Orðskviðirnir 20:3 - Biblían (2007)

³ Það er manni sómi að forðast deilur en afglapinn kveikir þrætur.

Biblían (1981)

³ Það er manni sómi að halda sér frá þrætu, en hver afglapinn ygglir sig.

Orðskviðirnir 20:3 ပူးပေါင်းရင်းမြစ်များ

Fyrsta Mósebók 13:7

Þá reis deila milli hjarðmanna Abrams og hjarðmanna Lots. − Kanverjar og Peresítar bjuggu þá í landinu. −

Fyrsta Mósebók 13:8

Abram mælti þá við Lot: „Engin misklíð skal vera milli mín og þín og milli minna hjarðmanna og þinna því að við erum frændur.

Síðari konungabók 14:9

Þá sendi Jóas, konungur Ísraels, þessi boð til Amasía, konungs í Júda: „Þistillinn á Líbanon sendi sedrustrénu á Líbanon þessi skilaboð: Gefðu syni mínum dóttur þína að konu. En villidýrin á Líbanon hlupu þar hjá og tróðu þistilinn niður.

Orðskviðirnir 14:17

Uppstökkan mann henda glöp en hinn meinfýsni verður hataður.

Orðskviðirnir 14:29

Sá sem er seinn til reiði er skynsamur en hinn bráðláti setur heimskuna í hásæti.

Orðskviðirnir 16:32

Sá sem er seinn til reiði er betri en kappi og sá sem stjórnar geði sínu er meiri en sá sem vinnur borgir.

Orðskviðirnir 17:14

Þegar deila kviknar er sem tekin sé úr stífla, láttu hana því niður falla áður en sennan hefst.

Orðskviðirnir 18:6

Orð heimskingjans valda deilum, munnur hans býður höggunum heim.

Orðskviðirnir 19:11

Það er viska að vera seinn til reiði og sæmd að láta rangsleitni ekki á sig fá.

Orðskviðirnir 21:24

Sá sem er hrokafullur og dramblátur kallast spottari, hann lætur stýrast af skefjalausum hroka.

Orðskviðirnir 26:17

Sá sem blandar sér í annarra deilu er eins og sá sem grípur í eyrun á hundi sem fram hjá hleypur.

Efesusbréfið 4:32

Verið góðviljuð hvert við annað, miskunnsöm, fús til að fyrirgefa hvert öðru eins og Guð hefur í Kristi fyrirgefið ykkur.

Jakobsbréfið 3:14

En ef beiskur ofsi og eigingirni býr í hjarta ykkar, þá stærið ykkur ekki og ljúgið ekki.

Jakobsbréfið 4:1

Af hverju koma stríð og af hverju sennur meðal ykkar? Af hverju öðru en girndum ykkar sem heyja stríð í limum ykkar?