Orðskviðirnir 16:4 - Biblían (2007)

⁴ Allt hefur Drottinn skapað í ákveðnum tilgangi, eins hinn rangláta vegna óheilladagsins.

Biblían (1981)

⁴ Allt hefir Drottinn skapað til síns ákveðna marks, svo og guðleysingjann til óheilladagsins.

Orðskviðirnir 16:4 ပူးပေါင်းရင်းမြစ်များ

Fyrsta Mósebók 1:31

Og Guð leit allt sem hann hafði gert, og sjá, það var harla gott. Og það varð kvöld og það varð morgunn, hinn sjötti dagur.

Jobsbók 15:23

Hann eigrar um í leit að brauði: „Hvar er það?“ Hann veit að hans bíður dimmur dagur.

Jobsbók 21:30

Á óheilladeginum verður hinum vonda þyrmt, á reiðideginum verður honum skotið undan.

Önnur Mósebók 9:16

En ég hef látið þig halda lífi aðeins til þess að þú sæir mátt minn og nafn mitt verði boðað um alla jörðina.

Orðskviðirnir 16:5

Sérhver hrokagikkur er Drottni andstyggð, vissulega sleppur hann ekki við refsingu.

Prédikarinn 3:11

Allt hefur hann gert hagfellt á sínum tíma, jafnvel eilífðina hefur hann lagt í brjóst þeirra en maðurinn fær ekki skilið að fullu það verk sem Guð vinnur.

Jesaja 43:21

Þjóðin, sem ég myndaði handa mér, mun flytja lofgjörð um mig.

Jesaja 43:7

sérhvern þann sem við nafn mitt er kenndur, því að ég hef skapað hann mér til dýrðar, myndað hann og mótað.“

Rómverjabréfið 11:36

Frá honum, fyrir hann og til hans eru allir hlutir. Honum sé dýrð um aldir alda. Amen.

Rómverjabréfið 9:22

Hafi Guð viljað sýna reiði sína og birta mátt sinn hefur hann samt af mikilli þolinmæði umborið þau ker sem vöktu reiði hans og áttu fyrir sér að fara forgörðum.

Fyrra Pétursbréf 2:8

og: ásteytingarsteini og hrösunarhellu. Þeir steyta sig á honum af því að þeir óhlýðnast boðskapnum. Það var þeim ætlað.

Síðara Pétursbréf 2:3

Af ágirnd munu þeir með uppspunnum orðum hafa ykkur að féþúfu. En dómurinn yfir þeim er löngu kveðinn upp og fyrnist ekki og glötun þeirra blundar ekki.

Síðara Pétursbréf 2:9

Þannig veit Drottinn hvernig hann á að hrífa hina guðhræddu úr freistingu en refsa hinum ranglátu og geyma þá til dómsdags,

Opinberunarbókin 4:11

Verður ert þú, Drottinn vor og Guð, að fá dýrðina og heiðurinn og máttinn því að þú hefur skapað alla hluti og að þínum vilja urðu þeir til og voru skapaðir.