Orðskviðirnir 17:3 - Biblían (2007)

³ Deiglan er fyrir silfrið og bræðsluofninn fyrir gullið en Drottinn prófar hjörtun.

Biblían (1981)

³ Deiglan er fyrir silfrið og bræðsluofninn fyrir gullið, en Drottinn prófar hjörtun.

Orðskviðirnir 17:3 ပူးပေါင်းရင်းမြစ်များ

Fyrri kroníkubók 29:17

Ég veit, Guð minn, að þú rannsakar hjartað og gleðst yfir hreinskilni. Ég hef gefið þetta allt af heilum hug og fúsu geði. Nú hefur það einnig glatt mig að sjá að lýður þinn, sem hér er saman kominn, hefur fúslega gefið þér gjafir.

Jobsbók 23:10

Hann þekkir veginn sem ég geng. Prófi hann mig reynist ég sem gull.

Jobsbók 28:1

Silfur er að finna í námum og gull á sér hreinsunarstað.

Sálmarnir 139:23

Prófa mig, Guð, og þekktu hjarta mitt, rannsaka mig og þekktu hugsanir mínar

Sálmarnir 26:2

Rannsaka mig, Drottinn, og reyn mig, prófa nýru mín og hjarta.

Sálmarnir 66:10

Þú reyndir oss, Guð, hreinsaðir oss eins og þegar silfur er hreinsað,

Orðskviðirnir 15:11

Dánarheimur og undirdjúpin eru Drottni auðsæ, hve miklu fremur hjörtu mannanna.

Orðskviðirnir 16:2

Maðurinn telur alla vegu sína vammlausa en Drottinn reynir ásetning hans.

Orðskviðirnir 17:2

Hygginn þræll mun drottna yfir spilltum syni og taka erfðahlut með bræðrunum.

Orðskviðirnir 21:2

Maðurinn telur alla hætti sína rétta en Drottinn vegur hjörtun.

Orðskviðirnir 27:21

Deiglan reynir silfrið og bræðsluofninn gullið en maðurinn er metinn eftir orðstír sínum.

Jesaja 48:10

Ég hreinsaði þig, þó ekki sem silfur, ég reyndi þig í bræðsluofni þjáningarinnar.

Jeremía 17:10

Ég, Drottinn, rannsaka hjartað og prófa nýrun, geld hverjum manni eftir breytni hans og ávöxtum verka hans.

Esekíel 22:18

Mannssonur, Ísraelsmenn eru orðnir mér sori. Þeir eru allir kopar, tin, járn og blý í bræðsluofni. Þeir eru orðnir sorasilfur.

Daníel 11:35

Sumir hyggindamannanna munu falla svo að þeir verði skírðir, hreinsaðir og þoli raunir allt til endalokanna því að enn dregst undan hin ásetta stund.

Sakaría 13:9

Þann þriðjung leiði ég gegnum eldinn, hreinsa hann eins og menn hreinsa silfur og prófa hann eins og gull er prófað. Hann mun ákalla nafn mitt og ég mun svara og segja: „Þetta er lýður minn,“ og hann mun segja: „Drottinn er Guð minn.“

Fimmta Mósebók 8:16

Í eyðimörkinni gaf hann þér manna að eta sem feður ykkar þekktu ekki svo að hann gæti auðmýkt þig og reynt þig og síðan gert vel við þig.

Fimmta Mósebók 8:2

Hafðu hugfast hvernig Drottinn, Guð þinn, leiddi þig alla leiðina þessi fjörutíu ár í eyðimörkinni. Hann gerði það til að beygja þig og reyna þig, til þess að komast að raun um hvað þú hafðir í huga, hvort þú hygðist halda boðorð hans.

Fyrra Pétursbréf 1:7

Það er til þess að trúfesti ykkar, langtum dýrmætari en forgengilegt gull, sem þó er reynt í eldi, geti orðið ykkur til lofs og dýrðar og heiðurs við opinberun Jesú Krists.

Opinberunarbókin 2:23

Og áhangendur hennar mun ég deyða og allir söfnuðirnir skulu vita að ég er sá sem rannsakar nýrun og hjörtun og ég mun gjalda yður hverju og einu eftir verkum yðar.