Orðskviðirnir 18:5 - Biblían (2007)

⁵ Það er ekki rétt að draga taum hins rangláta og halla rétti hins saklausa í dómi.

Biblían (1981)

⁵ Það er ekki rétt að draga taum hins óguðlega, að halla rétti hins saklausa í dómi.

Orðskviðirnir 18:5 ပူးပေါင်းရင်းမြစ်များ

Jobsbók 34:19

sem ekki dregur taum höfðingja og gerir ríkum ekki hærra undir höfði en fátækum því að allir eru þeir verk handa hans?

Sálmarnir 82:2

„Hve lengi ætlið þér að dæma ranglega og draga taum óguðlegra? (Sela)

Önnur Mósebók 23:2

Þú skalt ekki fylgja meirihlutanum til illra verka. Þú skalt ekki vitna gegn andstæðingi í neinni sök þannig að þú fylgir meirihlutanum og hallir réttu máli.

Önnur Mósebók 23:3

Þú skalt ekki draga taum fátæks manns í málaferlum.

Önnur Mósebók 23:6

Þú skalt ekki halla rétti fátæks manns sem hjá þér er þegar hann á í málaferlum.

Orðskviðirnir 17:15

Að sýkna sekan og sakfella saklausan, hvort tveggja er Drottni andstyggð.

Orðskviðirnir 17:26

Að refsa saklausum er ekki lofsvert, né heldur að berja á göfugmennum.

Orðskviðirnir 24:23

Þessi spakmæli eru líka eftir spekinga: Hlutdrægni í dómi er röng.

Orðskviðirnir 28:21

Hlutdrægni er röng en þó fremja menn ranglæti fyrir einn brauðbita.

Orðskviðirnir 31:5

Þeir kynnu að drekka og gleyma lögunum og ganga á rétt hinna fátæku.

Jesaja 5:23

þeim sem sýkna hinn seka fyrir mútur en svipta saklausan rétti sínum.

Jesaja 59:14

Þannig er rétturinn hrakinn burt og réttlæti stendur víðs fjarri því að sannleikurinn hrasaði á torginu, hreinskilnin komst ekki að.

Þriðja Mósebók 19:15

Þið megið ekki fremja ranglæti í réttinum. Þú mátt hvorki draga taum hins valdalausa né vera hinum valdamikla undirgefinn. Þú skalt dæma skyldmenni þín af réttlæti.

Míka 3:9

Heyrið þetta, leiðtogar Jakobs ættar, höfðingjar Ísraels ættar, þér sem hafið andstyggð á réttlæti og hallið hverju því sem rétt er,

Míka 7:3

Til ills eru báðar hendur fram réttar. Höfðinginn heimtar og dómarinn er falur. Tignarmaðurinn krefst alls sem hann girnist og það veitist honum.

Matteusarguðspjall 22:16

Þeir senda til hans lærisveina sína ásamt Heródesarsinnum og þeir segja: „Meistari, við vitum að þú ert sannorður og kennir Guðs veg í sannleika, þú hirðir ekki um álit neins enda gerir þú þér engan mannamun.

Fimmta Mósebók 16:19

Þú skalt ekki halla réttinum. Þú skalt ekki sýna hlutdrægni. Þú skalt ekki þiggja mútur því að mútur blinda augu hins vitra og afbaka mál þeirra sem hafa á réttu að standa.