

Sálmarnir 119:168

Ég held boð þín og fyrirmæli og allir vegir mínir eru þér kunnir.

Orðskviðirnir 22:6

Fræð hinn unga um veginn sem hann á að halda og á gamals aldri mun hann ekki af honum víkja.

Orðskviðirnir 23:26

Sonur minn, gefðu mér hjarta þitt og láttu augu þín gaumgæfa vegu mína.

Orðskviðirnir 3:1

Sonur minn, gleymdu ekki kenningu minni og hjarta þitt varðveiti ráð mín

Orðskviðirnir 3:2

því að langa lífdaga, farsæl ár og velgengni munu þau veita þér ríkulega.

Orðskviðirnir 7:2

Varðveittu fyrirmæli mín, því að þá munt þú lifa, og leiðsögn mína eins og sjáaldur auga þíns.

Jesaja 55:3

Leggið við hlustir og komið til mín, hlustið, þá munuð þér lifa. Ég ætla að gera við yður ævarandi sáttmála og miskunn mín við Davíð mun stöðug standa.

Jeremía 38:20

Jeremía sagði: „Þú verður ekki framseldur. Hlýddu á orð Drottins, sem ég flyt þér, svo að þér vegni vel og þú haldir lífi.

Jóhannesarguðspjall 12:50

Og ég veit að það sem hann býður er eilíft líf. Ég tala það eitt sem faðir minn hefur falið mér.“

Efesusbréfið 6:4

Og feður, reitið ekki börn ykkar til reiði heldur alið þau upp með aga og fræðslu um Drottin.

Fimmta Mósebók 4:9

En vertu varkár og gættu þín vel svo að þú gleymir ekki þeim atburðum sem þú hefur séð með eigin augum. Láttu þá ekki líða þér úr minni meðan þú lifir og þú skalt segja börnum þínum og barnabörnum frá þeim.

Fimmta Mósebók 6:6

Þessi orð, sem ég boða þér í dag, skulu vera þér hugföst.

Síðara Tímóteusarbréf 1:5

er ég rifja upp fyrir mér hina hræsnislausu trú þína. Sú trú bjó fyrst í henni Lóis ömmu þinni og í henni Evnike móður þinni og ég er sannfærður um að hún býr líka í þér.

Síðara Tímóteusarbréf 3:15

Þú hefur frá blautu barnsbeini þekkt heilagar ritningar. Þær geta veitt þér speki til sáluhjálpar fyrir trúna á Krist Jesú.

Hebreabréfið 5:9

Þegar hann hafði fullnað allt varð hann öllum, sem honum fylgja, sá sem gefur eilíft hjálpræði,

Dómarabókin 13:12

Þá sagði Manóa: „Ef það kemur fram sem þú hefur sagt, hvernig á þá að fara með sveininn og hvað á hann að gera?“