Orðskviðirnir 15:9 - Biblían (2007)

⁹ Vegur hins rangláta er Drottni andstyggilegur en þann sem ástundar réttlæti elskar hann.

Biblían (1981)

⁹ Vegur hins óguðlega er Drottni andstyggilegur, en þann sem stundar réttlæti, elskar hann.

Orðskviðirnir 15:9 ပူးပေါင်းရင်းမြစ်များ

Sálmarnir 1:6

Drottinn vakir yfir vegi réttlátra en vegur óguðlegra endar í vegleysu.

Sálmarnir 11:7

því að Drottinn er réttlátur, hann elskar rétta breytni, hinn ráðvandi fær að sjá auglit hans.

Sálmarnir 139:24

og sjá þú hvort ég geng á glötunarvegi og leið mig hinn eilífa veg.

Sálmarnir 5:5

Þú ert ekki guð sem gleðst yfir ranglæti, því geta vondir menn ekki leitað skjóls hjá þér.

Orðskviðirnir 15:10

Vægðarlaus hirting bíður þess sem hverfur af réttri leið, sá sem hatar umvöndun hlýtur að deyja.

Orðskviðirnir 21:21

Sá sem ástundar réttlæti og kærleika öðlast líf, velgengni og heiður.

Orðskviðirnir 21:4

Drembilát augu og hrokafullt hjarta, lampi ranglátra er syndin.

Orðskviðirnir 21:8

Hlykkjótt er leið hins seka en verk hins hreina eru vammlaus.

Orðskviðirnir 4:19

Vegur ranglátra er eins og niðamyrkur, þeir vita ekki um hvað þeir hrasa.

Orðskviðirnir 8:13

Að óttast Drottin er að hata hið illa, hroka og dramb, meinfýsi og ósannsögli hata ég.

Jesaja 26:7

Bein er braut hins réttláta, þú jafnar veg hans.

Jesaja 51:1

Hlýðið á mig, þér sem sækist eftir réttlæti, þér sem leitið Drottins. Lítið á klettinn sem þér voruð höggnir af og brunninn sem þér voruð grafnir úr.

Jesaja 51:7

Hlýðið á mig, þér sem þekkið réttlæti, þjóðin sem ber lögmál mitt í hjarta sínu. Óttist ekki spott manna, hræðist ekki smánaryrði þeirra,

Jeremía 44:4

Ég sendi þjóna mína, spámennina, hvað eftir annað til yðar til að boða yður: Fremjið ekki þessa svívirðu sem ég hata.

Hósea 6:3

Vér skulum leita þekkingar, sækjast eftir að þekkja Drottin. Hann kemur jafn áreiðanlega og morgunroði, eins og vorskúr sem vökvar jarðveginn.

Habakkuk 1:13

Of hrein eru augu þín til að líta hið illa og þér er um megn að horfa á illvirki. Hví horfirðu þá aðgerðalaus á illvirki þeirra meðan hinn rangláti svelgir í sig þann sem honum er réttlátari?

Matteusarguðspjall 7:13

Gangið inn um þrönga hliðið. Því að vítt er hliðið og vegurinn breiður sem liggur til glötunar og margir þeir sem þar fara inn.

Fimmta Mósebók 7:13

Hann mun elska þig, blessa þig og fjölga þér. Hann mun blessa ávöxt kviðar þíns og ávöxt lands þíns, korn þitt, vín, olíu, kálfa þína og lömb í landinu sem hann hét feðrum þínum að gefa þér.

Fyrra Tímóteusarbréf 6:11

En þú, Guðs maður, forðast þú þetta en stunda réttlæti, guðrækni, trú, kærleika, stöðuglyndi og hógværð.

Síðara Tímóteusarbréf 2:22

Flý þú æskunnar girndir en stunda réttlæti, trú, kærleika og frið ásamt þeim sem ákalla Drottin af hreinu hjarta.